六年班插班還是等考升中試再選校

hha

Sjps唔係要去九龍區臨時校舍上堂咩？如果係咁，就算插入都係要過返九龍，一動不如一靜，兩間軒小我就唔會考慮，band 1抽唔抽到QC都係睇運氣。
真係最穩陣方法自行兩間揀港島中學，QC 及SJC，直資任考，但一定要你仔仔喺學校嘗試克制行為，盡量操行攞高啲分。

Ykk100

多謝曬各位意見, 現在盡量找保母車由灣仔去返喇沙小學, 完成呈分試, 再自行香港區學校。
有一個問題, 如果我自行一二選其他學校, 兩間都落空, 有沒有影響小朋友大抽獎派返LSC

PTL_L

Ykk100 發表於 25-7-23 17:31
多謝曬各位意見, 現在盡量找保母車由灣仔去返喇沙小學, 完成呈分試, 再自行香港區學校。
有一個問題, 如果 ...

不會，自行可以揀全港任何兩間，最緊要起自行收咗你唔會後悔就得喇！

mcl233

Ykk100 發表於 25-7-23 17:31
多謝曬各位意見, 現在盡量找保母車由灣仔去返喇沙小學, 完成呈分試, 再自行香港區學校。
有一個問題, 如果 ...

其實你可以試下叩門SJPS，反正成功失敗也不影響喇小學位，萬一成功就賺左1.5年交通時間，只要抱平常心～～

hha

mcl233 發表於 25-7-23 18:02
本帖最後由 mcl233 於 25-7-23 18:02 編輯

其實你可以試下叩門SJPS，反正成功失敗也不影響喇小學位，萬 ...

下學年sjps 重建，學生要去黃大仙前龍翔官立中學校舍讀至少三年呀。

mcl233

hha 發表於 25-7-23 18:43
下學年sjps 重建，學生要去黃大仙前龍翔官立中學校舍讀至少三年呀。

咁都仲好過自己安排交通工具返喇沙，起碼，小學會有統一安排瓜～

WinnieCatCat

Ykk100 發表於 25-7-23 17:31
多謝曬各位意見, 現在盡量找保母車由灣仔去返喇沙小學, 完成呈分試, 再自行香港區學校。
有一個問題, 如果 ...

自行唔選LS冇所謂，只要你唔轉校網，統一派位乙一選返LS，是b1是入硬的

Googlehill

回覆 Ykk100 的帖子

如果繼續九龍，已經係級頭的男仔大抽獎好著數，隨便自行或好大機會抽中B1A喲。而且讀中學後，即使遠，男仔坐車都無所謂。反而換區之後，沒太多好學校選擇。慎重考慮喲。當然如果實力超強，可以轉去強區自行或叩門，轉區都沒所謂。

mcl233

灣仔非強區，灣仔冇太多好學校，宜先扒扒文更佳～～～

PC9394

Ykk100 發表於 25-7-19 14:48
小朋友冇级一, 級前幾個,不知可否入QC
但操行b會否有大影響

雖然你唔係級一，但喺LSPS級頭幾個都好唔容易，如果我係你，我一定會留喺LSPS讀完小學再算：

1. 大多數B1頭嘅學校，都會睇埋四年級嘅操行，況且你小朋友有ADHD，你自己都講相信進步嘅空間唔會好大

2. 有ADHD喺呈分呢個關鍵時刻，你讀得咁好走去轉環境嘅話，第一你唔擔保佢去行為上更加出問題，第二成績上可能受因而影響，更加得不償失

3. LSC係少數港島區學生有機會會考慮為佢過海嘅官津。你而家基本上已經好穩陣揸住個好好嘅offer，唔值得走去博

4. 轉SJPS，最大問題你好難搵到一個好strong嘅理由去支持同會嘅LSPS收你過去，況且你嘅操行都一般。而且SJPS要搬去九龍臨時校舍，到頭來又變咗解決唔到你地點上嘅問題。

5. 返學 45分鐘，上到中學其實好普遍，有唔少高小男仔，都係已經係用呢個時間自己返學放學，當然你搵到保姆車就最理想。（跨區返學嚟講，將軍澳區大把過海返小學嘅，都係6:00左右就要起身）

6. 想之後一勞永逸，等自行先去報QC/SJC，或其他直資，進可攻退、退可守，只係辛苦埋小學最後階段，話唔定你到頭來想留返喺LSC

Ykk100

PC9394 發表於 25-7-27 17:42
雖然你唔係級一，但喺LSPS級頭幾個都好唔容易，如果我係你，我一定會留喺LSPS讀完小學再算：

1. 大多數B1 ...

