想請教去英國讀大學

LuckyLimams

請問去英國讀大學嘅第一年，你地有陪同一齊去打點開學嗎？有無小朋友係零親朋友，爸媽又無去，單拖過去自己攪掂所有？有無咩要注意㗎？可以分享下嗎？

TTEE1819

如家長唔得閒陪孩子出發，真的唔緊要，開始讀大學，佢地有能力處理，亦開始學獨立。

另外，大部分大學會安排人去最近嘅機場接學生，通常學生在orientation 前一兩天到達英國。

另外，好多社交媒體有該大學香港學生會，佢地年年暑假在港都有orientation day，讓新生認識嘅師兄師姐，又會講解pre-departure info。

唔洗擔心的，所有準備都唔困難。

當然，如果我有假期，我實在開學前跟孩子一齊飛去英國，一方面跟孩子旅遊，另一方面幫手攞多一個大喼。

poonseelai

當年我孩子大學有規定入住宿舍日期時間, 同日開始已經有活動, 我哋陪去嘅就早一天買定枕頭床單被廚房用具等一齊搬去宿舍, 起碼第一晚有覺好訓, 其他就跟住自己攪, 如果自己去就預早上網訂送去宿舍

ada_fung

LuckyLimams 發表於 26-4-20 13:32
請問去英國讀大學嘅第一年，你地有陪同一齊去打點開學嗎？有無小朋友係零親朋友，爸媽又無去，單拖過去自己 ...

如果可以，最好開學前1-2星期去陪佢。
搬入宿舍，好似被鋪枕頭，去到先買，
準大學生們未必有經驗去選/買。

我當時係開學前1星期同佢一齊過去，
先入住宿舍附近Airbnb，
同佢行下附近有咩超市/餐廳，
去Ikea/大商場買被枕，
及特訓基本煮食。

到可以入住宿舍時，
幫手一齊搬屋，
執下野，教佢點用宿舍洗衣機等等。

始終以前個個都係公主王子，
好多基本家務係冇乜概念。

debit card/credit card要準備，
現金好少用，
最好去到就開個基本銀行戶口，
方便同同學夾錢時用。

monsterparentss

2年前我有陪呀仔開學。原來去到有啲嘢要預備，例如衣架，洗衣袋。我哋又唔熟路，所以好難搵到。另最深刻係呀仔參加Freshers Week，幾日後佢發燒，唔舒服，嚇死我，好驚係covid。佢話自己有Freshers Flu，佢係我租嘅地方瞓咗2日先好啲。第一次係外地病，我覺得好彩有陪住佢，佢又人照顧，我又唔駛咁擔心。如果家長去唔到，真係要預備好啲平安藥。