英國升學顧問

Leedsforever

請教一下：
小朋友而家謮中五，想後年 (2027) 年考完 DSE 後去英國讀大學。

請問幾時要開始搵升學顧問？

另外，請問這方面洗費大概多少？Thanks。

2jkidsfather

Leedsforever 發表於 25-10-3 08:55
請教一下：
小朋友而家謮中五，想後年 (2027) 年考完 DSE 後去英國讀大學。

建議自己搞, 獲益良多

TTEE1819

Leedsforever 發表於 25-10-3 08:55
請教一下：
小朋友而家謮中五，想後年 (2027) 年考完 DSE 後去英國讀大學。

趁現在較為得閒，可以搵兩三間升學中心嘅講座聽得先，暫時搜集資料，唔洗甘快決定幫襯邊間。

跟住出席大型education expo，例如British Council有，會有好多英國大學代表來港，到時你搵一堆較心儀嘅大學，佢地擺booth，跟對方和校友傾下偈，你會有感受的。

經Agent報英國大學，絕大部分是免費；有些agent 會提供埋其他服務，會收費。

我超同意二樓所講，如果學生能自己一手一腳處理，包括比較大學，自己上UCAS申請，自己處理visa，佢會學到好多野，得著很多。

Leedsforever

回覆 TTEE1819 的帖子

多謝你嘅意見，好詳盡。

其實個仔最近已經去咗佢學校嘅 University Fairs，同幾間大學嘅代表傾過下。打算搵agent，係因為唔清楚大概幾時要考 IELTS 同 LNAT，如果搵 agent 可能會多d 建議？

ANChan59

Leedsforever 發表於 25-10-3 12:10
回覆 TTEE1819 的帖子

多謝你嘅意見，好詳盡。

IELTS and LNAT 可以上Study room 及很多英國網站都有這些資料，還是利用這個機會讓孩子獨立及成長。

學校有沒有負責升學的顧問老師？

poonseelai

agent收大學commission, 會推介有合作的大學, Oxbridge and G5等top u一般唔經agent收生, 可以去agent問下攞些資料, 但自己一定要做功課, 上complete university guide 睇下by subject 排名, 課程內容等, student room都有分享

IELTS 有效兩年, 由大學開學日計兩年內, 一般升中六暑假考, 唔好彩未達大學學科要求仲有時間再考

自己選定了5個大學選擇, 報ucas唔難, 學生自己處理到

另外留意報名時間, Oxbridge 截十月中, 如果有心去英國就一月尾前報（即英國本土學生截止日期）, 海外生6月尾前報也可以, 但早報早收CO, 個心定D

964000

Leedsforever 發表於 25-10-3 12:10
回覆 TTEE1819 的帖子

多謝你嘅意見，好詳盡。

有啲國際學校不需要考ILETS, 學校會知。
學校升學support應該會提佢地幾時考LNAT呢啲，搵agent缺點佢地可能會以自己利益為依歸（例如容易入同多佣的），自己(emoji)量下。

Radiomama

可能家長覺得個細路用咗時間在準備考大學資料會少咗時間溫書，不過其實呢個過程對年輕人係好有幫助。佢自己做research, 成件事有個whole picture, 對日後有好處。

beastiebistro

Radiomama 發表於 25-10-6 14:52
可能家長覺得個細路用咗時間在準備考大學資料會少咗時間溫書，不過其實呢個過程對年輕人係好有幫助。佢自己 ...

其實根本就應該係小朋友自己做。書係小朋友讀，都18歲喺邊到讀、讀咩嘢、想要咩環境咩同學應該自己有能力決定...

ANChan59

beastiebistro 發表於 25-10-6 16:21
其實根本就應該係小朋友自己做。書係小朋友讀，都18歲喺邊到讀、讀咩嘢、想要咩環境咩同學應該自己有能力決 ...

我印象好深刻係兒子中六去科大聽商學院的入學資料，到Q&A的時候，前面有兩位家長為孩子發問，兒子是等三個發問，主持人回應之前她講了過往兩場分享會到這一場，你是第一個學生自己發問，她提醒跟父母一起來的學生，應該自己勇敢，主動去發問，了解自己的學業及前途。

retriever

ANChan59 發表於 25-10-6 21:06
我印象好深刻係兒子中六去科大聽商學院的入學資料，到Q&A的時候，前面有兩位家長為孩子發問，兒子是等三個 ...

以往傳聞港大med 收生講座家長多過學生好多 。
現在竟然商學院都係家長出聲問，呢個真係「10個趣」，反映了一個長期培養/習慣出來的家長與子女的互動模式 。

照計讀商科應該學生係主動及善於表達的類型 。

ANChan59

retriever 發表於 25-10-7 09:08
以往傳聞港大med 收生講座家長多過學生好多 。
現在竟然商學院都係家長出聲問，跟個真係「10個趣」，反映了 ...

當日在場有家長反映因為女兒在英國讀AL，所以她來聽講座。教授講我見到問問題的家長旁邊是自己子女，這不是好現象。教授知道不少大學及學科選擇權不在子女，在父母手上。

父母去聽升學講座，子女只係專注補習及考試，我唔覺得係好事，要想得遠啲及透啲。

講返港大醫學院，一直以來都係有這個情況，同時間好多都係在英國讀AL，但香港1B學生食晒死貓，NJ在港大應該多過IB。

ANChan59

ANChan59 發表於 25-10-7 10:31
當日在場有家長反映因為女兒在英國讀AL，所以她來聽講座。教授講我見到問問題的家長旁邊是自己子女，這不 ...

