請指教

eileenycm

仔仔今年三歲半,平日係一個愛說話,多問題,常駁咀的小朋友,但係佢返到幼稚園就係太出聲,老師同我講佢好鍾意觀察不同嘅事物,唔係太主動說話,但係佢好專心,老師問佢所有問題都可以全中,而我發覺佢同其他同年齡嘅小朋友有以下分別:
- 記憶力強,只係見過/聽過一次嘅野,佢可以好仔細地話番比你知,一年前發生嘅都記得好清楚.
- 觀察力好強,而觀察嘅地方連大人都唔會去理.如:有一次搭的士,上車後數分鐘,仔仔同我講呢個司機叔叔唔記得放將想出嚟(放係車前坐位嘅司機証),呢件事係發生係佢未夠三歲時)
- 好喜歡看書,計數(daddy教個佢一次十位加 / - 數,佢就可以自己計),可以自己坐係度practise 鋼琴一個鍾,佢只係學咗四個月,如比一本同level嘅新書佢彈,佢可以自己一個人搞掂,唔駛人教佢可以全部彈出嚟.
- 對自己要求好高,完美主意者.
- 玩智力遊戲要玩五,六歲小朋友果d.

有好多朋友都話仔仔唔係一般小朋友,叫我帶佢去check,我真係全無頭緒,打過去問協康會費用要成三千幾蚊,我覺得好貴,係唔係值得好check呢?如果打去健康院話懷疑自己仔仔係資優,想去check吓,我諗佢地唔會彩我.請問我宜家可以做d咩?
其實仔仔係唔係資優我唔在乎,只不過唔想埋沒咗佢嘅天份,請各位有經驗嘅家長比d意見.

moonychan

健康院姑娘話如果個小孩係資優兒, 佢返學後, 老師會話比家長知的, 當然, 要睇個老師是否資深的老師.

另外, 兒科醫生說, 大點才做評估就唔會SIDE錢, 會準確D, 同埋, 除資優外, 品格才是最重要.

Leolonglongma

eileenycm,

真係唔好太早做, 5歲suppose 應該可以check 到, 但我囝囝當時並無被confirm, 到入了小一, 問題越出越多, 但做了不足3年, 想8歲再帶他去測試, 亦因學校反映太多問題而被勸喻再帶他進行測驗, 這次才confirm 了!  但又如何, 學校教授方法配合唔到, 佢o既問題依然存在, 只是象徵式罰少了. 所以留番D錢, 到需要時才用, 因為測驗TAKE 超過1個小時, 好講專注力, 小朋友太少, 結果未必準.  反而現在應該俾佢多方面嘗試, 睇佢興趣在那兒, 原本強的, 再落力點培育, 就小朋友興趣去發展, 這樣才不會埋沒小朋友的天份.  要關心o既應該係小朋友的情緒, 家長要睇多D書, 明白自己小朋友, 因為真係唔好期望有太多外人/老師/家長會明白你的小朋友, 遇到小朋友碰上不明白佢O既老師時, 家長的協助才最有用.

Papa2000

Hi eleenycm,

我都好同意家長要睇多D書,有冇好書介紹呀?

由 Leolonglongma 於 2007-05-10 23:53:03

eileenycm,

真係唔好太早做, 5歲suppose 應該可以check 到, 但我囝囝當時並無被confirm, 到入了小一, 問題越出越多, 但做了不足3年, 想8歲再帶他去測試, 亦因學校反映太多問題而被勸喻再帶他進行測驗, 這次才confirm 了! 但又如何, 學校教授方法配合唔到, 佢o既問題依然存在, 只是象徵式罰少了. 所以留番D錢, 到需要時才用, 因為測驗TAKE 超過1個小時, 好講專注力, 小朋友太少, 結果未必準. 反而現在應該俾佢多方面嘗試, 睇佢興趣在那兒, 原本強的, 再落力點培育, 就小朋友興趣去發展, 這樣才不會埋沒小朋友的天份. 要關心o既應該係小朋友的情緒, 家長要睇多D書, 明白自己小朋友, 因為真係唔好期望有太多外人/老師/家長會明白你的小朋友, 遇到小朋友碰上不明白佢O既老師時, 家長的協助才最有用.