升k2後,班主任教得差,點算?俾d意見我,唔該

wing530

>晴B媽,
你既case同我一樣, 我都係搵校長傾下, 點知得出既答案, 係出人意表, 同埋, 比我發現學校既教學方針, 係我最唔滿意既, 最後, 我都係轉校, 而家仔仔轉左新校3個星期, 明顯係好開心既, 所以, 我都無決定錯誤呀~

>pigpig,
希望你仔仔好似我仔仔咁, 轉左間好學校, 讀得更開心, 我地又放心呀~   

wing530

>pigpig,
Sorry呀, 攪錯左呀~   

阿仔以前讀"德寶"架, 而家讀"聖安德肋"呀, 咁你囡囡呢?

我唔洗點同佢講架, 我仔仔係主動想轉校架, 咁可想而知, 佢係學校係幾唔開心喇~   

>yi,
當然記得你啦, 你囡囡仲係唔係deborah讀呀? 你梗係好耐無去我地個topic睇喇, 我地10月係學校發生好大件事呀, 所以, 我同hinhinmom一齊走左喇~   

你可以去返deborah part 2睇睇, 大約10月3開始講, 我地一班既家長都好唔滿意學校既作風, 對我就更離譜, 校長跟本唔當我係一個家長應有既態度, 我係9月尾比班主任上黎bk鬧我, 同埋我地幾個家長, 講既說話唔係一般人可以講得出既, 言詞刻薄, 我比佢鬧足3代, 言詞之間, 我發現仔仔係學校比人不公平既對待!

之後, 我就同校長相討事件, 校長都覺得事態嚴重, 佢都要report比校監, 1星期後, 校長比我既答案話, 佢用人格擔保果位miss, 跟本就係怕影響學校既聲譽, 我要求轉班, 佢仲同我講, 轉校同轉班無分別, 如果比我轉班, 即係默認事件喎~

2次既傾談, 比我發現學校既教學係我唔能接受既, 阿仔同我講, 學校無同學同佢玩, 後來發現, 話阿仔寫字慢, 個個小朋友都出去玩時, 佢要留低, 每日要做完3樣野先可去玩, 我問學校, 咁唔會幫下呢d既小朋友咩? 原來係無既, 咁即係死谷啦, 谷到得為止囉, k1以前, 阿仔既成績係中上既, 點解而家會咁架?

班主任唔同小朋友傾計既, 無溝通既, 所以, 阿仔原本係一個主動, 愛講說話既小朋友, 係學校變左被動, 不愛說話既小朋友, 我係主任口中得知個刻, 就知道要轉校喇, 仲有, 話阿仔寫字無信心, 經常問係咪咁, 我跟本唔知, 校長仲我同講, 呢d小事, 無唸過家長都想知囉, 唔係化, 你地想唔想知自己既小朋友係學校係點架?   我自己覺得阿仔唔係無信心, 我認為係引人注意, 因為係學校無人同佢講野, 我真係覺得阿仔一個人係學校好慘, 唔怪得佢想轉校呀~    

校長仲引用"私穩條例"對我, 我平時要返工, 叫保姆湊既, 有時放學問下小朋友既野, 班主任態度唔好, 唔答, 我問返校長, 為何咁既態度, 校長就話保姆唔係父母, 有權唔答, 你都收到通告啦, "私穩條例"喎~

上個月, 學校發生肺炎事件, 竟然唔知囉, 我阿仔果班, 阿仔係第二個中招, 第2日, 隔離班又一個, 我之前已同校方傾過, 叫佢出通告, 校長拒絕!  

