近日入黎多左,我發現我個大女都好似有以下尼d問題

eyan

我女而家5歲8個月,我覺得佢有以下尼D問題,0廿我應帶佢去健康院做個評估,定係出面做左先?而我除左覺得佢有尼D問題之外,佢既學業進度無問題,可自行做功課&識字都達到水平
亞氏保加症 (Asperger Syndrome)  
  
常見問題：

社交困難，人際關係敏感度不足、主觀及較難理解別人的立場與感受、交談時只集中講自己有興趣的話題、不理別人的反應、不懂守規矩

佢成日同d同學吾岩傾,人地小小high到佢,佢都吾高興,同學行前左小小又話人打尖

固執行為，害怕改變、較難接受新嘗試
好多時想教佢既野,未開始都已經話自己吾得,一定學吾識

特殊喜好，為求滿足自己的興趣，不理後果
佢會玩洗衣粉,玩米,但近尼個月我加左鎖係廚房門,佢再入吾到去,無再攪過其他野

溝通困難，未能有效地表達自己、容易被人誤會
佢經常係0廿,吾知係我標籤左佢,定係佢真係未能有效地表達自己,有時佢想幫我,但態度上我以為佢發悔氣

四肢動作協調困難
又好似吾係

注意力不集中
除左睇電視

思考欠靈活
佢吾會去諗野,好似3+5=8,如掉轉問佢5+3=?,佢已經話吾識!


返回頁首
  
注意力不足過動症
(Attention Deficit Hyperactivity Disorder)

  
常見問題：

專注力弱，容易分心、較難集中精神聽從指令、容易忘記及遺失物件
佢經常係0廿,試過上堂同老師講佢手指痕,但當時老師吾得閒,無即時幫佢,叫佢等一陣,好快會幫佢搽藥膏,但我女就無理老師,去自己書包到攞左D藥膏黎搽(係婆婆放係佢書包,方便佢接放學時用)

行為衝動無，未能輪候有吾內煩、常打斷別人的說話佢經常係0廿

過份活躍吾覺，不能安坐話佢兩句又坐番好、跑跳有,但吾多或說話過多佢經常係0廿

計劃及組織力弱都OK,由其駁咀

較容易出現社交或行為問題
好多時接放學,同班主任傾開都係講尼個問題

自我形象及自尊心低落  佢經常係0廿,我地懷疑佢睇得多啦A夢多,學足大雄

Charlotte_mom

BASE ON你形容, 我覺得唔似
我同事姪仔有呢個症, 佢話, 2,3歲已經開始覺得有問題, 就係去到公共場所好唔鐘意, 會尖叫訓地完全失控果隻
到而家5年班, 學業上無問題, 不過行為方面就需要包容, 例如校長早會期間, 會好唔客氣咁大大聲話佢講廢話, 老師上堂期間又話自己大壓力, 要老師道歉之類.......
套用我社工朋友一句"佢有無試過o係公眾地方失控到令你難堪丫?"

eyan

Charlotte_mom 寫道:
BASE ON你形容, 我覺得唔似
我同事姪仔有呢個症, 佢話, 2,3歲已經開始覺得有問題, 就係去到公共場所好唔鐘意, 會尖叫訓地完全失控果隻
到而家5年班, 學業上無問題, 不過行為方面就需要包容, 例如校長早會期間, 會好唔客氣咁大大聲話佢講廢話, 老師上堂期間又話自己大壓力, 要老師道歉之類.......
套用我社工朋友一句"佢有無試過o係公眾地方失控到令你難堪丫?"

0廿佢又無o係公眾地方失控到令我難堪,如果聽你0廿講,又吾多似,不過我都諗住同佢去評估下,睇下佢有無其他問題.thxs for help

yywhk

eyan:

我唔係專家,亦唔係亞氏保加症小朋友媽咪,但我都同你一樣曾經懷疑囝囝係,因為佢好唔識社交,亦冇乜朋友.

後來我認識多咗(睇書,上堂,同做義工正式接觸過d己被評估為亞氏保加症 o既小朋友)咁我就confirm囝囝同佢地係程度上好有分別,但我始於覺得d評估只係將d最嚴重o既小朋友揾出嚟做治療,咁輕微d嗰d就當冇事咋.後來我都係俾囝囝上番d訓練社交,自信o既小組,等佢多d機會同人相處.

其實而家d小朋友比起我地細個真係少咗機會同大棚人一齊玩,而且在家中又通常係萬千寵愛在一(或二)身,所以社交能力真係會差d.暑假又就到嘞,不如你考慮吓啦!

yan801022

yywhk：
我個大仔現在小一，好多時都自我中心，自己想點就點，上課又不專心，Ｄ同學投訴佢多手攪人，你講d訓練社交自信既小組係邊度有？？
我其實想同我個仔去評估，但ｄ智能測驗中心ｄ醫生求其ｓｅｅ完重話問題不大．無任何幫助比我，但學校又不時有投訴，有時我真係想哭，我叫佢冷靜再講道理佢跟本唔聽，我可以點做比ｄ意見我好嗎？

yywhk

yan801022:

唔好咁擔心,小一仲係好細,大部份都仲係紥紥跳,冇時停.
唔知學校向你投訴有幾嚴重,因為如果係好差嗰d,一般學校好似係會主動向家長提議安排教統局評估或揾社工開file跟進.所以如果學校從冇向你提出過,你唔駛咁擔心住.不過你肯早d幫吓小朋友o既,咁一定冇壞.

