☆屯門聖公會青山聖彼得堂(兆麟苑)家長請進~

chunchunmama

Hello cheuklam-mama,

Congratulations! 你幾時預產期呀? 卓霖快當哥哥一定好開心, 佢鐘意弟弟定妹妹呀?  還記得chunchun知道我有了BB的時候都很興奮, 不過佢好早已經話鐘意弟弟多d, 可以和他一起玩車仔...

我陀兩個都有嘔架, 細佬仲嘔得多d, 約四個月先無嘔.

你要小心d啦, 保重身體!

Ding

morning ~~

cheuklam-mama, 恭喜晒 .. 天氣咁凍..你要小心身體 .. 如果心情唔好就上黎同我地傾下啦 .. 我地個個都生個bb..會明白你感受架 .. 陀bb真係只有做過媽媽嘅人先知 .. 當中有苦亦有甜 ..

有一晚銘銘突然同我講..佢無細佬 ... 好鍾意有個細佬.. .. 俾佢笑c .. 唉.. 自己年紀都唔細.. 再要bb風險好大..唔敢博 .. 而且一個已夠我煩啦 ..   

kikimom

all ma good moring

今早得11度, 大家記得好多件衫.

cheuklam-mama,

恭喜晒...你希望囝囝定囡囡呀....現家天氣甘凍你一定要小心身體呀.如果大肚婆冷親唔係甘好ka.

chunchunma
係咪chunchun唔識表達ar..有人舞獅都要有人負責打功夫,我相信chunchun一定係乖仔,:wink:
如果唔係點會幫你揹尿片,如果唔係甘方便,不如你睇chunchun唔好影相la..今日仲要甘凍,好似明天都要表演打功夫ar

LongLong_ma

checklam,
恭喜呀.....真開心....聽到一個咁好的消息.....近排d天氣反覆無常.....要小心身體呀....咁妳喜歡仔/女呀?.....當媽媽真的不易......一開始就要嘔.....無法啦.....要做偉大的媽媽....我們就要付出多一點了......朋友....努力吧!!.....我們全體仝人都支持妳的             

chunchun,yymon,
成日睇見妳們的小朋友這麼醒目....參加這麼多活動....真是羨慕......好想仔仔快d升上k2....咁就可以同妳們小朋友一齊參加活動啦.....祝他們今天表演成功&出色!!   

加加媽咪,
加加點呀??......好番未呀??....加加昨日是否没上學....我問仔仔佢話"我好朋友加加無返學呀"(佢成日都講加加係佢好朋友).....佢仲話好掛住佢喎

tszyau2000

all ~ good morning!

cheuklam-mama,

公喜....公喜!將會又有一個小生命誕生la!你要小心身體ar,食咩藥,有咩事要找醫生ar,吾好亂食藥ar!.....take care!!

今日第一日開工,真係吾慣ar,好彩今日半日咋!

kikimom

今日開工媽咪,開工大吉

tszyau2000

longlongma:

日子好快過ka 咋....好快亞仔就升k2 ka la!而longlong都好掛住"加加"wor, 我諗加加星期一應該番到學掛!希望加加快d好番la!我又可以係早上見到加加la!

kikima:

大家都開工大吉ar!)))))))))

YYMom

chunma, 我都有問過老師如何選出舞獅的小朋友, 老師話係有同小朋友商量,睇吓佢地是否願意. 我相信chunchun都係乖嘅小朋友, 可能佢誤會左啦!

今日我老公都係帶埋細佬返學校, 我都唔知佢可唔可以拍到video呢 ?今晚返去問吓佢     ...

chunchunmama

加加媽咪,

我星期六個日見到加加呀, 佢面上塊紗布都好大幅下, 宜家佢傷口係唔係好些...祝加加早日康復!!!

kikimom

all mom good moring

今日天氣都好凍ar..有冇同小朋友著多件衫la...

加加媽媽

加加今天什麼ar..好反D未ar...我今朝行過加加班房都唔見佢.

tszyau2000

all ~~ 早晨ar.......好凍,好凍ar!

我今早都吾見加加ar!

唉....呢d 天氣番工,番學.. 真係好辛苦ka!

Ding

Morning 各位媽咪 ~~

星期六已經帶左銘銘去睇超人特工隊啦 .. 係開頭佢就要我抱..因為有少少眼瞓 .. 但去到變晒身之後就坐得好定咁睇.. 仲同我講話好緊張.. 總算佢嘅”第一次”無令我失望..而且睇完套戲之後..另我又好想睇番戲….因為我係好鍾意睇戲…以前未生bb時成日都自己去睇… 但自從生左之後都無時間 .. 而家個仔大左d .. 我諗又可以去睇番啦 ..

加加媽咪..

