大埔英中 - 恩主教書院 vs 王肇枝中學

多士姊姊

各位

這兩間唔知點選擇. 請幫忙提供下列資料作比較:
1. 校風?
2. 老師是否關注學生?
3. 師資?
4. 紀律嚴鬆?

Tks

joenjac

幾個月前寫過,希望有用
Re: 恩主教 vs 沐恩 vs 王肇枝  
其實呢三間我都收集左幾多既資料,大家參考下

沐恩係最後考慮,唔知點解,成個大埔個個人都話呢間既戀愛風氣好盛,一講話唔選,就用好深既眼神同你講,係囉......一大堆
我係網上爬左好多人既日記,同參考番大學選科,沐恩讀社工比例較高

王肇枝自從有新校舍,好多人都想入.以前王肇枝比莫壽增仲要好,後來有人話好多人唔鍾意校舍舊,所以收唔到學生而令到學校成績跌,我認為教法都有d關係,200 個band 1同2學生,有一半唔夠14分,值得深思一下王肇枝出左咩問題,而且王肇枝既功課,同柏雨有得比,考試範圍好闊,今年會唔會改作風就唔知,但如果唔改兩極化就會一樣嚴重

恩主教新校長上場2年,同老師關係不得而知,但同學比既意見就話氣氛差左,2極化一樣嚴重,但自從加強左課外活動,好左d
校舍太舊,有種沒落既感覺,唔知點解就有種心障,成績有人話跌左可能同教學理念有關,恩主教比較在意培養學生實踐中學習,對考試操練因此少左,可能學生考公開試就唔夠人勁,一沉百踩,收唔到好既學生,惡性循環,人地就更加唔選

唔知對你有無用,我就係選唔到,今年祗用左一個志願,選左莫壽増,似乎大埔band 1頭同中已經有好大距離

familychan

恩主教成績比王肇之好,數學科比王肇之優勝,但壓力大一點,2間d學生都幾乖!

至於joenjac 說王記"收唔到學生而令到學校成績跌,我認為教法都有d關係",我都同意,佢係比較守舊.

沐恩的教學法比較靈活,師生關係幾好.

多士姊姊

Joenjac

多謝妳的詳細資料.  可否講下校風及師生關係?  

小兒band1頭, 喜歡運動, 怕黑板學習. 我現在頭痛選第二及三的意願.  第一會選莫壽増. 請提供意見.

tks

多士姊姊

Familychan

RE: 恩主教書院
可否講多d 壓力大的意思?  是否關於考試成績?兢爭?功課?

對學生支援又如何? 若作第二選擇, 機會如何?

tks

familychan

band1頭,我都建議先選莫記,第二,三其他再選,真係好睇個人喜好,你有無去D學校度聽下簡介會親自了解下?

joenjac

學校既分析,去年王肇枝好多第二志願都入唔到,所以真係睇你對王肇枝有幾鍾意

band 1 放莫壽增同柏雨第一就真係好似買六合彩
相信係d band 1 中間至尾同 band 2 頭選左王肇枝第一志願
而呢個範圍既學生有 1100人左右,王肇枝有 200個位,估計放羅定邦第一志願既極少,淨返五間英中, band 1 頭既當全部係 莫壽增同柏雨
淨返三間,由於恩主教太舊, 好多人因此選左王肇枝,即係話,祗要有五分一既 band 1 中至 band 2 頭第一志願係王肇枝,第二志願入到既機會就極低,

唔知咁睇有無錯

多士姊姊

Familychan

因王肇枝無簡介會,  恩主教的日子又miss左,所以才頭痛.

現在最希望知道邊間較受家長歡迎, 第二位我會選小人選那間, 希望機會高些.  你有何意見?

tks

多士姊姊

Joenjac

你的分析很特別, 我認同你的睇法. 但band2頭的同學在攪珠是排另外一條隊的, 對嗎?  是否主要是band1中和尾第一志願選王肇枝?

依你分析, 既然band1中和尾第一志願多數選王肇枝同,恩主教, 只有band1頭選莫壽增同柏雨, 抽中機會是否相對較高呢? 你點睇?