其實除左我之外, 我地同班既家長, 都唔滿意呢個班主任, 佢地既野, 我就唔方便講, 始終佢地既小朋友仲讀緊, 唔想受影響, 你話喇, 我走唔走喇? 我跟本就係非走不可"啦!
   

wing530

晴B媽,

又會咁o岩既, 咁你家姐既仔仔派左邊間小學呀?   

wing530

>pigpig,
sorry呀, 我而家先搵返呢個topic咋~   

你既情況同我差唔多, 都係miss出問題, 學校又維護老師既教學, 我都係唔滿意所以轉校咋! 聽你咁講, 我都覺得呢兩個miss唔掂喎, 有咩理由管唔掂d學生, 要關燈黎做阻嚇架, 我好反感呀~     

老師又唔關心小朋友, 將所有責任都推卸比小朋友, 一句扭計就算, 阿仔以前個班主任又係咁, 將自己唔做既野, 就推落比小朋友, 就話佢地"論盡"做野慢, 所以佢唔知道, 就無做喇, 我覺得簡直不知所謂呀~       

咁你囡囡轉左校未呀? 讀邊間呢? 希望你囡囡快d適應新校! 開開心心啦~

>晴B媽
唔該哂呀!

wing530

pigpig,

乜你唔係住將軍澳咩? 點解去左愉景灣架?   

11月頭, 阿仔要返舊校拎評估, d老師問佢返新校開唔開心, 阿仔話好好好開心喎~     同埋果日家長日人多要等, 學校安排小朋友去玩先, 留返家長係度等, 點知阿仔完全唔玩, 佢話唔鐘意係呢度玩, 剩係鐘意玩新校果d, 個主任都同我老公講, 佢真係完完全全咁好適應喎!    

事實上, 阿仔真係有好明顯既轉變, 成個人開心哂, 成日唱歌, 佢真係好快就適應到, 完全唔似新生, 我有轉校既念頭時, 已帶阿仔參觀新校, 係佢話轉架, 我唔洗多講乜野, 所以, 係deborah果時, 佢真係唔開心架, 而家我有時同佢講笑, 不如返deborah囉, 佢不知幾驚呀~      

阿仔係k2呀~

wing530

pigpig,

我見你囡囡讀"綠x", 我咪以為係將軍澳果間囉~     

係喎, 如果我仔仔話舊校唔開心之類說話, 個miss都幾"瘀"喎~     

我唔係全部都評估哂架, 係我自己唔做, 我覺得做黎無意義, 但佢地就係咁叫我做, 唔知點解呢? 我10月份都有交足學費架, 不過, 我只係返左1日, 佢地就係果日同阿仔做oral, 寫字呢d評估, 其他果d無做, 因為我已去左新校lu~

你果間又係衰d喎, 拎返自己野都唔得?     有比$$$架喎, 點解唔得呀~     

wing530

pigpig,

我原本都唸住讀埋10月先既, 不過, 學校果度做左d令我好唔開心既野出黎, 所以, 谷鬼氣咪即走囉~

都有小小"金"架, deborah要交足10月份既學費, 而呢邊新校問過, 如果我10月中過去, 佢只收我半個月既學貴姐, 所以, 咪走囉, 我唔想阿仔係d咁"人情冷暖"既地方讀落去, 而且, d老師既表現, 令我好難受, 好唔開心, 所以, 唯有浪費金錢囉~

你話拎唔拎返d評估呀, 睇你自己想唔想要返囉, 如果想要既, 咪同學校講囉, 你已比哂學費/什費既$$$, 有權拎返自己既野, 如果唔比既, 叫佢退$$$囉, 睇下學校有咩反應囉!

wing530

pigpig,

係呀, 阿仔間新校可以交半個月, 連茶點費都係半個月, 所以咪走囉~      阿仔返左學時, 都未交學費, 有幾次返去買校服/書時, 想比埋學費, 點知佢地唔收, 仲話唔洗咁急, 慢慢啦, 呢度就係私校同津校既分別呀?      私校睇$$$好重架!

既然你唔想再同學校有咩聯繫, 咁就算啦, 反正果份評估表都無咩用, 咪唔要囉, 無謂做d自己唔開心既野出黎啦~