請大家回應一下.....(好擔心)

PEGGYP

好想問下大家, 自閉兒是否特別喜歡看轉的東西??  咁係會幾耐??
因我的小孩(1.5歲)很喜歡看轉的東西,如車輛和風扇.. 聽人講這是自閉兒的特徵之一......

露絲

唔好亂聽及亂諗呀~~  可大可小.

有問題問專家.   問下DR. T呀?????

可能個小朋友比較好奇, 想望清楚唔定..

<<人地話>> : 自閉兒.........比較唔多同人講, 自己玩多, 自己同自己講野, 比較社交唔好, 自己向往自己既野..   (記住無實質既專業証據, 就唔好亂禁諗, 會C得人多架)

bigb

DELETED BY WEBMASTER

anhemama

peggyp,

你小朋友同我仔仔一樣,佢18個月都係咁所以轉介到兒童智能中心,但到今天3歲醫生都未能評估到係自閉不過醫生話有都是好輕微,要再到4歲到時會比較看得清楚,但你小朋友講嘢ok嗎同情緒會唔會好差,我仔仔情緒2歲開始是比較差可能講嘢唔係好叻所以醫生話一定有影響,所以我仔仔屬於語言遲緩個班,你慢慢觀察下唔好太擔心住現在好多機構可以支援我們     

christinatse

PEGGYP,

自閉症主要有以下三大特徵︰
1. 缺乏社交技巧 - 如缺乏眼神接觸；
2. 重覆及固執性行為 - 如常要行一定的路線；
3. 語言發展緩慢 - 如1.5歲還不用食指指出他專注或想要的 東西。

如有晒三個特徴可到健康院安排做評估！
唔好自己嚇自己！ :

hhmamami

你唔好咁擔心啦! 你未做評估就擔心， 咁如果無問題，你咪白擔心，你擔心個問題又唔會解決，你唔擔心個問題又唔會解決，所以白擔心係無用，實際d，去做個評估，我見我一d朋友的仔，佢都係將d 車排成一行，如果有人攪亂佢，佢都會唔鐘意，但佢長大了，而家四歲半，都無問題，所以唔可以單憑一兩個特徵就話係自閉，你個仔仲係細，d 醫生話要到兩歲才可以肯定d，你可以再去上一些家長課程，了解多d，而家資訊咁發達，你都可以上網望下，不過，始終都係有人問會好d，有人望吓你個仔，會好d, 你等唔切，可以去私家做評估，唔駛咁擔心嘛。