☆屯門聖公會青山聖彼得堂(兆麟苑)家長請進~

chunchunmama

kikimom,

你收左工啦...

係呀，我估chunchun同kiki一樣好似小一學生架，有時係街ｄ人都會問佢讀幾多年班？都唔似讀幼稚園

你兩公婆都咁鬼高，囡囡一定係高妹，將來可以做model都得喎！　我好矮得５呎３，chun爸都唔係好高咋，係肥ｃ大隻個隻，不過我細佬有６呎，可能chunchun會似舅父喎

iris_yu_him

chunma:
我都係同tszyau ma & kikimom 一樣要返工, 記住send d 靚相比我地睇下. 本身諗住叫媬姆帶謙謙黎睇chunchun同埋YYmom的囝囝表演, 但係我剛剛先記得10:00要去健康院檢查及跟進說話進度, 我試下明天問下健康院可唔可以改期先? 因為謙謙好鍾意睇舞獅, 而且爺爺嫲嫲仲買左個獅頭比佢玩, 不知幾甘開心..

我今日問左學校, 李主任話最好就下午4:30黎參觀, 甘樣可以仔細介紹d wor. 所以明天諗住盡早起身同謙謙去齊筲箕~海防博物館~參觀學校~騎術學校, 希望時間同天氣ok la.

kikimom,
睇相真係唔多覺有疤痕wor, 你對kiki的照顧同耐性真係令人佩服, 因為我自己同謙謙一樣都係甘貪玩, 搞到面上有不少細的疤痕... 加加媽咪, 你也要努力呀!!!! 希望加加的傷口唔好甘痕la!!

聽你地甘講, 真係好想試下帶謙謙去戲院睇"超人特工隊", 我睇下可唔可以安排到明晚睇先.
Ding, 你帶左銘銘睇未呀?? 情況如何?? 你快d上多d黎, 講真呀~大家傾下計, 多個照應, 開心d

chunchunmama

iris,

星期六你同謙謙節目好豐富喎！希望你地玩得開心！

去健康院唔好改期啦，可能會改到好遲先有得睇架！

快些去戲院睇"超人特工隊",chunchun睇完已經問左我２次幾時睇多次．．．

kikimom

chunchunmama
你諗往帶chunchun睇多次ar.因我年廿九巳經睇左,佢聽度d親戚話佢睇,佢又係甘問我幾時睇多次,都幾煩ar.所以都好期待快d出vcd.

原來謙謙冇說k.1^^, 現家d媽媽真係好細心呀.甘快了解學校d生活,淇淇入e間都係見堂家姐讀得幾好加上又近,如果唔係過左友愛東華三院.

tszyau2000

iris:

你都好犀利jet, 聽日安排甘多活動,希望天氣好la,配合到你甘豐富kei 節目安排!   另外,你有咩吾明就問清潔,問多d 李主任ar,李主任應該可以解答到你ka, 而她亦好有耐性ka!你放膽問她la!

kikima,chunma:

你地兩個小朋友都係高人一等ar, 而kiki 仲似小一學生tim,不過又真係有好有吾好kei!

你吾好話你la..kikima...我都係因為tszyau d 表姊,表哥都係係siu lun 讀,口碑又好,又近婆婆家,所以甘就順理成章la!其他學校諗都吾駛諗ar,反正,依家甘睇都無選擇錯誤ar!

**希望tszyau 聽早可以順順利利起身返學la!**

  

iris_yu_him

各位媽咪早晨!!!!
今日涷左好多, 大家要小心身體, 著多件衫!!! 我都唔理甘多, 一於照出去玩, 玩得幾多得幾多, 話晒今日係最後一日大假!!! :

小朋友今日起身情況如何?? 有無懶床??

其實今日去參觀學校我都唔知問d mud問題?? 因為之前打電話查詢時已經問左關於教學的問題, 你地有無意見?? 我同謙謙依家要出發, 若果你地有意見, 可以打比我叫我留意下d mud??

chunchunmama

今朝真係凍左, 昨天chunchun唔肯午睡, 晚上仲要睇埋大長今先肯瞓...好彩今朝爸爸一叫佢即彈起身咋!

tszyau2000

係ar, 今早天氣又真係好凍ar, 又有雨粉,好討厭呢!waw, 好耐都未試過甘早起身la, 7:30am 要起身服侍大小姐,好在tszyau 都聽話,好合作甘樣起身返學,我仲諗住要摌個囡起身tim, 希望佢今日習慣番返學la!

iris:

甘你就玩盡d la, 記住同謙謙著夠衫la!

chunma:

今日會吾會過lai 接仔放學再同我地lunch ar?

YYMom

kikimom, 你兩夫妻都咁高, kiki就梗係有返咁上下, 我都唔知幾羨慕 !chunma都唔好話自己矮, 我仲矮, 得嗰5呎1 , 所以要揾個高我好多啲老公, 等啲下一代可以balance吓, 哈哈 !而且依家啲人似乎比上一代高, 高啲都唔怕!

chunma, 駿駿放假期間有冇練習打功夫?我怕仔仔放咁耐假乜都唔記得, 都有問佢耍來睇吓. 咁佢就會叫我地播"男兒當自強", 佢就係度舞大旗同打功夫 . 今日下午佢地仲會去表演舞獅.    

tszyau2000

yymom:

waw, 今日下午會去表演舞獅,係邊到ar?我諗你仔仔同chunchun 一定記得點耍kei, 因為d 小朋友耍多兩耍就好易記得ka !放心la! 而你個仔都好攪笑,播"男兒當自強"...hehehe!
  

chunchunmama

YYMom,

唔怪之得放假呢幾日chunchun成日唱"男兒當自強"隻歌啦...我見佢唱, 我都唱左幾句, 佢仲問我點解會識唱既...

