☆屯門聖公會青山聖彼得堂(兆麟苑)家長請進~

YYMom

關於個花燈設計, 如果大家想參加, 我有一個簡單的做法, 係之前同啲仔係playgroup時做的, 大家可以考慮吓 :

用咭紙剪一個大的長方形, 長度足以捲成一個圓筒形. 係個長方形中間剪出各種圖案, 如三角形, 正方形. 在長方形背後貼上玻璃紙, 正面就貼上用各種顏色紙剪成的圖案. 之後長方形兩邊貼上成一個圓筒, 上面用一紙條做手挽, 下面用多條紙條做流蘇.
(我表達得唔係太好,唔知大家明唔明? )

呢個做法唔花考, 可能製成品唔係好特別,但用的時間不會太多. 如果小朋友想參加但媽咪又無時間, 可以考慮.    

tszyau2000

yymon ~~ 多謝你kei 提議la!你甘講米會有好多都係甘個款law!    [quote]

加加媽咪

Chunchunma,

我諗除咗你既洗腦大法之外, 都同chunchun 的性格有關, 有d小朋友真係接受唔到父母錫第二個細佬妹, 真係要花好多時間先可以令佢接受, 所以chunchun 真係好慬事, 抵讚.

Ding,

去annual dinner 既住宿及車費, 都係由公司負責哂, 今年如果帶埋配偶或仔女去, 都唔洗額外俾錢, 係可以一家當埋旅行架, 不過子女最多可帶2個. 我公司反而少人過東莞office, 不過公司既原意係趁住一年一次的 annual  dinner 可以成公司同事一齊出外同埋可以上去國內 office 參觀同見吓上面d 同事.

YYMom

大家分享吓, 無所謂啦!而且每個人的"領略", 同"手勢"都唔同, 個製成品都唔一定個個一樣嘅!   

tszyau2000 寫道:
yymon ~~ 多謝你kei 提議la!你甘講米會有好多都係甘個款law!    [quote]

Ding

加加媽咪

你公司對員工真係好 .. 我以前公司都係架..不過近幾年生意差左..無咁好lu.. 唯有一齊共渡時艱  

LongLong_ma

all morning !!

川貝真是幾難飲.....唔只苦仲係辣(加左薑汁)......仔仔肯飲....實屬難得......其實由細到大....仔仔食藥都唔多駛迫....可能自細我地就話俾佢聽...藥係難食的,但病就要食藥....咁佢就預左d藥唔會好食....幾難食都要食啦!!昨晚仔仔己經無咳.....不過為安全計....都係俾多一次佢飲.....為bbq打下底!!


chunchunma,
"洗腦大法"....我試同朋友講下....睇下得唔得先....多謝賜教!!其實我都覺得加加媽咪講得啱......有時都要睇下個小朋友的性格......chunchun的確好生性.....唔單只明白而且還幫手照顧.....所以妳真是一個幸福的媽咪!!

加加媽咪,
妳公司真係好到"痺".....咁着重員工的公司....真係買少見少呀!!係呀.....我原來有ccmother的電話....等我打俾佢啦!!

tszyau2000

morning ar!   

longlongma:

甘你要比longlong 食多一次la, 希望longlong 可以清晒la,有d 人教我臨去bbq前飲定杯涼茶,打下底

我都覺得加加媽咪你老細好人,會照顧埋d員工兼家屬,真係好!難得... 難得!

甘我地就等你ccmother kei 消息la!

LongLong_ma

揾左ccmother.....不過佢身體唔舒服....未必o黎到....但她說佢姑仔的仔仔都是出年入讀st.peter....睇下佢會唔會join我地......我諗大家都不會介意的...是不??

tszyau2000

LONGLONGMA :

NO PROBLEMS!....WELCOME!   

iris_yu_him

tszyau ma / 加加媽咪,
好呀! 我地係三聖的士站到等好嗎? 我估我最快要3:15-3:30到, 你們如何?

