祟真VS創價, 大家點睇?(唔該幫幫我,因為今個星期要決定)

ballball411

好煩惱, 屋企2個人意向都唔同, 我自己就覺得祟真有埋英文小學, 好似有個保險咁, 但創價比我個感覺又好好, 真係唔知點揀, 請大家比d意見我.....十萬個thank you    

ShinTeresa

i definitely choose SOKA

ballball411

可唔可以講下點解揀呢間? thanks

callycms

我揀祟真(但我係講大埔道嗰間),因為我有朋友個女女讀緊,佢對間學校讚口不絕,話老師細心,教學模式唔太死板,同埋好多課外活動選擇而價錢又唔貴,最重要嘅一點係佢係一條龍學校(幼稚園+小學+中學)嘛~~   出年到我仔仔搵學校時候,呢間都係我心選之一

ballball411

我就係你講大埔道個間祟真囉, 多謝你既意見

alowe

兩間學校好難作深入客觀比較，因為祟真尚未進行質素保證視學，好成點好難講．不過祟真分中文班同英文班，中文班可以攞學券而英文班則唔合資格．

我相信你面試時都到過兩間學校，你可由學校嘅設施，環境，教職員態度．宗教，辦學理念，課程，口碑和你對學校嘅觀感等等作比較．

如果你對祟真小學同中學都有信心，當然選祟幼就可一勞永逸，因為創價係冇直屬小學嘅．不過你亦要查清楚祟小會否收晒祟幼學生，祟中又會否收晒祟小學生．

最後我想提醒你，祟小是私校，祟中是直資學校，收費約２萬蚊一年，你要交足十二年學費．

ballball411

其實兩間都覺有好處, 所以真係好難決擇, 真係諗到頭都爆, 呢幾日仲訓覺都諗住.............

funnycat

alowe 寫道:
兩間學校好難作深入客觀比較，因為祟真尚未進行質素保證視學，好成點好難講．不過祟真分中文班同英文班，中文班可以攞學券而英文班則唔合資格．

hi, alowe:

祟真英文班減了費,可以用學券啦!不過我又係好頭痕!     到底祟真英文班好?還是又一村好?請問高見如何?Thanks!     

alowe

Funnycat:

又一村可以從視學報告了解學校多些，但祟真資料真係唔多．我現將我所知話你聽，如有不確歡迎家長指正．

從視學報告，睇到又一村係有心嘅學校，學校環境也不錯，學生應該會讀得開心．祟真可能比較傳統些，學生也著重默書寫字，為配合小學，學校對學生是有要求．

又一村冇宗教，而祟真係基督教．

學券制只適合本地課程學校，如稱為國際班，當然是國際課程．祟真為要加強競爭力，希望能加入，因此將國際班，改稱為英交班，學費也減至每年２萬４以下．我之前資料係從幼稚園概覽獲得，所以不知以上改變，致歉！

從祟真家長交談中，覺得有部份家長並不熱衷升回祟小．

英文班當然著重英文，隨著學費調低差不多三份一，不知學校能否找到適合的外籍教師．如果你想小朋友學多些英文，當然多接觸英文會好些，就算升讀小一，適應力會較優．如果能升讀國際學校或側重英文嘅小學，當然冇銜接嘅問題，但約升一般嘅小學，大家在同一環境下學習，很快便會和其他同學看齊．

從學生數字來說，祟真看來比較受歡迎．如果你入兩間學校嘅家長討論區會對學校了解多一些．好像蚊嘅問題，學校安排買校服問題，或其他話題都可能對你有些啟發．

silvia_ng

ballball,
哈哈, 原來你煩惱緊邊間。我個朋友既仔仔就讀創價, 而你都知我個仔係崇幼啦。咁計一條龍既話, 都係首選崇真。因為創價冇一條龍。
聽我朋友話, 創價好似冇咁多外籍老師, 又好似同崇幼差唔多價錢。佢當日兩間都收佢仔仔, 佢鐘情"九龍塘"既幼稚園, 所以選左創價,。不過我唸都唔會差得太遠既, 但係始終都係要等返創價既家長答你。我奶奶直頭宗教信仰係"創價學會", 不過我都冇比仔仔讀。 因為覺得崇真好"抵", share小學既資源, 所以校舍比一般幼稚園大。千幾蚊學費, 比十個月, 就每日有外籍人士教小朋友英文, 有國家評核標準達甲乙級既老師教普通話, 仲想點。而且, 佢地有英文週同埋普通話週之分, 朝早就會用當日語言同小朋友開早會。
除左師資之外, 最重要係老師真係好好,好好! (起碼教我個仔果兩個老師都係勁正!) 佢會有咩事就打比你, 而每一次收線都會話" 你有咩事就打比我啦。", 有d咁關心學生既老師, 真係好彩。
學校有好多課外活動, 收得好平。評估週每年四次, 每一次評估完都會見家長, 而見家長既時間都係下午5點至7點。學校咁既安排, 都係想家長多d參與自己仔女既學校生活, 大家合作教好個小朋友。講真, 攪到個個老師咁鬼夜先收工, 真係幾慘, 不過又好方便家長
仲有學校久唔久又會請d專家黎攪講座, 校長自己又教家長英文, 又有家長普通話班, 都幾好架, 學下點教仔呀麻。
我遲d都會比佢地兩兄妹讀崇小, 吃力就吃力d, 不過冇計, 我40校網都冇咩基督教男女校係我鐘意既。
崇幼你考中上午班定下午班? 下午班有課後樂園半個鐘, 免費既, 一定要上。上午班就要另外比錢, 不過都有校車接送(唔洗加錢)
希望幫到你決擇啦。

silvia_ng

alowe 寫道:
Funnycat:

從學生數字來說，祟真看來比較受歡迎．

可能係崇真班數多, 上午有5班, 下午有3班k1 , 所以收埋咁多學生, 好似好疊友咁

Oscar媽

ballball411,

創價都有好多專家在校開家長講座..
崇真既操作式數學係創價校長同成子娟博士既理念黎架!!
創價係幾年前已經開始..
好多學校都仲未有..
崇真都係今年先有
仲崇真同創價學費唔係差唔多
崇真貴好多..創價只係比學費之外冇其他雜費收..

蕉媽

ballball411

其實你問咁, 真係好難答你架, 因為2間學校都一定有佢自己既好處, 而你及我所想所要亦有不同。你收集左咁多意見後, 不如嘗試將你理想學校的條件順次序排出黎, 如你首個要求是學術成積、接著校舍設施、課外活動、學費等等, 之後就比分, 1-5分, 頭個排位就將個分double, 之後就加埋所有分, 睇下邊間學校的分數高d來決定

坦白, 你問邊間學校好, 真係搵唔到答案架, 我自己小朋友讀崇真, 又讀得開心好, 我當然會話崇真好, 反過來, 我小朋友讀創價, 又係讀得好好, 咁我當然又會話創價喇。至於一些2間學校都不是的, 意見又唔客觀, 所以你應該問完小朋友讀個間學校家長的意見, 然後以自己及小朋友需要去決定。

sleepingbo

ballball411
要決定啦！

Oscar媽

ballball411

要決定啦！因為你決定左可以放棄另一方面既學位..
比到期待後補學位既媽咪...

ballball411

真係好感激咁多位比左咁多意見我, 我真係好多謝大家好詳細咁答我, 其實兩間學校都係好學校, 真係各有各好, 得到各位不厭其煩咁解答我, 我有左決定啦, thanks all

sleepingbo

ballball411
pls check pm!

funnycat

Hi silvia_ng & alowe,

多謝晒妳哋!我哋決定咗啦,'祟真'啦!