對救世軍幼兒園(各區)的評價-可讓家長們在此討論

122510

多謝各位意見.

MC媽咪

我的兒子已在救世軍樂民幼兒園讀了將近一年﹐在此與大家分享一些體驗﹐也望在此給園內的園長和老師工作上的一點肯定和鼓勵。很多家長都稱讚救世軍幼兒園的教學模式/方法和優良的師資, 這也是我選這校的原因。

第一次到樂民幼兒園是它的開放日,我與丈夫都給展示的示範/教材吸引着,但給我印象最深刻的是園長的友善,見她一手抱着小孩,另一手又拖著一個,偶爾又與家長輕鬆地像朋友般的交談...到大家見面時,她細心的替我講解學校的情形,又關心我兒子的情況,令我放心了不少;在以後的交往中, 我深深體會到園長對幼兒的理解和關心, 及她那顆以幼兒作主導的心......

教兒子的幾位老師都十分有耐性, 我曾跟兒子上課幾個早上, 見她們一眼關七, 耳聽八方, 反應敏捷, 又諄諄善誘, 熱心的對幼兒, 我真自愧不如, 也為自兒子能遇着這班有幹勁的老師而感恩。

兒子上學後, 每天我放工回家, 他第一句就是: 「 媽咪, 我今日返學好開心」他進步了不少, 如自理, 語言, 大小肌肉, 解決難題........ 還有自信心和積極, 他以前遇着少少失敗就放棄, 現在他會一邊做, 一邊喃喃自語 : 「再試過, 一定得」我也教他唸: 「有志者事竟成! 」 他現在會把三句拼在一起當口頭蟬唸, 十分有趣。

以前我一邊上班, 一邊會擔心兒子會不適應校園的生活, 現在我可放心的投入工作, 因知兒子是在一班有愛, 盡責, 肯承擔的老師陪同下成長。

最後把以下的送給救世軍幼兒園的教育工者, 嬸嬸, 廚師:「縱使你們未必看到幼兒將來的成就, 但你們播下的種子是不會白費的」
                                                                             MC媽咪

Edith豆豆小公主

122510,

當我初次到園面試時, 與你現在心情一樣；但參觀完幼兒上課實況後，心情放鬆之餘，真想囡囡立刻上學去, 此園給我感覺是愛心滿溢, 以幼兒發展為中心的兒童樂園，當你行過課室, 幼兒們很雀躍, 很有禮向你打招呼, 還向我介紹同學仔的名字, 很有趣, 我囡囡由此時起，時常說要返學；

雖然地方沒有私校般寬敞，但這園是由社署審核入學人數，社署更批出約203人可入讀，根據上年度的入學人數只有168人，已少收學生約20%，務求充份照顧每位幼兒。本園分幼兒、低、中及高四班，每班有三名班主任任教，園內設有二個露天有蓋操場(較少園校設有的)，可讓幼兒伸展大肌肉，不會全日困在冷氣室內；每班會分小組進行課程，如一半學生(約20人)在課室上術科時，另一半學生則在操場進行大肌肉伸展或在大堂上音樂堂，到指定時段便對調課程，這可讓教師更清晰幼兒的進度，體貼幼兒的優點或缺點而配合課程，課室的空間更空曠，不會有壓迫感。

轉眼間已踏入第四個年頭，囡囡由刁蠻公主轉變成關心別人，以禮待人，循規蹈矩，觀察力強，愛看書籍，主動與人分享，這是我引以為傲的，一來沒有選錯學校，二來帶她出外應約總是沒有失禮，不得不相信「龍頭大佬」是何等重要。初到幼兒園王園長說，你每責罵幼兒一句就要讚一句，這幼兒心理才得到平衡；到今天她仍說，不要讓幼兒上甚麼小一模擬班，免給幼兒太大壓力。她每一句說話都以幼兒感受為首，實在是難能可貴的幼兒教育工作者。除此, 還有教師及嬸嬸亦是照顧入微、和藹可親、盡心盡力的為幼兒，這是我欣賞乙明幼兒園的地方。

(還有其他心聲在"救世軍乙明幼兒園"專題，可用此頁搜尋)

1083

MC媽咪：

從你的分享體驗中，能感覺你在這不足一年的短時間，就
對救世軍樂民幼兒園的園長和老師的讚賞，就重要看見你
的兒子能夠從幼兒園裏學到好多知識，不怕失敗，真令我
羨慕你呀！
因為這些能力是要小朋友有主動性才能達到，我都曾到樂民幼兒園參加講座，同交報名表，都有同園長傾談，感覺她態度很好，又見有老師照顧小朋友，小朋友表現得活潑開心。
其實，做父母都好想給兒女有愉快的學校生活，見你甘放心
和欣賞，我都繼續等位，因為我有好多朋友的仔女都係讀幼
稚園，有D話好，有D又話吾好，推薦考民生、維多利亞..等
等，但我同你一樣相信救世軍的教學理念！另外好的教師都
重要，我才能放心！