衷心多謝這位家長咁詳盡嘅建議, 暫時去找保母車去LSPS, 等呈分試事後再決定吧。長遠去QC最近, 返學20分鐘內, 當然希望QC 會比較容忍ADHD

PC9394

Ykk100 發表於 25-7-27 18:19
衷心多謝這位家長咁詳盡嘅建議, 暫時去找保母車去LSPS, 等呈分試事後再決定吧。長遠去QC最近, 返學20分鐘 ...

老實講，對中學喺呢方面嘅支援唔好期望太高，對「官」就更加唔好幻想太多，教會學校會響呢方面普遍做得好過官校
所以我點解比較偏向你響可以嘅情況之下，留喺LS一路上去，最起碼環境同埋身邊嘅同學比較多都係比較熟悉，學校亦都有你詳細嘅track record
當然呢個係一個muti-factor嘅考慮，可以等吓再諗，你有呢個成績同實力，就有得選擇
我都見FB、同其他網站，有啲保姆車配對，有家長係話要灣仔去九龍塘嘅，努力去搵吓，加油

Ykk100

PC9394 發表於 25-7-27 18:31
本帖最後由 PC9394 於 25-7-27 19:20 編輯

老實講，對中學喺呢方面嘅支援唔好期望太高，對「官」就更加 ...

感謝, ADHD這方面學校支援很少,就當是一個很頑皮的小孩。我們去了四年家長會, 未有一次是講小朋友的學習和成績, 每次都係講佢上堂的行為, 可能老師都想我們家長在家裏盡量協助改善

Jandr

Ykk100 發表於 25-7-19 14:48
小朋友冇级一, 級前幾個,不知可否入QC
但操行b會否有大影響

我小朋友今年自行入QC，情況和你小朋友差不多，不過冇行出位，係多嘴周身郁，行為衝動容易和同學有爭執。
面試時他說很多不會回答，所以QC收屬意外驚喜。

losoco

做乜咁睇唔開?

我同意學校的交通係冇在地鐵站口的咁方便
我仔都係每朝要花40至50分鐘返學的
都試過遲到幾次
不過都冇乜所謂啦
我好滿意佢成績
初中返左半年就大瘟疫網課，唔洗煩搭車
到佢在高中時間都幾開心
而且唔只返學上堂
佢仲有唔止一隊校隊要練
正常要放學留低都4日
有時仲要晨操或假期返去操
咁樣玩下玩下就畢業

我地唔算住得最遠
人地大西北出來都係咁
仲要經常練到好夜走

哩道收生四面八方都有
我以前都講過
早十幾年左右有人小學讀山咀公立學校，間學校宜家改名叫福德學社
位於沙頭角，真係行路過深圳都快過出粉嶺站，我估佢應該都係住附近卦
咪又係咁讀到畢業入埋中大醫科
上年又收左哩間學校一個學生，打乒乓波既

ADHD又點?
上年有個自稱ADHD一路食住藥的
DSE考到一堆星入左中大醫科

losoco

我見到有人話喇沙班數多所以平均水準差D
我可以話畀你地聽
今年AB班有個運動員同學考到1科5**，2科5*
佢真係打波入來
低年級成績幾麻麻
最後仍能有這個DSE成績
係佢同一班老師付出好大努力

Soundervolt

PC9394 發表於 25-7-27 17:42
雖然你唔係級一，但喺LSPS級頭幾個都好唔容易，如果我係你，我一定會留喺LSPS讀完小學再算：

1. 大多數B1 ...

讀LSPS自行報SJC，肯定唔收！

Ykk100

Soundervolt 發表於 25-8-2 19:30
讀LSPS自行報SJC，肯定唔收！

咁即係傳聞話唔收brother學校的學生是真的。這樣的話又少了一間選擇,。

PTL_L

Ykk100 發表於 25-8-3 22:50
咁即係傳聞話唔收brother學校的學生是真的。這樣的話又少了一間選擇,。

呢個肯定係，因為old boy 同我哋講過，一定唔會互收，不過你哋係因為搬屋，而非身痕而互報，會唔會試吓問吓小學校長，睇吓可唔可以幫到手？！

Ykk100

PTL_L 發表於 25-8-3 23:08
呢個肯定係，因為old boy 同我哋講過，一定唔會互收，不過你哋係因為搬屋，而非身痕而互報，會唔會試吓問吓 ...

現在已過了插班申請期, 可寫信給校長說明情況, 求插班5年班嗎？St. Joseph 會看很重操行？其實是怕嫲嫲年紀大了, 長途跋涉帶小朋友去太遠地方上學, 會很辛苦, 所以才想轉一間近的