不知所謂的幼稚園 (長文)

Daijackwai

因為某D私人理由，被迫要放小朋友入呢間學校讀N班，初時諗住小朋友讀一年啫唔係好大所謂，結果真係惡夢嘅開始。

首先都要客觀啲講，學校真係有英文老師班主任，小朋友真係學咗好多英文生字，不過發音唔係標準發音，所以唔講得上係真正國際學校。

校長睇錢行頭就好多人都知，每一樣野都係錢，完全唔係一個教育嘅人，係一個商家，曬一疊相俾你，基本上係屈你要，每一張＄5;一件校褸要六百幾蚊。

讀左一年未見過個校長，見過副校長一次。出邊落都幾大雨都好，都由得啲小朋友喺出邊排隊，唔提早開門比佢哋入去，落大雨第三日佢哋先識得早少少開門。

老實講，呢間學校只係適合一類小朋友或者家長去入讀，就係雙職父母，兩個都好忙，讀邊一間學校都唔會有時間去參與學校，咁你就可以入去讀，因為每日放咗工，你返到屋企見到個小朋友冇事無干，而且學到好多野，咪好開心囉。如果你係陪住小朋友嘅話，每日你都會喊三聲點解要比咁貴學費讀啲咁嘅學校。

當然都有例外嘅或者你好好彩遇到一個異常好嘅老師，不過我未有咁幸運見過。