有無兩歲幾小朋友吾肯講野,但番左學就即刻有進步?

eyan

我個仔而家2歲4個月,尼個星期終於開口講個車音,但其他野都吾肯學講,即係吾會好似佢家姐0廿,你講"水水",佢又跟住講"水水",我仔原全無尼個動力去講,但果次番醫院睇尊科,就叫佢番托兒所,比佢多d接觸小朋友,但佢9月又返n1,我吾諗住比佢番托兒所,因為全部都吾就腳,你地有無試過又係0廿既case呀?

霖格格

eyan:
我當初囡囡都係咁, 2yrs返健康院講野係唔合格, 健康院亦無建議過我比囡囡早入學會有改善, 最後我同同事傾開, 佢係做心理學家的, 囡囡每日由公公婆婆照顧, 基本上佢完全唔需要開口, 想要每一樣東西, 只要指著就會有奉上, 於是我同事就建議我比囡囡讀n1班, 到現在返咗差不多四個月了, 好明顯進步不少, 由當初唔願開口, 到現在已經口水多過茶了, 亦學咗好多首兒歌, 返黎成日要我彈琴佢唱歌, 明天星期3就要返健康院(當初唔合格, 要2yrs半返去check多次), 希望今次會合格喇     
你試下比囝囝返學, 我覺得會有好大幫助架 或者可以比佢返下playgroup, 不過我囡囡都有返, 只係每星期一堂唔多夠, 所以決心讀n1

eyan

霖格格:
佢可能因為係我細仔,我照顧得比較全面,我媽都同我分析過,像你女女一樣,只要指住/ar一聲,我已經幫佢做晒,而家我都係度諗緊好吾好比佢返暫托幼稚園,因醫院姑娘叫我同佢返,但我每日只可以抽兩小時比佢返,因我大女只返上午班,中午一定要接晒兩個返屋企,因我住得同學校都比較遠,返左屋企就吾會再出街,所以諗住都係女女學校付近既托兒所.

RAA

我囡囡都係咁, 二歲返健康院講野測試係唔合格, 好彩第二次(二歲四個月大)就合格.  我都認為比佢返學有些幫助, 但囡囡宜家都重係講BB話多過大人話  , 有時都會唱下歌, 不過係BB話多過大人話.  囡囡都係婆婆揍, 其實婆婆都成日同佢講嘢.  重有囡囡超串, 要佢出聲講'糖糖'先比佢, 點知佢寧願唔要, 重要走咗去 , 但突然又自言自語係度'糖糖', 糖糖'.  總之比佢激奀.

ice-skating

放心啦，我有朋友既仔仔返學前一句話野都唔講，返左學幾個月就好多野講。

birdbird

eyan,
返學, 對小朋友的語言發展真的有幫助.
就算是每天返2-3hrs, 小朋友在短時間內在說話方面已有明顯的進步.

VILLAGE304

唔駛驚!比佢睇多d電視卡通就得啦,
小朋友如有要求, 到某個時候就會自然開聲架啦.
同早d返學無關, 2歲半后開聲還未遲.
當佢一旦開了聲, 會很快有好多野重複又重複地發問.

翠鳥

返學對學講野有好處,因為同輩會互相學習,仲有,交小朋友比有經驗的老師教,等佢可以從父母以外多一個地方吸收知識.而且見多d人對將來考學校都有好處.

我兩個女,一個未及一歲識講(兩歲半上學),一個歲半識(兩歲上學),兩個上學後都有明顯進步,後來都考到好學校.

但多看電視,因為只係單向吸收,唔係溝通唔使出聲,對學講野未必有好處.

仲有,我講大學時,教授同我講,唔好教小朋友講d"水水","飯飯","車車"呢d重疊字,佢地學左,習慣左之後,大個d就要重新學過,再學過時,不單感到困惑,而且浪費時間

小小意見給大家參考