deleted

poonseelai

rubycourt 發表於 24-5-20 10:06
本帖最後由 rubycourt 於 24-5-20 10:14 編輯

.

其實你而家仲未落實真的有D遲, 我孩子大約聖誕前後已和同學仔去睇樓簽約, 有一年遇到個好差的roommate, 住了4個月頂唔住, 自己搬了一個studio flat, 佢人在當地全部自己攪 (不近london)

你孩子自己有無什麼睇法？

rubycourt

poonseelai 發表於 24-5-20 11:17
本帖最後由 poonseelai 於 24-5-20 11:18 編輯

其實你而家仲未落實真的有D遲, 我孩子大約聖誕前後已和 ...

我寫的也是我孩子想的，因為我唔熟，佢prefer搵人夾租，佢concern租金，但studio也可以，我女想租返同一屋苑，但住開的屋苑間公司不比我女咁早租，之前問studio也必須加個新人才可比你預訂，間公司話下個月才會問舊租客租唔租，簽咗唔租才可用自己名再預訂. 我都唔明點解唔比舊租客優先.

KIMLIFEINUK

rubycourt 發表於 24-5-20 12:31
我寫的也是我孩子想的，因為我唔熟，佢prefer搵人夾租，佢concern租金，但studio也可以，我女想租返同一屋 ...

That is strange!

anitawong21

rubycourt 發表於 24-5-20 12:31
我寫的也是我孩子想的，因為我唔熟，佢prefer搵人夾租，佢concern租金，但studio也可以，我女想租返同一屋 ...

咁再預訂代表咩？係咪有機會要公開同人爭？

佢唔想租學生宿舍，你響香港都好難幫到佢D咩。其實響英國租樓唔係咁易，好嘅租盤係好會多人一齊爭，睇啱就要落offer㗎啦！如果搵唔到，我覺得佢有D嘢真係要妥協，set太多首選未必可行，最緊要住得安心啫，係咪一定要租返哩度？

rubycourt

anitawong21 發表於 24-5-21 00:44
本帖最後由 anitawong21 於 24-5-21 00:53 編輯

咁再預訂代表咩？係咪有機會要公開同人爭？

即係有房你就可以留，無就幫你唔到. 我其實已經有妥協，但因為太長篇唔講喇.

rubycourt

KIMLIFEINUK 發表於 24-5-20 20:45
That is strange!

佢哋做野，不足為奇！

KIMLIFEINUK

rubycourt 發表於 24-5-21 01:47
本帖最後由 rubycourt 於 24-5-21 01:49 編輯

佢哋做野，不足為奇！

個操作咁神奇！我屋企人個租客七月中到期，咁五月問佢會唔會留，佢話會去第二度大學，所以要搬，咁如果佢話留，咪就即刻簽續約。佢話會離開倫敦，咁咪搵新租客。等乜野？
如果你女話要租，佢都要你等，好可能佢等非學生租客，或者睇下價高者得。再係市場度叫高D？叫你預訂，聽落好似叫你申請試下，佢未必肯咁，好麻煩咁！純粹個人意見，我只係覺得好奇特

叫人等，其實倫敦每年 summer 租金會升，因為係旺季，會唔會係咁，佢覺得唔駛急住定個租金價錢，等多一兩個月，每月可能多收£100-200 一個月

我純粹估吓

KIMLIFEINUK

其實我可以同你分享一下去年既經驗，去年其實好早問租客，佢七月中到期，但我地四月初就問佢，唸住早D易安排，咁佢亦係四月話續約一年，咁傾租金時加左£50一個月，租客已經覺得好多。但果陣見市場租金都係大約加多£100左右，咁佢又係續約，加£50可以啦。

點知到左六、七月左右，唔記得 exactly 幾時，agent 有間屋出租，間屋仲細D，同一個 development, 竟然租高£250一個月！

即係如果等到越近暑假先租出，個價越高。

試想如果佢每月高£200，一年係£2400！

你試吓最好快D落實，如果佢無心租俾你，你唔好俾佢拖到六、七月，到時又可能好多人爭租一個單位，會幾激氣

anitawong21

rubycourt 發表於 24-5-21 01:46
即係有房你就可以留，無就幫你唔到. 我其實已經有妥協，但因為太長篇唔講喇.
...

