唔合資格申請減免 , 囡囡要停學呀 !

yukping

我收到學費減免組通知話唔合資格 , 所以囡囡要讀埋4月份就停學啦 ! 因佢地話我先前6個月無嘢做 , 老公上年度7月轉工 , 我地合計去年入息已超過26萬零1千喎 , 有無呀 , 唔使養車咩 , 架貨車用來開工架 , 開支都要啦 ! 佢將你地上年所得出收入來一齊計 , 都唔知有無攪錯架 !
我薪金 $3000由06年10月始 ,  老公渣車 $18000 (自顧) 由06年7月開始 , 每月入油都4-5千啦 ! , 交租交水電呢 , 唔洗衣食住行架 ! 佢地都痴痴地 ,  佢話總知將一年12個月嘅數加埋就超囉 , 又要等到9月先再申請得 , 學券又要到08年9月先申請得 , 我話咪即係叫佢唔好讀書住 , 又迫我遲埋工 , 只可靠辛苦晒我老公囉 !

joycewg

點解你老公寫18000蚊呀, 點解唔減左d入油錢？咁真係好慘喎！

yukping

因佢話自僱要寫份報告 , 每月用向架車度的開支裡已寫明啦 !   因係架貨車 , 唔係架van用油量有得計架 , 你都用成4-5千蚊入油 ,點會找得少過萬五呀 ! 邊有得再寫少D , 我已寫少咗架啦!

bopo

yukping :
不如你試下打比學費減免組，講出你既問題，同佢地上訴下，我姐姐都係架，多數都會批架。     

yukping

我試過啦 ! 佢只係話你個數係超出咗幫你唔倒喎 ! 攪到我而家已即刻遲咗份工啦 !

joycewg

如果真係因為咁囡囡無得返學咪好可惜, 你有無諗過你返工的人工用黎交學費, 總好過囡囡無書讀呀！我都準備比仔仔返學,因為早d入學,可以叻好多架！

yukping

我份人工$3000啱啱好夠佢交學費 , 如你再要我先生去負擔埋佢學費就真係死得啦 , 而家所有家庭負擔咪落晒老公身上囉 , 你試吓個負擔落晒你身上你會點   佢咪開工變咗有壓力重要你千萬唔好有意外或整親手或腳呀 ! 幣在個囡囡太黏我啦 ! 去廁所都跟住 , 你要向佢視線範圍內就最好 ! 出親街又要成日抱喎唔肯行個只 , 想買餸都難 , 要等仔仔放學返來睇住先買得囉 !

叉燒媽咪

yukping,
你老公既report應該可以寫出扣除油費嫁~
income 寫 "營業額", 下面去除各種 支出 eg. 油費, 排費, insurance... 因為佢係自僱, 呢d算係"公司"支出~ 我老公都係甘嫁, 底下mention返"扣除支出後之平均每月收入"就ok啦  
你同佢地講上訴喇, 如果佢地唔比, 你就寫email去complain, 好快就有人follow. 佢地係懶嫁, 唔complain就唔理. 只要你係有道理, 佢地蝦唔到你  

joycewg

真係好慘喎！其實學校有無幫你想辦法架？我諗佢地會知多d掛！

Kimuimoon

好似要兩公婆都返工先可以申請喎, 唔辭得工喎