小一數學考試失手，控制唔到唔開心

oh_really

曾經有位好老師同我講：唔好以為淨係大人識錫小朋友，其實小朋友都好錫爸爸媽媽，即使只有三四歲，亦唔想因為自己而令爸爸媽媽擔心或者唔開心。

家長因為子女成績下跌而唔開心，係好正常嘅感覺，我都會，但我也會提醒自己不要傳遞錯誤信息，讓小朋友以為考試考得好係為咗爸爸媽媽開心，考得唔好爸爸媽媽就會傷心。我會要求佢儘力而為，考完試就送一份小禮物俾佢，作為用功讀書的獎勵，而非派完試卷或成績表後見到成績好才獎勵。我也會提醒佢讀書係為自己，而非父母，其實也是同自己講如果考得唔好都唔好太唔開心，否則大人細路都好大壓力。

對於careless mistakes，我覺得考試咁緊張，其實都幾難做到零錯誤，只要唔太過份，我都只會叫佢下次小心啲。

來日方長，一次失手下次再努力囉！加油！