鵝老太

我去年替乖女選中學,研究過TP各間英中,有少少愚見 :

1.莫壽增&迦密只可二選一,用來排第二志願機會應該不大;
莫記校規較寬鬆,著重學生自律自學,功課不太多,而大部學生亦頗乖(至少我未見過有著MST校服學生在街上食煙/吊兒郎當爛仔格)......

2.迦密功課&測驗多,教學較為''填鴨仔式'',公開試成績優異;但聽說校規嚴厲,事無大少都監管,例如 :不准戴粗框眼鏡、不准在街上吃零食、不准去唱K(著便服亦不可),去參賽不可唱情歌、不准和非親屬異性單獨相處、和任何人拍拖都會被扣分、.......

3.王肇之雖然有新校舍,但我去參觀過,發現每層面積狹小,有1層用了來做地理室、1層圖書館、1 層for老師用、餘下用來做課室的不多.....校風佳,教學較為'填鴨仔式''...

4.沐恩有降級危機,可能會被轉為中中,早3、2 年報紙報導教署評審過學生英語能力所佔比例  

5.羅定邦校長曾是教署官員,所謂朝中有人好做官,因此羅記得到不少''助力'',近年來已躍升成為TP 升中生的第2、3 志願....另外LTP規定低班學生要在校內吃午飯,校風已有改善 .....   

joenjac

的確
同意"莫壽增&迦密&王肇枝只可3選一"

恩主教係自選前都開左3次簡介會,好明顯係怕收唔到學生,反而王肇枝完全唔開放.

功課方面王肇枝唔會少,呢點見人見智,事實上大學既門檻偏高,係唔係需要功課 黎操住d 學生,好在乎你.

如果你有去恩主教望過,個校舍真係好大心理障礙,人入到去都想即刻走,學生唔係咁海派作風,可能都ok.

至於校風,恩主教出名乖既,最近未婚懷孕既歌星個人相信係少數,所以我有一種唔理性既偏見,王肇枝比男生讀,恩主教比女仔讀

填表我都有d唔明,係唔係等band 1 抽晒先到 band 2 抽,還是係 band 1 第一志願抽晒,到 band 2,3
然後 又到 band 1 抽第二志願,希望007幫忙解一解

joenjac

頭先去教統局睇左
係 band 1 抽晒先到 band 2

即係 大埔有 1100個 band 1 爭 1200個 英中位

估計有一半人第一志願係莫壽增同柏雨 (自選有超過 600人去莫壽增)

淨返 600人選王肇枝,恩主教,沐恩同羅定邦
沐恩係 band 1 尾(派位前唔肯定成績係唔係 band 2 頭)既選擇,估計有 100 人放第一志願
所以係 500人爭 王肇枝同 恩主教400個位
因此,王肇枝同恩主教係第二志願中既機會係好低,估計王肇枝既人偏多,例如恩主教收到 150個,仲有 50個位
因為第一志願係莫同柏既,第二志願多數係 王同恩
但第二志願時,就有250人爭 50 個位,到第三志願,就淨返沐恩同羅定邦,不過肯定一定入到,但呢2間,會有一定比例既 band 2 生

所以以莫同柏為第一志願既,好大機會會變成沐同羅

多士姊姊

鵝老太

多謝你的分享.

唉! 真的很難選.  有些朋友又說羅定邦有降級危機, 近年多收Band2 生.  希望好運些, 派到靚的隨機號碼.

joenjac

大家對孫方中書院又點睇, 呢間好似升得好快,外籍老師都有四個

好怕派唔到莫壽增,連王肇枝同恩主教都無埋,我個女個班,全級十幾名都報王肇枝第一志願,仲有好多 band 1 既都唔要莫壽增同柏雨,睇黎如果今年務實派多過 400人,咁王肇枝同恩主教第二志願都係無機會,

如果係咁,我想將孫書放第三 or 四志願

唔知大家有咩睇法

tictactoe

大埔區英中學位多過Band 1 學生人數。

Band 1 學生只要將6間英中排在第1至6，一定入到其中一間。

一間新校是否真的升得好快，就要看其第一屆畢業生的2007會考成績。

多士姊姊

Joenjac

同意你的睇法, 莫同柏為第一志願既,好大機會會變成沐同羅. 但人人機會均等, 無理由自動棄權, 所以都係以恩主教為第二志願.  

