保良局顏寶鈴書院家長交流區

小B媽咪

andy_pa
校風好嚴。點解你唔去學校觀察實況呢?

小B媽咪

回復 dlh525 的帖子

開放日大概11月中下旬，你遲些留意下學校網站啦!

小B媽咪

回復 reginayu 的帖子

如無記錯，中三先至會分精英班。

小B媽咪

啱啱上中學，學o既自然多咗好多，尤其是中小升上英中，比多些時間去適應啦! 大加油!

小B媽咪

回復 chun媽 的帖子

學校會有好多non-Chinese學生，其實學校學規都頗嚴，我自己眼見小兒o既同學都好有禮貌，我都好放心。
至於學校畢業生情況，學校都好開放列於校網上，唔會收收埋埋。學校教得好與不好，除咗枝筆重要之外，口才對於將來喺社會工作都好重要。在學校裏面，老師與同學係以英語溝通，中文就以普通話。上年我跟其中一位班主任見面時，是以普通話對話，眼見小兒跟她很流暢交談，這不是學校老師功勞嗎?(因為在家中用廣東話的)
我同小兒選擇此校，是因為校內設施以及老師們教學o既熱誠! 正如上年小兒班主任的一翻說話，學生除了成績，個人發展對將來更很重要。學校給予小兒好多唔同機會eg leadership training發展佢潛能。 想回頭，當時也有兩所band 1中學取錄小兒，始終小兒情有獨中此校，雖然讀書辛苦，但他時常告訴我學校趣事，我相信他幾享受學校生活。

每所學校，都有不同特點，家長與學生真的要好好參觀學校開放日，感受一下，看看是否適合自己小朋友。

小B媽咪

回復 chun媽 的帖子

學校好與不好，適合與不合，每位家長尺度都不同。過多兩個月就是學校開放日，親身同小朋友去來學校，觀察和感受一下吧!

小B媽咪

以我所知，教過小兒o既老師，佢哋都仲喺樹教緊。
至於那位印藉老師，唔知係未你所講嗰位，你有冇真正聽佢present過呢?佢o既英語係好好! 千萬唔好用有色眼鏡去睇人。至於法文，因為小兒係local students，唔好意思，答唔到你。不過學校課外活動係有法文班。
無論如何，唔好成聽日聞聽聞，嚇親自己先! 親身去學校開放日，體會一下。
其實每一間學校都有佢哋o既吸引力，要因應小朋友o既能力同喜好，對號入座。

小B媽咪

昨晚跟小兒閒談，佢話有老師離職，不過都係幾位啫! 有冇十幾位唔誇張! 他還答我今年有新老師教他們，覺得他們教得不錯。因為老師唔好，佢一定會同我數苦! 另外，佢又話只唔怕醜，有唔明白敢去問老師，佢哋問一定會教。

剛剛記起，陣經有位高年班o既家長跟我講過，老師係用合約方式聘請，如果表現未能合標，係唔會獲得續約的。

中學唔同小學，學生已經擁有一定o既知識，喺我覺道嚟講，老師o既熱心教學，喺中學階段係好重要，加上學風嚴緊，作為我一位在職媽媽，會更加安心。

小朋友始終有一日要出嚟社會工作，而家唔可以單單靠英文就掂唒，普通話都同樣重要。

小B媽咪

回復 chun媽 的帖子

你真醒!
我隻un皮仔今年讀緊中二啊!

小B媽咪

回覆 PaPa 的帖子

揀得NPL，就係想自己小朋友喺中學時代，都可以繼續用普通話學習。其實，學生可在上中三時，選擇轉返廣東教學。提外話，以我家小兒堅決要用返普通話上課。

要交學費比小朋友讀書，當然係揾一間學校能夠比到資源學生o架啦! 學生喺學校裏用普通話，一出到學校，大家好自然轉返channel廣東話交流o架啦!  不論普通話定係英文，都係一種語言，係要時間去練習及交流至學得好。如果本地老師真係考獲基准試或國家語委二級證書o既，做家長o既我，當然歡迎，如果係要揾啲唔合規o既半桶水老師返o黎教學生，我就真係好返對囉!


To be honest，工作上需要，我好多時要用普通話同人客及國內同事溝通，返到屋企有時都要請教小兒。我都想佢第時能夠考獲國家語委二級證書，因為唔係咁容易一件事情。

小B媽咪

回覆 PaPa 的帖子

因為佢哋讀o既中文係淺啲同埋唔洗讀中國歷史，成績總分咪可以拉高啲。

小B媽咪

回覆 ElizaSit 的帖子[size=15.333333015441895px]

[size=15.333333015441895px]學校係無管弦樂團。

小B媽咪

回覆 PaPa 的帖子

有o架! 每年學期尾佢哋都會攪綜合表演，上年就係理工大學舉行。同學表得幾好，氣氛唔錯。

小B媽咪

回覆 ElizaSit 的帖子

人係要向前看，外國人都學普通話，為何我哋唔去學呢？

而家no eye see，將來出來社會做事唔懂普通話，到時後悔太遲了！

小B媽咪

回覆 PaPa 的帖子

我記得應有面試，詳情開學後會有資料。
小兒係玩色士風，都係放學後一星期上一次。
校內表演我記得Open Day，跟住就係學期完個綜合表演。

小B媽咪

回覆 PaPa 的帖子

呢樣真係唔清楚! 我只知小兒會幫同學出外比賽時做伴奏，無聽過佢出外幫手表演.....