如果子女沒有出席，單靠父母的分享及總結，究竟有幾多biased？我認為會有。

如果一齊嘅話，同樣資訊下，討論較平等，多啲機會年輕人有second thoughts，然後再作最終決定。

在EK，不論在大海或者PM，我都收到不少間題都係父母跟子女的選擇有分歧，父母絕大部份都係擔心子女選擇的課程搵唔到食，我只可以有三個睇法：

1。邊個去讀大學？打冧咗，會否有反效果？
2。為興趣，行行出狀元！
3。學士學位好基本，除了專業學位，係可以入其他有興趣或者前境當時較好嘅職業。

retriever

ANChan59 發表於 25-10-8 08:46
如果子女沒有出席，單靠父母的分享及總結，究竟有幾多biased？我認為會有。

如果一齊嘅話，同樣資訊下， ...

同意第一點，第三點一半半 。
衝突係一定要避免。但今天的衝突不為今天，是多年來種下的 。

譬如，不少父母培養子女音樂/運動，為了爭取昇入好學校的機會 。子女浸淫多年，產生濃厚興趣，希望變成人生追求時，父母又話音樂/運動搵唔到食，咁好難唔衝突啦 。

我係老餅，我信「食鹽多過食米」 。對子女下指導棋，當然不能在細節上，但大方向上憑父母人生閱歷（不分成就！），還是很有參考的意義 。而且，選科甚至職業，跟家庭資源有很大的關係。子女年輕，被眼前「花花綠綠」的願景吸引，選擇背離資源，很難走下去 。

簡言之，跟價值觀一樣，影響要及早，埋門才這樣唔好哪樣唔好，衝突難免 。

ANChan59

retriever 發表於 25-10-8 10:36
同意第一點，第三點一半半 。
衝突係一定要避免。但今天的衝突不為今天，是多年來種下的 。

我自己就第三點好早有安排，例如大學有講座，十歲開始已經帶佢去旁聽，了解下不同學科。香港未興STEM ，創意，我哋已經開始給他exposure 及栽培。

初中已經開始做shadowing (了解醫療，工程，金融)，讓他了解自己的喜好及厭惡，事業目標。有目標就易辦事，找業內人士跟他交流，提點一下，他們一句說話，好過我哋講完又講。

例如他最初自己考慮讀藥劑，教授跟他講，香港西醫惡晒，話曬事，藥劑牙科點都係二奶三奶仔叫他自己去了解，問下師兄們，一棍打醒佢。

我哋食鹽多過佢食米，不過，世界不斷咁進步，我哋可能outdated 自己一啲都唔知道，我會聽他的睇法，這是他的人生。現在科技社會進步好快，讓他深思熟慮，他會睇到兩個大趨勢，包括Fintech 及Al，已經可以玩十年或者以上，掌握到觀察大趨勢，無往而不利。

他的選擇係冇利用到父母嘅網絡資源，係可惜嘅，因此他要加倍努力或者work smarter，但都能夠做到出人頭地，所以我講行行出狀元！

retriever

ANChan59 發表於 25-10-8 11:12
本帖最後由 ANChan59 於 25-10-8 14:22 編輯

我自己就第三點好早有安排，例如大學有講座，十歲開始已經 ...

能早接觸行業係好事，或者直接點說，早點了解社會的要求吧 。
所謂「食鹽多過食米」係指方向，唔係指行業。譬如家父既提醒：「要學門技能獨立養活自己」，我認為在今時今日仍然不變 。正如你說，20-30年前不會知道有日有Fintech，或者如我跟細路常提起的blockchain.

能不靠父輩資源是好事，起碼在個人成長方面。雖然現在不少專業發展確係頗受家庭資源或人際網絡的限制。

ANChan59

retriever 發表於 25-10-9 08:05
能早接觸行業係好事，或者直接點說，早點了解社會的要求吧 。
所謂「食鹽多過食米」係指方向，唔係指行業。 ...

早晨，跟你交流係好愉快及有得著。

我最早講明係因應以前的相關知識及經驗，回應網友嘅提問，因為網友礙於私隱，不方便講得太詳細，我會傾向答案較方向性及重點，講到自己如何引導孩子就可以深入啲。

我哋知道對兒子不能用高壓方式，要引導，讓他自己明白優缺點，優先次序，風險管理等等，讓他自己做最終決定，學識承擔責任。他掉轉頭用期望管理引導我們。

你我的長輩經歷不同歷史轉折，他們的說法不無道理，學一門手藝也是家父的家訓，我哋都係這樣引導第一個學位最好係專業學位，最後只有申請GBus不是專業學位，無辦法，科大冇乜課程適合佢。

家庭網絡及資源肯定隨時預備好為孩子提供，這個會是我的一廂情願，他未必可能接受，可能有些反效果，變成會講少啲。他的開竅係他私底下嘅朋輩點醒他，他才接受一些我們的幫助，例如升大二大三嘅暑期工，shadowing，世叔伯嘅mentorship。

最經典係入到一間四大會計師事務所，我有一個好友係某公營機構的董事長，一次閒談問到兒子的情況，他offer介紹兒子公司嘅managing partner 俾佢識見個面，我都不敢應承，要問問兒子，他係婉拒，不想丟uncle 同我嘅架。Uncle 欣賞他的獨立及自信，如果萬一要幫手就出聲。

LAUGHT

回覆 Leedsforever 的帖子

Hi, my daughter went to UK for U study after DSE two years ago.  My son will sit in DSE in 2026.  You can PM me so that I can share my experience with you.