如果要報直資小學，面試班係咪必須？ - 小一選校

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 小一選校 › 如果要報直資小學，面試班係咪必須？

查看: 8405\|回覆: 8	go 如果要報直資小學，面試班係咪必須？ [複製鏈接]

uncle_peter

民房

Rank: 1


	5

1^#

發表於 25-9-12 13:12 |只看該作者 |倒序瀏覽 |打印

本帖最後由 uncle_peter 於 25-9-12 13:18 編輯

如題, 想知道你們的想法。我小朋友9月升K2，打算報區內直資小學。
就此我同過幼稚園老師傾計，佢話你諗得入直資，就要摒棄一般正向教育、快樂成長的育兒理念。是真的嗎？

其實在我而言，報唔報唔係金錢考慮, 而係我希望小朋友可以自然又做回自己去應對面試。
當然面試前我都打算為孩子做心理準備，比佢知道面試係咩野一回事，亦會基本讓佢知道面試禮儀。
但我就不打算規範佢答咩野答案。我只需確保孩子心情放鬆去應試便可以了。
心態上我其實放開的，如果學校肯收，我會當係中獎，唔收也可能表示孩子不符其學校要求的能力或理念。

打正旗號為面試做準備，在我而言小朋友會更緊張對嗎？
現時只係諗住投放資源係兩文三語及言語表達能力，有些可能報班，也會自己從講故事或日常生活溝通多幫助孩子說話組織能力。
歡迎大家分享睇法。

有無人是沒報面試班的情況下成功入到直資小學?更加想聽你的分享。

0 0 0 0

回覆引用

返回頂部

阿厘爸爸

複式洋房

Rank: 3 Rank: 3


	139

2^#

發表於 25-9-13 19:51 |只看該作者

是咁的⋯我個仔和他的幼稚園同班同學有以下咁樣嘅情況⋯
我個仔和他的另一個幼稚園同班同學報咗個小一面試課程⋯到最後我個仔（1間私立有offer、另1間私立waiting list，今年7月收到waiting list果間學校嘅call）；而果位幼稚園同班同學就有1間私立waiting list。

其他報稱無報坊間小一面試班嘅同學係第一輪自行報讀直資及私立小學的同學仔⋯沒有offer也沒有waiting

真心建議報小一面試班，如果報就報d多分店（分校）嘅小一面試班⋯全期費用約$5千幾至$7千幾。

報小一面試班並不代表是怪獸家長，重要的是不要遇到怪獸小一面試班導師。

望子女成才是每一個家長的願望，加油！

點評回覆引用

返回頂部

wccfgoldcard

大宅

Rank: 5 Rank: 5


	1402

3^#

發表於 25-9-15 11:20 |只看該作者

以我剛玩完 24/25 小一升學大戰既經驗，除非你小朋友係超超慢熱或你想入既直資係算好早in同出offer，否則，係不用報面試班的。

反而，重點係要 "多報" 直私，比佢係無壓力下 (除非果間，你鍾意啦，咁先in前用2-3日谷一谷佢) 多去in，你會發現佢自 Apr (音小in) 開始唔係好知做乜同有d驚，玩到 Aug左右，已見佢對in 開始習慣同適應，咁Aug尾-Dec 那些名直私 in 應該 handle 到。

另提一提，真係好多高材通，無論由 St Paul Co-ed 至happy school 私，都真係好多高材子女in，所以，盡力報多幾間。至少有1-2 直私offers 係唔難既。

另今年大抽獎，如屬名校區，又因為高材通，係難抽獎左好多。

點評回覆引用

返回頂部

wccfgoldcard

大宅

Rank: 5 Rank: 5


	1402

4^#

發表於 25-9-15 11:34 |只看該作者

另無論直私津或國際學校，其實都有不同教法同理念，就算同屬直資，教法同出來質素都要逐間睇。

不過，好肯定你幼稚園老師好似講錯，正路讀直資相對資源同可參與係多些，快樂成長既機率會大些，尤其龍校，呈分試家長壓力都少d啦。

點評回覆引用

返回頂部

RainyRice

大宅

Rank: 5 Rank: 5


	4513

5^#

發表於 25-9-15 14:18 |只看該作者

wccfgoldcard 發表於 25-9-15 11:34
另無論直私津或國際學校，其實都有不同教法同理念，就算同屬直資，教法同出來質素都要逐間睇。

本帖最後由 RainyRice 於 25-9-17 00:17 編輯

我相信樓主的幼稚園老師所講「諗得入直資，就要摒棄一般正向教育、快樂成長的育兒理念。」，應該是只幼稚園階段，老師覺得如果要準備升直私小學，要準備面試，就要辛苦。入咗之後是否比較輕鬆就因學校而異。