咁我又唔清楚哩座大廈招租程序係點，唔知係咪訂實咗個租金，先到先得嗰種，但就算係咁，你都要快先得，因為有其他人想租，冇理由要等你。

我係想提提你，有時計劃得太多，計計吓，相對次選嘅盤可能會冇咗啫，同埋亦想話學生宿舍環境可能唔夠理想，但相對穩陣及容易租，因為就算租私樓，有咩要整的話，咁啱遇著衰業主或者管理公司都未必有即時反應！

如果呀女覺得而家住嗰度好，又應承到有心水盤一定俾佢，當然皆大歡喜。問題係未必有，但旁邊新樓都係專做出租apartment ，管理模式都應該差唔多，咁有啱就無謂要租返哩座大廈啫，早D搞掂佢人都安心啲啦！其實佢都大個女，佢熟嗰頭多過你，當初問到附近新樓仲有studio ，啱就應該即刻去馬啦！而家佢又未有人合租兩房，冇理由俾佢合埋眼租咗至算，搵唔到人你咪仲金？！唯有提佢每日早午晚三餐check住rightmove，自己睇緊D，再周圍問吓人，其實佢唔介意租studio ，可以多D打電話去問完再問，因為今日冇唔代表聽日都冇！咁多座大廈咁多單位，點都有一兩件撻訂啩，亦冇理由人人都住到完約先走？咁啱俾佢問中咪有機會囉！

或者俾小小agent搵租客資訊你參考吓，因為我見哩座大廈有響Rightmove 招租，可能你會明點解睇啱要快！要記住中介公司入面嘅所謂agent只係打工，責任係盡快幫業主搵到個識每個月交租嘅正常人就算！通常放咗響market招租，特別係Rightmove最多，之後會定一個期限，但只有內部先知個限期有幾多日，如果受歡迎嘅可能只有幾日，例如星期一落廣告，可能安排今個星期六俾兩個鐘，派個人去等租客睇樓，咁哩幾日就會睇吓有幾多準租客打電話嚟約，通常安排每一兩組租客睇10至15分鐘，填滿咗嗰兩個鐘就唔再收客，因為都可能有十幾廿組客俾業主揀！然後睇完會叫班客響兩三日內要俾哂入息證明，講埋你願意出嘅租金落offer，如果業主從中揀到租客，通過埋credit check 就會封盤。否則再安排下一輪，但再輪廻完都未搵到租客，通常業主心急，agent都驚業主轉中介公司，咁啱你就打去問，agent先會好順攤咁任你揀日子睇盤，甚至可以幫你傾吓有冇得減。雖然唔同公司做法有唔同，但基本上都係一見到廣告，啱就要及早約，先有機會入到首輪，或者話大D機會租到！同埋一般有十組八組客一齊爭好正常，通常一個月內點都租出，如果對市場內放咗好耐嘅盤有興趣的話，最好問清楚點解咁耐都租唔出先決定，因為係豬頭骨嘅機會都幾大！

KIMLIFEINUK

anitawong21 發表於 24-5-21 08:41
咁我又唔清楚哩座大廈招租程序係點，唔知係咪訂實咗個租金，先到先得嗰種，但就算係咁，你都要快先得，因 ...

你講得好啱！我屋企人而家個學生租客，連樓都無睇過，相都未影，佢已經即日話租，所以agent 其實直情唔須要約人睇樓

rubycourt

KIMLIFEINUK 發表於 24-5-21 02:46
其實我可以同你分享一下去年既經驗，去年其實好早問租客，佢七月中到期，但我地四月初就問佢，唸住早D易安 ...

如果她現在續租可繼續住同－間，但好似我女想租studio，佢有studio都唔比租緊同－屋苑優先，必須要你簽份唔再續約的form,但問題嗰份form要下個月先會一次過連同其他單位－齊發出，即使即刻簽也唔得，咁之前有新building的studio又唔比我女單名落，要有個新人名才可以，但佢報比我女價就平過官網show出嚟的，佢個價係應該無乜加價的. 因為佢之前報的2房價和去年又乜大分別，我印象還好像－樣.

rubycourt

anitawong21 發表於 24-5-21 08:41
咁我又唔清楚哩座大廈招租程序係點，唔知係咪訂實咗個租金，先到先得嗰種，但就算係咁，你都要快先得，因 ...

請check pm, 我女已經沒有計劃太多，昨天睇，今日覆租，但都搞了6日也未定到，佢哋寫錯個租期早了2個月.