多士姊姊

Joenjac

孫方中書院仍未知成績, 神召會康樂及圓玄二中會考整體合格率有90%, 是否可考慮呢?

familychan

鵝老太 寫道:
我去年替乖女選中學,研究過TP各間英中,有少少愚見 :

1.莫壽增&迦密只可二選一,用來排第二志願機會應該不大;
莫記校規較寬鬆,著重學生自律自學,功課不太多,而大部學生亦頗乖(至少我未見過有著MST校服學生在街上食煙/吊兒郎當爛仔格)......

2.迦密功課&測驗多,教學較為''填鴨仔式'',公開試成績優異;但聽說校規嚴厲,事無大少都監管,例如 :不准戴粗框眼鏡、不准在街上吃零食、不准去唱K(著便服亦不可),去參賽不可唱情歌、不准和非親屬異性單獨相處、和任何人拍拖都會被扣分、.......

3.王肇之雖然有新校舍,但我去參觀過,發現每層面積狹小,有1層用了來做地理室、1層圖書館、1 層for老師用、餘下用來做課室的不多.....校風佳,教學較為'填鴨仔式''...

4.沐恩有降級危機,可能會被轉為中中,早3、2 年報紙報導教署評審過學生英語能力所佔比例  

5.羅定邦校長曾是教署官員,所謂朝中有人好做官,因此羅記得到不少''助力'',近年來已躍升成為TP 升中生的第2、3 志願....另外LTP規定低班學生要在校內吃午飯,校風已有改善 .....   

3.王肇之雖然有新校舍,但我去參觀過,發現每層面積狹小,有1層用了來做地理室、1層圖書館、1 層for老師用、餘下用來做課室的不多.....校風佳,教學較為'填鴨仔式''...

係呀!王記除了那座是新的,其他課室很舊及狹小......
另外恩主教其實都好似王記咁起左一棟新的,只是因為油了其他顏色而且唔係係正校門所以唔起眼,會考成績在大埔是頭3位的,學生好乖!

4.有關沐恩有降級危機,可能會被轉為中中,是上年的一個很大的謠言,當時沐恩都要發信俾d小學澄清,因為根據教統派俾佢既學生資料顯示是100%band 1的,佢在簡介會都提起,話d謠言好離譜.而且佢會考都係比王記好的,教學靈活.

5.羅定邦校長曾是教署官員,所謂朝中有人好做官,因此羅記得到不少''助力'',近年來已躍升成為TP 升中生的第2、3 志願....另外LTP規定低班學生要在校內吃午飯,校風已有改善 .....   
d學生明顯好左,剛出左個全港第一個未參加會考已被大學取錄既學生.

以我上年的經驗將恩主教放第2,有少許人派到,亦有一部分的band 1頭(頭內近中的),因避開太多band 1頭選的莫記及密記,好穩陣咁選左恩主教(大埔3大鼎立,只有3間經教統局批核開90個位預科既中學)做第一志願,至於放王記及沐記放第3也派到.如果自己既仔女係BAND 1頭無理由唔先選BAND 1頭既中學,我孩子上年全級頭25名98%分別將莫/密/恩放第一位,結果機乎派哂去.只有少許去左選第1志願的沐恩.


我覺得band 1生選學校都要量力而為,如果是band 1尾俾你好彩攪左入莫記都會讀得好辛苦 :cry:

神召會康樂及圓玄二中表面是會考合格率差不多,但其實好大分別,因為康樂的英文科是考a卷的,即係淺果份,而且F4/5是中文授課的,也是考中文卷的,反觀圓玄二中英文科是考B卷的(除一少部分好似是考a卷),F4/5是可以用英語授課,而且可以考英文卷的.

joenjac

我都係莫第一,恩主教第二.

但沐恩同羅定邦真係唔鍾意,英中,中中好大矛盾,圓玄我去過簡介會,係非常好,而家係第三同第四志願之考慮,我聽過孫書校長推介二次,感覺係好有魄力,積極同點子多.

如果等一次既會考,已經過左交表時間,況且,呢幾年好似有唔少成績唔錯既學生報左,因為孫書有一班精英班,連教材都唔同,加上四個外籍老師,英文投放資源好大,所以我就好為難,唔知孫書好定圓玄好,因為第三志願中中一定入到

(我個女孫方中上全級前30名)