我分別有「有上面試班」同「冇上面試班」的經驗。面試班有好多種，比起上了東張西望那種面試老師，都有很多比較愉快的面試班。
不論是幼稚園準備面試那兩年還是升了小學之後，我覺得就算去上面試班、成功考入直私都唔等於要犧牲小朋友的快樂和家長的教育方針。

我相信都可以全靠家長和小朋友的努力而面試成功。首先就是家長和小朋友互動的時間一定要高質量，另外家長和小朋友要準備面試的方向，或多或少都要依靠一些前人經驗。面試班/各種家長群組/討論區就可以提供這些資訊給家長。可以話面試班係接受這些資訊的雞精班，如果你唔上面試班，喺其他途徑都可以搵到相關資料嘅。

點評回覆引用

返回頂部

wccfgoldcard

大宅

Rank: 5 Rank: 5


	1402

6^#

發表於 25-9-15 14:41 |只看該作者

回覆 RainyRice 的帖子

又咁講，考强少少既直私 (e.g. DBS, 英華, st Paul Boys, CKY, 三私一直, 培僑, etc)，係學術層面上唔係考得好深，同考一般直私既學術分別level 只係相差少少，最重要係睇in時反應同表現，而且，好多時都係睇合唔合眼缘。只要報多，in多些，雖然係仍要平時每星期六日抽1-2小時練習準備下 ... 但應該唔需要去到所謂 "犧牲小朋友係幼稚園時既快樂時間" 咁誇張。

點評回覆引用

返回頂部

fmf903

別墅

Rank: 4


	783

7^#

發表於 25-9-17 00:09 |只看該作者

uncle_peter 發表於 25-9-12 13:12
如題, 想知道你們的想法。我小朋友9月升K2，打算報區內直資小學。
就此我同過幼稚園老師傾計，佢話你諗得入 ...

本帖最後由 fmf903 於 25-9-17 00:11 編輯

報。
如果你係頭胎從來冇玩過呢個遊戲，你應該跟一個有經驗嘅老師做軍師教你點樣去裝備小朋友。
好多時候父母覺得自己小朋友叻，但係出公海係另一回事，尤其是仲有班高才通。我報班純粹係想知道自己小朋友喺公海嘅位置，爭幾遠要點樣努力追。
另外有老師提供嘅過往考試題目，我覺得有幫助，有些學校經常地會出某一類型題目。
報面試班沒有影響平時家庭教育，我們照樣星期六日去玩好多親子時間。

點評回覆引用

返回頂部

Nbranson

大宅

Rank: 5 Rank: 5


	1762

8^#

發表於 25-9-17 11:45 |只看該作者

其實有錢交學費就得。你睇下最近YMCA, ESF, 弘立, 好幾間直資及國際學校....不停買廣告.... 真係好多位

點評回覆引用

返回頂部

AUDREY柚木

民房

Rank: 1


	6

9^#

發表於 7 小時前 |只看該作者

回覆 uncle_peter 的帖子

我哋係普通邨幼，以前諗住報面試班係諗住等個女知道下咩係面試，但係報咗先知道，原來有啲位係日對夜對嘅父母睇唔到嘅問題。

家姐同阿妹兩個年代就報過唔同嘅老師。家姐就只有係金撈，當時忙住搞阿妹冇時間了解其他，諗住咁搶手應該唔會差得去邊，一切盡在不言中，明嘅都明。

到阿妹就就堅決唔會再搵佢，用咗苗成長+Miss pin pin，先睇到個分別，原來面試班係可以唔係咁打壓，真係睇到阿妹進步，真係睇到問題，真係可以咁鼓勵，連我都鼓勵埋。阿妹嘅結果都好好，完全超曬我哋嘅預計。
我覺得如果你要搵真係要搵一個願意花時間嘅老師，太出名反而容易冇咗熱誠。
苗成長好規範，有一定嘅歷史同埋經驗累積，老師都比較有耐性，問問題嘅話回覆都快趣，但係內容比較空泛同埋唔會點引導方法同埋技巧。
Miss Pin Pin肯落心機，睇佢啲片真係會唔同嘅小朋友用唔同嘅方法教技巧。不過係review通常隔幾日先畀我，雖然好詳細，但係我比較心急想即刻知。