亞女小五, 下個月考呈分試各位有經驗家長請介紹．．．

Cammy

想最後衝刺，佢平時溫書已溫得唔錯，　只是欠缺考試技巧，　又唔識ｄ同校過氣家長可以有ｄ過期試卷做練習，想問坊間有邊本練習比較好用及全面呢?唔該晒!!拜託拜託!!

          

BESTMCL

如果小朋友平時已經有溫習，又明白+掌握小五的課呈，根本不用強加壓力，因為好容易弄巧反拙，面對考試時因壓力大而...

我的小朋友也是今年小五, 我只係叫佢唔識, 唔明一定要問老師. 如遇到一些唔知自已掌握得好唔好，便叫佢找老師叫老師揾一啲類似的exercise 比佢 practice.  我想老師的天書是最多最齊， 要セ topice 有セ，使セ自已揾吖！ 其實老師吡學生更着緊，學生考得好自已也光采，你話係唔係吖！

happysnoopy

hi, bestmcl,  我都好同意你的講法. 故平時我都係要我d仔仔最緊要上堂留心和平時溫習, 沒有太多的壓力的.

Cammy

thank you for you two advise.

我都明你地講mug, 但因為今年要報分, 所以咪緊張d law..因為而家 在香港, 往往考第一嗰個同考第十嗰個比, 就只係因為佢做多左d野, 比考第十嗰個更懂考試技巧; 冇計啦.  鬼叫要報分考中學咩.  當個個家長都狂操自己仔女時, 做的比應該做的更多野時,  我地可能就會輸蝕ga la...
鬼叫我地係香港咩..     

cman_li

好多時頭三名的分別不在主科(中，英，數，常)，而係視藝及音樂。

視藝計平時分兼比較主觀，分數可能會五分上落(85,90,95)，足以影響大局。

音樂技能試計分亦比較主觀，除非學生是高水平，分數會有

xmanman

阿仔月尾就考啦,  

因為要呈分, 所以都幾大壓力!  我只係希望佢唔好退步就已經好開心啦!

係呢!   請問有經驗的家長,  音樂有考筆試,  你地知唔知會考什麼呢??

Ms.ChanChan

音樂筆試應該是考基本的樂理常識。

fitceo

Cammy,

你buy 唔buy補習社,如果小朋友受谷既會有用,上年小女第1次呈分band 2,跟住我即刻同佢搵補習社,2,3次呈分追番上band 1,佢地除左有導師教之外,仲會有大量同區小學既試題,到阿女考試時,真係有撞中試題情形出現. 應付考試,操練真係不可少.

cherry1995

首先，應了解自己子女的情形：
1. 子女5年來一向的成績如何呢，如果一向是中等的就不要太要求過高了；
2. 子女是否受"谷"，如果不是，又或者是會太緊張就表現失常的就要有技巧的協助了．

其次，是了解學校分數的計算運作：
1. 有些學校的成績表只計中英數常四科，而且都是100分為滿分的；但呈分教統局就用中英數常音美六科，而且計算比率不同的．
2. 以呈分教統局為例，中英數(各100分)常(60分)音美(20及30分)，故應付方法亦不同．

最後，家長應付方法
1. 最基本是家長在小一至小五平常的功課已跟足，這是最基本的，如果平時沒有跟足功課及溫習，根本沒有可能"谷"太多.
2. 當然，家長亦應有在考試前與學生一同溫習，不要只是口講要子女溫習，自己就不理子女．
3. 通常在考試前兩星期就因應考試範圍每日溫一小部分，必須要與學生一同溫習，你利用課本及功課向子女提問，或因應考試範圍出一些題目考學生．
4. 市面很多的練習根本與課本不配合，或只有一些有用，故要小心選擇，不要太依賴
5. 在考試期間，學生通常考上午，下午就要小心與學生一起溫習
5. 以上主要是中英數常四科的情形．
6. 音樂及美術就不同，音樂方面有筆試及Practical兩部分，筆試是考一些樂理有關的，是可以溫習的．而Practical可能考唱歌或木童笛，這就要平時多一些練習了．如果子女一向有學樂器就問題不大．
7. 美術(視覺藝術)主要是考繪畫．會考畫的主題，色彩，構圖等，應平時訓練子女繪畫有主題，最好以腦線圖起稿構思．而色彩及表達是有技巧的，通常校方都沒有詳細介紹的，如果可以的話，在校外的繪畫學校學習更好(有些繪畫學校亦沒有詳教的).
8. 呈分教統局是不會計體育的．但在小六自行收生面試時就會相當看重體育表面，其次為音樂，反而美術是較少看的

fionlai60

我囡都是五年級,6月頭都考試啦, 因佢要呈分, 所以都幾緊張! 不過平時我都有keep住同每佢日溫書,今年五年級開始巳用上門補習老師,只補英文科,希望幫佢再提升英文.
其實我都有15.16比吾比亞囡去補習社,因補習社有大量同區小學既試題,好似好d,因上門補習老師都無paper比亞囡做!!但怕6個人一組好似無1對1咁好,你地話其實我好吾好轉去補習社呢?