知道加加被熱水”陸”親..雖然係好細範圍.. 但係都替你心痛 .. 唔知講咩好 .. 希望加加早日好番 .. 塊臉仔一樣好似以前咁靚..

tszyau2000

ding:

公喜你.... 銘鉻kei第一次(到戲院睇戲)甘順利,甘你下次米可以睇d你同小朋友都岩睇kei 戲law!我同tszyau都睇過好多戲,所以我一早話銘銘可以做到,最緊要我地d 大人肯試!..... 依家你地米成功左law!

chunchunmama

早晨呀~~

Ding,
真好啦, 咁你可以同銘銘睇多d戲啦, 係戲院睇氣氛好好多!

琴日同兩兄弟去左寶蓮寺(屋苑一天團), 係上面真係幾凍同埋大風, 可能只得幾度?...我地係最頂行左一個圈跟住慢慢行返落去, 都唔太辛苦! 我全程多數咩住細佬仔再用包被包住佢, 佢應該暖過我! chunchun都唔怕凍, 只係話隻手仔凍帶手襪.

kikimom

chunchun_ma

你真係好勁ar....chunchun又好叻仔呀.係咪自己行百幾級樓梯呀..不過見度聰聰笑得甘開心.你地一定唔會寒風影響你地心情

kikimom

tszyau2000 寫道:
ding:

公喜你.... 銘鉻kei第一次(到戲院睇戲)甘順利,甘你下次米可以睇d你同小朋友都岩睇kei 戲law!我同tszyau都睇過好多戲,所以我一早話銘銘可以做到,最緊要我地d 大人肯試!..... 依家你地米成功左law!

同意     

加加媽咪

各位早晨啊~~~   

今個星期六日因為去咗東莞Annaul Dinner 所以冇上黎傾計, 原來大家都咁掛住加加.  

今日加加都冇返學, 因為佢個傷口依家開始痕同甩皮,  今日仲要去診所不過姑娘話已經可以唔洗再包紗布, 如果覺得痕同乾可以搽d冇藥性的蘆薈滋潤番d皮膚, d傷咗既皮等佢自己洗面/洗頭時慢慢甩便可.......其實我都未有機會睇到佢今日拆咗紗布既樣, 不過問題應該不大, 我諗過多幾日應該會好番哂,  好快大家帶小朋友返學時又可以見到佢.  

今個星期六日我同老公去咗東莞, 加加就去咗公公婆婆度住, 出發之前其實都怕加加會扭計 , 因為佢好似2歲後都未試過留喺婆婆度過夜, 就算幾夜都要同我哋返屋企, 加上今次整親塊面實會扭吓計, 點知之前一晚婆婆問佢星期六肯唔肯喺婆婆度瞓, 佢竟然一口答應, 到咗星期六一早我哋要出發時佢都知道我哋要走, 不過梗係話爹哋媽咪要去做野, 唔可以帶埋佢去, 點知佢都冇扭計, 我哋出門口時仲同我哋講拜拜, 婆婆仲話星期六果晚好乖好早瞓覺, 一覺瞓到第2日先醒. 琴日我同老公一返到香港就即刻去婆浪屋企接佢.   

星期六公公帶咗加加返學校睇表演, 公公話好多同學仔、老師、家長都好關心佢, 雖然只係逗留咗一陣就走, 不過佢都好開心, 尤其係見到佢班同學仔同埋老師, 因為之前加加都有講過話好掛住佢哋     

chunchunmama

加加媽咪,
你一定好掛住加加啦, 兩日其實都好耐架啦(對我來講)...咁加加真係好乖女無扭計, chunchun都係好少係婆婆屋企過夜, 真係數得出有幾多次, 試過九號風球走唔到同埋我去左醫院生細佬仔個幾日咋...

kikimom,
如果要chunchun行上去可能都唔掂架, 行落去易好多.

kikimom

加加媽媽..

聽你講完后好感動ar..加加小小年幾可以甘生性,加加都係抵錫.希望加加快d好反,紅蘋果再出現

加加媽咪

chunchunma,

琴日我問加加星期六返學校玩見到邊個同學仔, 佢同我講有邊個邊個之餘, 仲有話:"上次燒野食果個呢..... 果個聰聰BB個媽咪呀..."(即係你 ) 你見到佢塊紗布係咪嚇親你呢??? 因為加加塊面有d傷咗既皮膚冇甩到, 不過如果貼咗膠布喺上面要meet 時會meet 埋d皮驚會痛, 姑娘唯有貼住d頭髮同埋盡量唔貼近傷口, 所以好似好包住大範圍咁囉.

你真係犀利 , 一個人抱住1個帶住1個去寶蓮寺, 不過聰聰張相真係笑得好甜.

chunchunmama 寫道:
加加媽咪,

我星期六個日見到加加呀, 佢面上塊紗布都好大幅下, 宜家佢傷口係唔係好些...祝加加早日康復!!!