加加媽咪,
好正! 你公司真係好正! 幾時會請人呀?:  連家人都可以參加, 真係可以當埋旅行, 甘加加咪好開心! 我公司話今年可能唔上去攪annual dinner, 所以...

longlong ma,
你好快手 - 打電話: 絕對歡迎ccmother的姑仔同埋囝囝 , 甘岩我家姐(bb女個月大)都話想黎bbq.
你都叫下ccmother返黎la, 好耐無同佢傾la. 希望佢快d好返, 可以一齊去bbq.
佢之前講話住係美樂, 我今朝諗住若果大家唔記得佢電話, 就去佢個座同個向更講叫佢留意下: 有無一個媽咪有個大約二歲大右左的女, 跟住叫個位媽咪上bk搵我地.  :
longlong好乖連川貝加薑都 .

chunchun ma,
睇黎胎教真係有效wor!!! chunchun甘乖仔. 我都諗緊過幾年後生第二個時, 唔知謙謙會點?? 到時真係要請教你!!!

各位媽咪,
我轉頭都pm我個電話比你們, 因為我呢幾日都好忙.
Thks!

tszyau2000

iris, 加加媽咪:

不如3:30pm係"恆福"kei 的士站等la! 而你好似係尋人甘kei口吻, 真攪笑!   

轉頭check pm!

加加媽咪

Ding, Iris, tszyauma,

我已經收到你哋既PM, 我轉頭會send 埋我既 contact no 俾你哋

Iris, tszyauma,

3:30pm 恆褔的士站, 冇問題, 我同 tszyauma 都見過面, 但係我哋未見過 iris 喎!!!我哋用咩做記認呀???

tszyau2000

甘你認吾認到謙謙ar?   

加加媽咪 寫道:
Ding, Iris, tszyauma,

Iris, tszyauma,

3:30pm 恆褔的士站, 冇問題, 我同 tszyauma 都見過面, 但係我哋未見過 iris 喎!!!我哋用咩做記認呀???

加加媽咪

係喎......不過我淨係認得謙謙冇著衫個樣咋>>>>   

加加媽咪

各位媽咪,

學校又有相post 咗出黎喎, 快d去睇吓啦~~~~

chunchunma,

我好似睇到低班既冬季衣物繽紛Show入面左手邊第一張相有chunchun喎....

Ding

hello各位媽咪

今日去完觀課..個仔識自己做好多野..老師一講...佢就跟住做 .. 愈來愈大lu .. 已經唔係bb .. 不過今日陪佢返學..佢真係好開心 .. 小朋友始終都係鍾意父母陪 kei...

有話星期六會有雨 .. 唉 .. 有D擔心添 ..  :cry:

tszyau2000

agreed!   

加加媽咪 寫道:
係喎......不過我淨係認得謙謙冇著衫個樣咋>>>>   

tszyau2000

DING:

甘你米好開心law,亞仔大過左,真係ka,d小朋友每日都不斷學習,不斷進步,講真個個父母見到甘樣,都會好感動ka!

加加媽咪:

你真細心,多謝報料!

tszyau2000

all:

今晚係婆婆家接回tszyau, 在途中, tszyau 突然叫我聽佢數數,仲要係倒數tim, 由30至1, 好surprise,估吾到佢已經識甘樣數,我問邊個教佢,原來係老師教, 可能我呢排中午小左打電話比個囡, 溝通小左,好似覺得佢突然間識左好多野甘!而佢仲話我知老師選佢出去答問題,不知幾開心! 自己都吾知道, 近來好似小左時間比個囡,但又無計,為左份工,唉..... 真係好希望呢d 日子快d 過,吾好甘busy la!(所以我想快d 放cny la,到時可以好多時間陪個囡)好彩tszyau 係婆婆到好開心, 而d 功課有婆婆or 姨姨暫時睇到,甘我先至無甘辛苦! :cry:

吾...今晚好似好感觸甘...好la, 講完個人都舒服d ar!

加加媽咪

Good Morning all   

Tszyauma,

我都感受到你的心情, 有時我哋忙於做野, 少咗時間倍仔女, 但係佢哋好生性好識諗, 知道父母為生活要出外工作, 所以要交俾工人或親戚照顧, 當有時間可以同仔女獨處時, 佢哋會好珍惜果段時間同你講d心底話, 又或者錫吓你, 幫你揼下骨, 見到佢哋咁懂事, 真係覺得點辛苦都係值得既….. 好似尋晚約咗幾個同事食飯, 傾到差不多12時多先返到屋企, 加加都已經一早瞓咗, 今朝加加起身一見到我, 就好開心笑著話：「媽咪, 你返咗黎喇……」,  果一刻我都好感動