☆屯門聖公會青山聖彼得堂(兆麟苑)家長請進~

iris_yu_him

祝各位媽咪 新年快樂!!! 越來越美麗動人!!!! 囝囝囡囡快高長大!!! 越來越醒目!!!!!

我係19號先返工, 我想問下你們囝囝囡囡幾時放完假返學呀?? 因為我想係呢個新年假期去學校參觀下先.

你地d節目都好正wor!!!! 我就初一同初二去左拜年, 跟住初三去早上行山/晚上bbq....... 昨晚同朋友係小欖bbq~謙謙都記得邊度有d咩野玩, 今次無走失, 哈哈!!! 我終於等到"沙膽大話王"出vcd, 我諗住呢幾日去買, 而"超人特工隊"謙謙見到係超人已經好鍾意, 所以我都等你們睇完之後先決定買唔買vcd, 睇黎今次都走唔甩!!!     :  :
你地今晚會有咩節目呀?? 老公仔點同你地慶祝?? 我就..... 睇怕我老公都會唔記得law!!! 因為我都係睇報紙先記得姐!!!

tszyau2000

longlongma:

我0219sat 至返工ar!fri 仲可以帶tszyau 返,放學ar!

iris:

"超人特工隊"你都係走吾甩ka la! 比心機等vcd 出la!

ding:

其實你可以試下帶銘銘去睇戲ar, 你始終都有第一之ka, 浪費都係一張票jet, 而我諗銘銘應該ok ka, 因為係戲院睇始終吾同係屋企睇vcd ka!
   

chunchunmama

Good Morning ~~

Ding,
我今晚都會同chunchun去睇戲呀, 佢已經叫左我好多次架啦銘銘去戲院睇戲應該no problem啦... 一家人一齊去睇都幾開心架, 其實我老公已經見到出面有VCD買, 不過, 我都覺得同小朋友去戲院睇會開心d...

LongLong ma,
你就好啦...新年返大陸咁好玩, 攪到我都想快d出發去長隆呀!

tszyau ma,
你好似日日都節目豐富喎...係唔係好多網友聚會呀?

Iris,
佢地18號要收拾心情返學啦!

你地去左邊度行山呀?

我初三都近近地走左去我屋企對面行上去, 我係咩住細佬上果條長樓梯...不過, 都係用左10分鐘唔係好辛苦咋, 希望燃燒下我d豬腩肉,  好彩老公帶埋車仔上去, 所以之後行得好舒服, 其實都無難度可言, 岩哂我地一家幾口+BB, 大約1個鐘頭已經到左Gold Coast, 跟住去左飲下午茶!

我既最新情人就係細佬仔啦...
我琴日都無特別節目慶祝, 只係老公琴日返工出門口前問我要cash or 存錢入我戶口咋! 佢話係情人節禮物喎...反宜我冇買禮物比佢喎, 我都覺得自己好衰, 佢放工返屋企無人全部去哂公公屋企啦, 我估佢都有d失望, 因為以往我多數係屋企整晚餐慶祝的, 今年咩都冇!   
咁你點慶祝呀?

iris_yu_him

All mom Good morning!!!!

其實我都好想帶謙謙到戲院睇戲, 之前係我覺得未係時候, 依家我覺得ok時, 我老公話未得住, 比佢激死

返大陸?! 做野就多, 玩就...... 其實我都好想返去玩幾日, 但係諗諗下都係等謙謙大多小小先去, 最怕成日都要我抱

原來我同tszyau ma同一日返工wor, 真係好橋. 我應該會係0218黎學校參觀下, 你地有無見議邊段時間會好dd??

我一家大細(成十個人)係元朗大棠行山, 大約行左兩三個鍾左右, 最開心係小朋友可以睇花/水塘... 拾松果....

chunchun ma,
你老公帶埋車仔上去?? 甘咪好辛苦 ~ 個十分鐘!!!! 都係個句 ~ 辛苦得來, 最緊要都係開心!!!!:  :

昨晚本身諗住出去食飯, 點知呀仔由6:00訓到8:00都未醒, 唯有我老公放左工去惠康買扒+忌x湯返黎整... 哈哈!! 最難得係老公落廚 ~ 當然...有個xxxx的廚房等我慢慢收拾. 最攪笑係我老爺奶奶成日問我同老公一唔一齊同太奶奶+大姑婆佢地食飯, 攪到我地都唔知點拒絕, 就係因為粒孫仔未醒, 先解到畫!!!

iris_yu_him

chunchunmama ,
真係出左?? 可唔可以問下你老公係邊到見到呀???