呢幾日佢都有耍幾招比我睇既, 不過, 每次去自己數到 1,2,3,4,5,6...<唉哎...媽咪, 唔記得左跟住點呀...>我估佢都唔係咁熟, 因為之前星期二佢無練習架要返珠算班

你聽日會唔會請假睇亞仔表演, 呀, 好似你話爸爸來是嗎?

YYMom

tszyau ma, 今日下午係仁愛堂表演呀 . 因為係學校練習時老師係播"男兒當自強"做background music, 所以我仔話佢要聽住先識打呀!

chunma, 我明日唔請假啦, sat得一半人返工, 請假較煩, 而且要留返啲假係工人放假時請.   

Ding

hi.. 放完假好多野做..上黎都係可以睇你地message..答唔到咀.. 岩岩所有老細去開會.. 上黎charge下電先..

yymom..你囝囝好醒呀..去表演舞獅..個獅頭重唔重架? 我個仔睇電視又學人舞獅.. 用張被仔跳黎跳去...

iris

我諗住明天下午或者星期日帶銘銘去睇 .. 希望佢可以坐定定啦 ..

tszyau2000

ding:

甘你米間中上lai bk 透透氣law!我相信銘銘係可以做到ka,好乖甘坐定定睇戲,放心la, 你要對銘銘有信心至得ka!...

YYMom

Ding, 我仔係舞獅尾...唔怕重 !同埋唔使彎腰, 係後面fing就得 佢好似係8個小朋友中最細粒嗰個 , 不過都好落力吓架!

kikimom

hi all mom

yymom
你個囝有份表演.乜唔係打功夫ka..我見侄仔都係紮o下馬甘.佢地甘細個會唔會重左d呀..我現家都好緊張,等chunchun照d靚相反黎睇

ding
有時間上黎la.入黎講下野幾好ka..我比較鐘意入黎

iris_yu_him

hi all mom,
我同謙謙係6:30返黎啦! 今日我同謙謙都玩得好開心. 昨晚雖已同謙謙講, 一早出街要早d訓覺, 但今朝依然係9:00抱住個懶訓豬出街, 係搭地鐵先醒, 跟住佢睇住我被姐姐抽左d血, 佢係到叫"唔好", 好似好慘甘, 之後姐姐請佢食糖, 即刻笑住口同我講 "有血血, 要貼膠布". 真係被佢激死!!! 跟住去海防博物館, 佢見到d大炮, 真係好開心, 而且個到環境好好, 有山有水, 當然甘係會大風左d啦, 今日仲有好多學生黎參觀......小朋友真係勁, 完全識利用搭車時間去訓覺, 返黎兆麟苑4:15我肚餓去大快活食下午茶, 佢先醒, 係學校玩得好開心, 坐車車, 係廚房仔到玩...除左李主任外, 侯老師也不錯呢! (我想問大家~k1係咪比較細, 所以唔會安排比佢地參加課外活動呢??) 今日真係天公造美, 去到邊都無雨, 仲有時間, 就去埋馬場, 原來唔係電話中講要距離成十呎甘遠, 而係好隨便比人入去參觀, 什至係可以近距離睇上甘堂的人騎馬同睇馬(約一兩尺), 當然係無得摸馬同無專人招呼, 但都已經令謙謙好開心.

明天會同健康院改期, 媬姆會帶謙謙黎睇新年團拜, 因為謙謙完全被舞獅吸引住, 所以... 唔知係唔係男仔比較鍾意舞獅同功夫呢?? 連謙謙同銘銘都係甘, 唔知longman會唔會係甘....呢?? 我睇反寄黎的程序, 功夫同舞獅都有表演, 可能大家分別負責不同的表演都唔出奇.

cheuklam-mama

Hello 各位媽咪,
雖然已是初十了,仍是新正頭,祝各位雞年心想事成,仔女精靈聽話,身體健康!!

這個新年對我來說十分特別,首先要告訴大家的是.......卓霖就快當哥哥了,我做了雞媽媽     

這次陀得較辛苦,最初是因為感冒,一check之下發現有了小b,又驚又喜,驚藥物對小b有影響,病好些就嘔吐大作,與卓霖那時完全兩樣,又驚又怕,加上年紀一把,精神和體力確差了,所以心情不很好!!幸好這個星期沒嘔了,雖然仍很倦,但返工分散一下精神,人也開朗些!!

卓霖方面近來就非常ci身,不知是否feel到就快當哥哥呢

明天如果不下雨,我會帶仔仔到sch.玩,不知認不認得你們的小朋友呢???

chunchunmama

YYMom,

我問chunchun識唔識你囝囝? 佢話你囝囝乖所以有份舞獅, 佢只係負責打功夫, 咁即係chunchun唔乖啦!  :evil:  
今日佢話去仁愛堂表演功夫比好多公公婆婆睇.

希望聽日唔好咁凍, 要咩住細佬仔去睇哥哥表演, 因為老公請唔到假, 公公唔得閒, 我一個人都唔知影唔影到相/video? :cry:

chunchunmama

Iris,

你真係勁啦, 今日同謙謙既節目好豐富好充實呀, 囝囝一定開心到不得了...今日下午4點幾我都係大快活附近等chunchun表演回來, 早之一齊下午茶啦!