6媽

各位︰

剛從BK另一頁發現原來救世軍各幼兒園即將有開放日，日期已可以在網頁上看到。
網址：http://ccs.salvation.org.hk
各位可有興趣去看看？

TYmama

6媽：
救世軍幼兒園開放日，是否先要報名，小朋友可以一起去嗎？

6媽

TYmama︰
你好！我知是要報名的，而我問過園方，約9月中可致電報名。但，我想你也可致電你欲去的那一間，看看何有更清晰的答案。另外，可以帶小朋友去的！因為我記得學校預備了不同的活動給小朋友參加，如︰美術攤位，跳舞等等，都相當吸引的！

TYmama

6媽：

謝謝

TYmama

各位新生家長可否在此分享你們的小朋友，在9月份新入學的經驗，好讓我們參考。

射手

我個小朋友都係讀白田喎...0個度幾好架,師資我好滿意唔再講喇,尤其環境好好,其中,我鍾佢地用0既傢俱,真係好靚,我留意到d玩具...教具..display都係外國訂0既,同埋有好多名牌(bk唔俾賣廣告),證明質素好好,同九龍塘d學校有得揮!!可想而知園方注重小朋友0既學習,加上衛生環境又好,最近安裝左幾萬蚊0既滅蚊磁牆,我真係好感動園方咁為我地d小朋友著想
!!
新移民?我又唔多知,間間都用架喇,好minor0者,唔好咁介意
lu,升小學我都有問佢地d先生,聽講又派得好好,我覺得小朋友讀得開心最緊要,我個小朋友日日返學都好開心,肥肥白白,

GiGiMum

Hi! All moms,

我想知油麻地救世軍總部卜凱塞琳nursery 好唔好架？

我想apply，是否要等1 year 架？   

Thank you！

carmenyum

GiGiMum,

你好! 救世軍總部卜凱賽琳幼兒園等一年都唔知得唔得, 我問過D園長, 話出生就要入紙申請, 就算佢地D同事(幼兒教師)有BB出世後都係立刻報名, 唔會係同事就可以優先, 因為輪候的人多咁話。我估D人鐘意佢地套教學法, 特別係蒙特梳里數學, 英文用拼音法, 語文用計劃活動, 如果你搵到其他幼兒園用同一樣教學法, 去報名都唔怕, 不過我估唔會有同樣既幼兒園o勒!

KooKoo

carmenyum and GiGiMum,
係有同一套教學法架, 咪就係寶寶幼兒園(係太古城), 佢地係同一個校監

Ronald媽媽

射手

乜個部滅蚊機要禁貴嫁?  大約二呎(長)x一呎(闊)，唔知係唔係間間一樣個款，我都覺得學校照顧真係好好。

我仔仔今年插班讀禾輋n3，進展好好，我真係無轉錯學校，老師好細心，環境好清潔，仔仔響屋企乜都唔食，我好辛苦，響學樣樣食灑   

Sammie

KooKoo 寫道:
carmenyum and GiGiMum,
係有同一套教學法架, 咪就係寶寶幼兒園(係太古城), 佢地係同一個校監

KooKoo:

請問寶寶幼兒園是不是私校, 是不是只有太古城一間? 有冇其他地方有分校呀? 學費幾錢? 是不是和救世軍一樣有英文拼音及數學的教學方式呀?  

Thanks.

KooKoo

Sammie,
寶寶係私校, 冇分校, 學費貴過救世軍, 不過有分半日班同全日班, 半日班又分食唔食埋lunch, 所以學費要睇你選讀邊班, 教學材料同救世軍一模一樣, 俾條link你入去睇:

寶寶幼兒園

byychan

GiGiMum 寫道:
Hi! All moms,

我想知油麻地救世軍總部卜凱塞琳nursery 好唔好架？

我想apply，是否要等1 year 架？   

Thank you！

我打過兩次電話問都係等一年,係講緊2004年入學,可能年年出生的人數都唔同.

Sammie

KooKoo:

Thank you. 好多謝你的資料, 依家清楚晒, 不過全日班真係貴過救世軍好多; 知唔知佢地師資同設備有冇救世軍咁好呀?
在網上睇覺得佢地環境都好大同設施好似好新咁, 你的小朋友是不是返這裡? 讀得好唔好呀? 要唔要等好耐至收?

carmenyum

Ronald媽媽:

係滅蚊磁場, 唔係一般o係街見到既滅蚊機, 新科技黎架。聽聞每個成$2600, 園長話19間園訂左成百個以上, 因為秋天要開窗, 怕白紋伊蚊入屋喎! 我在網頁見到"衛生措施", 知道另外有一種係專放戶外的捕蚊器, 成二萬蚊, 我都覺得幾大手筆。

KooKoo

Sammie,
我個仔唔係返寶寶, 係返北角救世軍(下個月先入去), 我剩係去參觀過, 只可以講地方比北角救世軍間大一倍, 同時北角救世軍學位好少, 只得28個位, 而師資方面我都係睇呢度其他媽咪既討論, 你住係邊區架? 港島區只得兩間救世軍, 另一間係華富邨, 呢間就大好多, 有兩層, 我未去過, 勞園長曾經同我提過, 遲d有開放日, 你可以去參觀下