[quote]
chunchunmama 寫道:
Ding,
我今晚都會同chunchun去睇戲呀, 佢已經叫左我好多次架啦銘銘去戲院睇戲應該no problem啦... 一家人一齊去睇都幾開心架, 其實我老公已經見到出面有VCD買, 不過, 我都覺得同小朋友去戲院睇會開心d...

LongLong_ma

各位朋友生日快樂!!

chunchun,
妳成日都早過我地返工o既......妳今晚睇"超人"....咁細佬仔去唔去呀?......chunchun 一定好開心的.....呢套戲真是必然之選喎!!......妳今晚會唔會補番數啦.....睇戲之餘....同埋老公仔去"餐枱腳"囉......冧下佢......咁我地財源先會滾滾來o架....(講笑咋)                                                                   
ding,
係呀.....帶仔仔去戲院睇戲真是好開心o架.....同睇vcd唔同....咁難得有啱佢地睇的戲.....妳不防試下......我相信銘銘一定得!!

我昨晚都幾開心呀.....雖然係屋企食飯....但就老公下厨.....炮製"愛心"牛扒.......開飯前還擧杯祝飲.....老公同仔仔講"妳係媽媽情人,我係媽媽老公,好....情人....我地飲杯!!!"跟住用d好淩厲既眼光望住仔仔(好似真係望住個情敵咁)......俾佢激c.....做老豆都唔正經!!!

Ding

各位媽咪

嘩..你地情人節好多節目喎..我就有一個唔開心嘅悄人節..因為昨日食lunch時..細妹打電話俾我話呀哥有危險(因佢有慢性病) ..我飛車出去時就收到消息佢已走左 .. 我地都唔係太傷心.. 因為一早已有心理準備 ..只係無諗過會咁岩向情人節發生 .. 對佢同佢家人黎講都可以話係一種觲脫.. 以後唔洗再擔心.. 亦唔需要咁”頻撲”去醫院照顧佢.. ok 啦.. 我同呀媽都無事…接左媽咪入黎住2個星期 ... 今晚佢仲買左隻雞同大蝦一齊做節 (人日) ..

聽你地咁講 .. 好想試下同銘銘去睇”超人特工隊” .. 平日d戲票係咪平d架..

iris

衣家出面見到嘅超人特工隊vcd .. 都係老番黎架.. 我老公話唔買 .. 要買等正版喎 ..

加加媽咪

各位靚靚媽咪、各位精靈活潑的小朋友 〝生日快樂〞

我今日先開工, 年三十晚食咗年夜飯心血來潮諗住帶加加去睇超人特工隊,去到戲院岩岩開咗場十幾分鐘, 下一場要成11:30先開場, 本來諗住第日再睇, 點知加加話唔眼瞓一定要睇, 唯有去行吓街等開場喇, 入到戲院加加真係坐定定一路睇到完場, 反而爹地頂唔順瞓著覺, 當晚睇完戲返屋企都差不多零晨1點幾, 但係加加依然好精神. 套戲真係幾好睇冇咩冷場, 值得帶小朋友去戲院睇.

年初一一早去拜年, 初二至初五一家人上中山, 加加梗係玩到樂而忘返啦, 不過初五返到香港去快餐店吃中午飯時, 加加因為要跟住爹哋攞野食, 點知唔小心趺倒撞到爹哋盆上的2杯熱清水, 淥親右邊額頭同左邊面, 於是立即去伊利沙伯睇急症, 好彩只係傷到表皮, 每日去仁愛診所換藥洗傷口, 姑娘話要睇個傷口癒合情況如何, 所以琴日情人節都冇咩特別慶祝, 去咗婆婆屋企食飯.

tszyau2000

加加媽咪:

希望加加快d 好番la!不過加加真係好定,好叻女,可以甘專心睇套戲!

ding:

甘你媽咪都好堅強wor, 好難得ar, 但點都好你地陪多d你媽咪, 可能佢內心係好傷心ka!

iris:

其實你可以打電話返學校問下幾時可以參觀ka, 據我所知,係可以甘樣ka, 吾係話你想入去參觀就入去!

chunma:

網友,朋友聚會都有,無計la, 一年一次甘樣放大假,甘米玩盡佢law, 不過,我諗我要提早兩晚要tszyau 早d 訓ar, 習慣番d 時間,如果吾係,佢星期五返學實c 得la!
而你兩公婆真係好掂wor, 一個抱聰聰,一個托bb車,分工合作,甘你到時我地3月行山帶吾帶聰聰去ar?