言歸正傳,我小朋友多數係參加灣仔小童羣益會d活動架,佢地都有評估轉介,一般三幾千左右.但你要有心理準備,即使被確定為乜都好,其實學校和教統局的額外協助/輔導/包容係極其有限的(可能係冇添),個人覺得個報告係可以心理上等父母好過d咋.

我囝囝係有小小讀寫障礙同聽覺受損,政府已出晒報告俾學校,但........除咗考試會問需唔需要調息(即加時,放大試卷等等)之外,老師平日一樣試過罸佢抄寫,舊年個班主任仲編咗佢坐前排...但最角落頭個位....   咁除非你同學校開火 ,唔係都係要忍.   

所以我會覺得不如俾小朋友參加d學習社交o既活動,同埋制服團隊 (童軍之類),慢慢都會令佢地有改善.

除小童羣益會外,明愛,ymca等都會有d類似活動,個人覺得慈善組織會比商營水準來得穩定及有經驗,最好係有埋社工之類人士負責會好d.希望幫到你啦.

tin_tin

eyan,

我就咁睇你形容就唔多似, 係個人心急d.

我見好多亞氏保加症ge小朋友社交都很差, weak eye contact, 好固執, 但有超好ge記憶力. 有些可以記晒成本地圖, 巴士路線圖/行車時間表.

"好多時想教佢既野,未開始都已經話自己吾得,一定學吾識" <- 呢個唔算固執行為. 固執行為例子:
- 去某地方要乘某交通工具/某路線, 唔可以轉, 一轉就好易發皮氣.

"玩洗衣粉,玩米" <- 佢點玩法? 係咪近期先玩? 我仔ge特殊喜好係所有有數字ge嘢. e.g. lift, 路牌, 計算機, 車速計, 時間表, 電腦ge performance monitoring window. 佢可以看一小時也不覺悶呢  

如果你唔放心, 不防你帶囡囡去健康院問吓.    

yan801022

yywhk:
好多謝你肯比意見我，佢間學校有時２－３日就投訴１次佢攪咩同學，有次重推枱發老師脾氣，老師話已經轉介左佢見學校社工，但我唔覺有咩跟進．．佢之前係早期中心做訓練言語和社交．．上小一前到測驗中心做埋評估只是話佢要係學校做言語治療（話佢理解能力差又表達得不太好）我覺得佢情緒起伏好大，如果係街度佢要買一樣野，你唔買ｏｒ搵另一樣野哄佢，佢都唔會接受，重會大叫係街一路行一路數我咩以前都買現在就唔買你都唔錫我，０６年我細仔出生，我自問對佢同之前一樣，（未有細佬時係幼稚園已經是投訴多多，佢攪人攪到校長叫佢由上午轉下午讀，重要係上小一前幾個月ｗｏｏ ）我之前比佢學空手ｘ想佢做吓ｓｐｏｒｔ　＆有ｄ紀律點之老師都怕左佢學左半年就無學，我老公係教仔方面又唔幫我，我真頭都大埋

yywhk

yan801022:

唔好客氣, 小朋友唔識控制情緒,真係好多時都會令我地家長好尷尬......我囝囝仲係讀緊幼稚園時,我老公話試過一次帶佢返學好趕時間,過馬路要過過對角街口,佢因為唔想等轉燈,instead of 好似朝朝平時咁行,先過右邊馬路,然後過左邊 ,佢想同囝囝先轉左,後轉右......就係咁小事,我囝囝就响街向老公大發脾氣,扭晒計,仲喊咗出嚟.....其實囝囝都可以望到咁行都一樣可以返到學,但咪又係唔知為乜突然失晒控    同時期,佢又試過响學校上課外電腦班,(正常程序)老師話夠鐘收拾嘞.....我囝囝唔捨得停手,老師屢勸無效,結果囝囝發脾氣,同老師展開對駡......當我到達現場,本來佢已經稍為平復,但老師同我講完之後,我問佢做乜咁唔乖,想叫佢同老師道歉,結果,佢馬上搞到十號風球,一手掃咗書架上d書落地....   

其實我講咁多陳年往事,都係想同你分享我都曾經有個壞脾氣o既囝囝,相信都好明白你o既感受.....(我仲係全職媽媽,仲有d壓力覺得囝囝唔好脾氣係我教成佢咁添 )... 但好彩佢咁多年嚟一直慢慢有進步,除咗小一初期俾班主任批評過為態度唔好之外,佢而家小三嘞,上學期班主任仲選佢做班長......所以你唔好氣餒呀,小朋友係要時間同心機慢慢栽培架.

你話你大囝要做"言語治療,(話佢理解能力差又表達得不太好)", 我會理解到佢可能"有口難言",真係人都"mung" d 啦,亦可能係佢習慣一表達唔到就發脾氣,大人又會正視,咁佢咪會情緒起伏大囉! 所以你真係唔好唔開心呀!!! 你如果抽到時間(但我知通常都好難),不妨自己都上吓parenting course, 或者都俾囝囝上吓 eq course. 仲要試吓多d同佢傾計,鼓勵佢多d慢慢表達,唔好咁容易心急同mung,你又要多d表示對佢支持 (咁梗係唔係盲目支持),相信佢响學校都可以做到一個好學生......

仲有一個小意見,如果你想俾佢學習紀律,正式制服團隊或都群體球類活動(足球/欖球等)可能會俾空手道好d,費事佢學識咗之後,响學校一時火起,打親同學仔你就煩嘞......

如果你唔嫌煩,我下次再同你傾過.