其實讀咩幼稚園，真係會影響之後升小學？

YoOOyoKan

聽同事講起話以前幼稚園揀衰左，所以丫女升小學後學習同適應都好辛苦，真係咁大影響嘅咩？

阿厘爸爸

其實好睇⋯
1）果間幼稚園有無一條龍⋯
2）果間幼稚園嘅定位係啲咩，例如：公屋屋邨內的幼稚園可能定位明確啲⋯就係通常以區內的津貼、官立小學；但例如私人住宅地區的幼稚園通常定位係私立或直資小學，所以幼稚園的學校體驗、學習的涉獵範圍及深淺程度都會有明顯不同和分別。

如果所就讀的幼稚園是以區內的官立、津貼小學為主要目標，而家長亦想子女嘗試考入私立或直資小學的話，家長可以喺小朋友讀K1下學期時報讀坊間一啲小一面試班，這些都對小一面試有幫助。

注意：幼稚園老師可能會建議家長在小一自行分配學位時，最多揀選3至4間小學面試，但我作為過來人⋯我建議如果家長有哪些心儀小學想報讀，就全部都報名⋯作為幫小朋友累積面試經驗，及提供入讀心儀小學的機會率

「路路」

YoOOyoKan 發表於 26-4-11 23:27
聽同事講起話以前幼稚園揀衰左，所以丫女升小學後學習同適應都好辛苦，真係咁大影響嘅咩？ ...

何謂揀衰左？意思係入唔到心儀幼稚園定入完之後，發覺唔係自己諗果回事？
幼稚園只係其中一個因素，小朋友本身能力、父母培育一樣係影響嘅因素，一心以為入左間好嘅（出名嘅）幼稚園就可以輕鬆直上，實情係一廂情願，所以唔駛理；尤其講緊升小學習同適應，假如父母本身放養+幼稚園偏向愉快學習模式，上到傳統小一梗係難適應，重點其實唔係幼稚園，好似我朋友咁，卷校明明無乜學術氛圍，一樣可以考到直私、一樣叩到門。

asamchic

家陣小學課程比以前深，幼稚園無打好底，一升上去咪會辛苦Ｄ。不過都系睇小朋友同幼稚園夾唔夾，就算比佢入到間好谷嘅，但小朋友讀唔黎都系難搞。

jbbmom

幼稚園程度同間小學程度差太遠先至有「影響」
好多名幼小朋友升上小一/小二上學期仲食緊老本

不過只要有心同肯努力，都可以追番上嚟

YoOOyoKan

asamchic 發表於 26-4-13 18:19
家陣小學課程比以前深，幼稚園無打好底，一升上去咪會辛苦Ｄ。不過都系睇小朋友同幼稚園夾唔夾，就算比佢入 ...

你都有啲道理！

YoOOyoKan

jbbmom 發表於 26-4-13 23:34
幼稚園程度同間小學程度差太遠先至有「影響」
好多名幼小朋友升上小一/小二上學期仲食緊老本

即係唔關讀名校事?

YoOOyoKan

阿厘爸爸 發表於 26-4-12 15:32
其實好睇⋯
1）果間幼稚園有無一條龍⋯
2）果間幼稚園嘅定位係啲咩，例如：公屋屋邨內的幼稚園可能定位明確 ...

一條龍正路應該係最好?