情人節.... 我都無慶祝wor, 買送煮飯便算,不過買左d tszyau ba like 食kei 海鮮law, 而佢都無表示ar, 講真,呢兩年都無咩慶祝ka la, 反而生日就會kei!所以係好"平淡"

littlelu

大家好, 我都係住o係兆麟苑, 想問下聖彼得堂d環境同師資. 好唔好? 可不可以分享下

Ding

早晨各位媽咪 ..

tszyauma.. 所以我接媽媽入黎住一排先..有銘銘同佢一齊..時間會易d過.. 佢又真係好堅強架..連帶我都係..

我想問..小朋友去睇戲要買戲票嗎? 抑或坐向大脾就得喇?

chunchunmama

Good Morning ~~

加加媽咪,
希望加加快些康復! 我都有點心痛呀...

Ding,
親人離去, 始終個心都唔舒服, 宜家多d時間陪你媽媽都好, 佢可以同個孫玩下, 唔駛諗其他嘢!
坐大脾好辛苦架, chunchun都要佔1個坐位, 佢琴日睇到好開心呀, 快d同銘銘去睇啦!

tszyau ma,
行山梗係會帶埋細佬去啦(咩佢), 不過我架車仔咁大架一個人無可能帶啦, 所以我宜家諗緊買過架超輕同埋摺埋好細既車仔, 方便我同佢出街。

kikimom

all mom good morning

我今日返工la..希望新的一年事事順利,大家開開心心

tszyauma.
"油油"套新裝好醒目,好靚女呀

加加ma
唔洗甘擔心,加加好快冇事ka..

ding
現家戲院列明超過1m要買飛,如果差不多可以唔買都得.我就要買la.淇淇120cm廢事俾人捉la...如果你未睇去凱都ar,坐得舒服d....

chunchunmama

LongLong ma,

琴日係我全家同埋老公+chunchun去睇戲,  我同細佬仔食完晚飯去左jusco間餵奶房成粒鐘, 睇下magazine,  跟住行下jusco, 好快等佢地散場出來!

<餐枱腳>真係好耐冇試過! 因為係我既問題, 唔捨得d仔, 去邊多數一家人一齊去, 之前返工我都試過每個月定一日同老公出街食飯, 反而宜家少左啦...

<炮製"愛心"牛扒>  你老公都幾有情趣喎,  我覺得係屋企過情人節一樣咁開心架! 你老公都幾攪笑
我老公間中都會"扮"呷醋架!

chunchunmama

kikimom,

  祝你開工大吉!
kiki都幾高有120cm, chunchun好似118cm

YYMom

Ding, 希望你同你媽咪的心情可以快啲平伏...願主祝福你們一家!

LongLong_ma

Ding,
雖然是一個唔好的消息,但睇妳們咁堅強,我都相信妳們支持到的,不錯....分散妳媽媽注意力....讓她和銘銘玩下....都應該會開心d.....take it easy.....讓時間沖淡一切吧....妳如果唔開心....記住上黎同我們傾下喎......雖然幫唔到什麼....但講出來都開心do架!!
朗朗睇戲是坐大脾的,但實際幾多歲要買票我都唔清楚,只是諗仔仔咁細粒,坐大脾都無問題咋!!
GH院線星期二有特價$45....其他院線就唔知有無特價....妳還要留意是粵語/英語.....當然中文比較生鬼D啦!!


加加媽咪,
幸好没什麼大礙......小心d照顧傷口.....唔好影响到加加個靚女樣喎......是不是要戒口呀?......毒,辛辣都應該唔吃得.....希望加加快d好番啦!!又要辛苦妳呢個媽咪啦!!

加加媽咪

多謝大家對加加的關心, 今日第三日返診所洗傷口換藥, 姑娘話加加個傷口仲未收水, 所以要幫佢搽藥膏希望盡快埋口, 琴日我帶加加去洗傷口時都冇乜點喊同扭計, 反而我見到個傷口心都痛埋….. :cry:  真係好希望加加快d好番. 至於戒口方面, 姑娘都冇講話要戒d乜, 不過我盡量都會唔俾佢食鼓油, 食得清淡d, 海鮮同雞蛋佢平時都唔太鐘意食, 所以問題不大.

Ding,
好似 LongLong_ma 話齋, 有咩唔開心記住上黎同大家講吓, 保重  

kikimom

chunchunma

大家甘話,哈哈^^我睇o下睇o下佢地兩兄弟好似樣成個餅印甘,好鬼cute

iris
我冇記錯,囝囝係siulun,你可以8:30帶佢入學校順便睇下.佢地8:50才開始做早操

kikimom

加加媽媽

你唔好甘唔開心la.加加小問題,唔好俾佢食鼓油,通常唔會有痕,比起淇淇小問題,囡囡面珠有手術痕,係3歲時做手術留低,