Cammy

首先真係好多謝各位詳細回應. 多謝大家有心的分享...

其實我的女兒已經好唔錯了. 在全級考20-30名左右, 但我見佢全級考第一的小朋友, 同佢d分數真係只差好小, 可想而知佢地競爭幾激烈. 幾分之差已經有廿幾三十個小朋友係中間"sip"住, 本來我不想加入呢個競爭行烈. 平時我只同佢地講, 盡左力就可以. 我對佢地d功課也不是太緊張. 因為佢地都好自動波.  佢地咁乖, 我已好滿足 (真心話, 不是晒命)
但問題係, 我知我個女同考第一個小朋友分別在: 那小朋友有個以前又係讀呢間小學的姐姐, 故佢有以前d考試試題當平時操練, 本來緊係唔關我事啦. 但而家要爭學校ma, 如果人人都盡晒力之餘, 又有pass paper做, 而我個女只是盡力, 咁咪輸蝕law, 平時輸蝕唔緊要, 而家critical moment就要衝刺呀ma....
所以....我buy呢個時候用補習社, 利用佢地可以做多d操練同試題, 都好wor, 咁我想問, 有冇補習社而家仲可以收人ga? 只收一個月又得唔得, 定係要成個學期ga?

cherry1995

要留意子女的音樂及視覺藝術科的成績
我的女兒就是因為音樂及視覺藝術科好，令原本校內成績的排名比教統局呈分的排名高５名以上（由老師提供資料）

October.

音樂及視覺藝術好重要,我個女成日比呢2科拉低分.

Cammy

October. 寫道:
音樂及視覺藝術好重要,我個女成日比呢2科拉低分.

我個女都係成日比視藝拉低分

師奶

現在有補習班開小學試題練習班1.25小時,四堂$280。
試前全科預備班(測驗及考試月份開班)1.5小時,四堂$360。
朋友有做其它學校試題,比佢中咗1板常識同2板英文,派成績表班主任都話考得好,今年超越我仔成績,鄧好朋友開心,但都擔心冇做其它學校試題到時成績比下去,擔心入咗間差中學。
相信到時我都會比個仔參加補習班。

norakyng

對，我的兒子音樂及視覺藝術科好，教統局呈分的排名比校內成績的排名高 20名以上.

Cammy

師奶, 你好.  請問知唔知多唔多你所講的試前預習班呢? 如沙田區有冇呀?  唔該.   

櫺囹桼

其實個個小朋友性格唔同，唔可以一張藥方百病除！(最清楚了解自己小朋友都係自己…)，如果方法得宜，應該個個都係band 1生！
我囡囡五年級三次成績仲係一般：6A9B1C、5A11B、8A8B…不過佢唔迫得、唔鐘意去補習社、不太喜歡重複又重複之練習…所以冇乜計…唯有自己做番小學生，睇哂佢學d咩，睇完唔明問下佢、同佢討論下、自己設計d工作紙、模擬試卷過佢做…再加上帶佢去心儀中學參觀(想入去就要咁咁咁…先得！)…成績上升好快…六年級成績如下：15A1B、15A1C、15A1C！
希望你哋都搵到適合之方法！

cherry1995

非常同意007的意見，亦認為父母必須要親力親為與子女溫習，絕不應太過依賴補習社，絕大部分的補習社只不過是隨便幫學生溫習，再操練學生一些練習，根本不會因材施教．而且補習社只能幫到一些考試的技巧，當學生要升中面試時，差不多所有學校都不只看學生的成績，亦要看學生的品行，態度，言語表達，音樂美術，平時有沒有看很多書等等，就算你有絕佳成績，但面試時呆若木雞，學校亦未必收你．

cherry1995

各位家長，有沒有留意子女升中後，在新高中會更看重非學業的表現，就算給你過了升中這一關，但沒有發展子女其他方面的才能，都很難升大學，更難找到一份好工，在工作成功的機會更沒有．現在中學在新高中會有計算
"其他學習經歷"(Other Learning Experience)；而學生亦要有" 學習歷程檔案"（Student Learning Profile)．在中四時更有"應用學習課程" (Applied Learning Courses).你們聽過沒有？