65校網家長請進

YYJC

你們的小朋友讀邊間學校, 對學校有什

YYJC

有冇65網的家長? 入黎傾

shanma

hi, YYJC你好,
我個女都是屬於這校網, 現在也開始頭痛, 但bk 好似很少媽媽在這區, 或我們可多些交流.

Nymph_

Hi,     
你地好!我都係屬於65網.
但青衣果边我就唔多清楚.
係呢區,多數媽咪都會揀仁立&仁紀.
唔知你地心目中想揀邊間?
    

婥蔚媽咪

hi all,
我都係65網ga~~仁立同仁紀就選梗ga啦,地區名校ma~~
但第一階段只可選一間,到而家我都未諗好仁立定仁紀好~~
好多傳聞~~
有人話仁紀d成績愈來愈好,就黎好過仁立,仁立一味得個谷字~~但佢地其中一間好似會同林護斷絕聯係關係~~唉~~仲知就煩~~我識人讀仁紀話好好,仁立就唔識~~
另外,第二階段,就第3會選主愛~~
另外我媽住荃灣,我唔知用唔用佢地址報好,可選聯會小學~~
仲有,我都會考私小呢,仲諗緊考邊間~~你地呢??

YYJC

Dear all
好開心呀, 我post

Nymph_

Dear all
我尋日問咗有個家長,佢個小朋友係仁立讀,佢話上年九月入讀嘅一年級開始,仁立&仁紀都已經同林護斷紀絕联係.即係話依家二年級至六年級仲有联係,一年級就冇.
另外,全完第二小學同全中都係一樣,依家二至六年級仲係联係,但一年級就冇联係.

Mrssslui

仁立同仁紀係BK都有家長討論區,你地過去look 一 look 啦!
你地講既脫離聯繫關係,應該唔係喎!

我小朋友係仁紀讀,的確唔錯.
功課多與少,同一級都會有參差,有的一日有5-7樣,有D班3樣都有.不能一概而論.
我唔覺學校好谷,最重要都係睇下是否適合你既小朋友.
仁紀講到明係一間傳統學校,佢唔係單著重成績,小朋友既其他發展都兼顧到,間唔中都會搞下活動,幾好架!

lindapok

我想問下全完第二小學，有媽咪可以比ｄ意見嗎？
另外我都想知有關荃灣浸信會聯會小學的評語？
這兩所學校都看似比較看重平時的各方面評估，不只重視考試，有人知道是否名符其實呢？而我亦想知道這兩校的氣氛。望知情人士比ｄ意見，萬分謝意！

Nymph_

lindapok
你想知全完第二小學边一方面?或者我都可以解答一下.
比較看重平時的各方面評估-----所指嘅係邊方面?
學校的氣氛----係咪指讀書氣氛?如果係的話,可以話比你聽,早上,有晨讀時間,係規定要小朋友帶圖書回校.低年級有哥哥姐姐陪佢地一齊讀.

YYJC

Mrssslui 寫道:
仁立同仁紀係BK都有家長討論區,你地過去look 一 look 啦!
你地講既脫離聯繫關係,應該唔係喎!

我小朋友係仁紀讀,的確唔錯.
功課多與少,同一級都會有參差,有的一日有5-7樣,有D班3樣都有.不能一概而論.
我唔覺學校好谷,最重要都係睇下是否適合你既小朋友.
仁紀講到明係一間傳統學校,佢唔係單著重成績,小朋友既其他發展都兼顧到,間唔中都會搞下活動,幾好架!

係[小學雜談]我見唔倒仁立同仁紀的討論區
功課量每班都不同?  
教學方法方面, 會唔會做

lindapok

Dear Nymph,
謝謝你的提供，我仍有些事情想知　－－

學校簡介這樣說：
除紙筆考評外，加入專題研習、衞生檢視、課堂討論等表現作進展性評估依據。 中、英、數分範疇作進展性評估。
進展性評估－　是只著重個別學生平時的表現作評估嗎？

學校的學習氣氛如何，老師們著重學生的品格培養嗎？知唔知老師們有冇用愛心教學？基督教氣氛濃厚嗎？
你個人對此學校有甚麼評語嗎？

萬分感謝！

Nymph_

lindapok
進展性評估--亦都係等於測驗,專題研習,衞生檢視&課堂討論等,呢Ｄ表現只係佔小部份嘅分數.
學習氣氛---都o.k.架.
品德---老所非常注重學生品格培養.
愛心---老師非常有愛心,對於比較頑皮嘅學生,老師好包容佢地,不但冇鬧,而且仲好有愛心同耐性教導佢地.
基督氣氛----o.k. 啦(因我冇宗教信仰)
呢間學校,我覺得小朋友係度讀書冇壓力,輕鬆Ｄ,老師對學生&家長都好有禮貌,感覺好親切.
    

YYJC

Nymph

我嚮仁紀網頁睇唔倒同林護斷絕聯係喎?
除

bnene

據知，仁紀是仁立以前的下午班，仁立則是以前的上午班，仁立自成立以來，都是上午班比下午班成績較好的。當然，下午班（即現在的仁紀）或許會有進步，不過看學生的派位成績及學科校際比賽，確是仁立較為好一點。

有一點大家不清楚的，是仁立去年換了校長，原因是之前的校長對學生的功課及學術成績太寬鬆，所以在校董會的壓力下請辭了。後來換上新上任的葉校長，以前是在聖紀文當校長的，而現任的仁立校董（其實大部份人都不曉得！）就是林護的前校長－－鄺太，亦即鄺主教的太太。

林護在197x至200x年，的確在鄺太的領導下，過渡了最輝煌的30年，當大家每年只看林謢有多少學生可成功考上大學的同時，其實大家忘記了那些考不上林護唸預科，但仍然卻可以考上大學的學生，其實人數也不少的，在我同屆的同學裡，也有同學在其他中學唸過預科後上了理大，還取得一級榮譽畢業呢！林護學生能釋數上大學，其實也有賴鄺太的強勢管理。她對老師有要求，對學生也有要求，所以才會讓老師及學生不斷的求進。鄺太成為仁立的校董，相信也會影響到他對仁立校長的要求。所以他們本年的派位成績，應該不會差的，據我所知已有2人考進直資名校了，是straight in那一種。

我自己兩個孩子都唸主愛的，與仁立比較，主愛的學業成績無疑是比不上仁立，但我喜歡主愛的地方，是老師的態度，及對孩子的關心。我大孩子的班主任，就在他們下學期的期中考試前，逐家逐戶的打電話給學生家長，提醒家長要替孩子要對那一部份（通常是個別孩子較弱項的部份）加緊溫習，我孩子回校問同學，每一個都說收到老師的電話。與主愛的老師相比，仁立的老師是較為現實及冷漠了。

功課問題，其實是看個別老師而定的，我大兒子每天都要默書及背書的，但老師的用意是希望督促他們每天溫書，不要堆在考試時才溫習，她自己寧可犧牲小息時自己休息的時間，也會為個別學生做各式各樣的練習的。我孩子每天都有八至九項功課，但其實只要孩子能坐下來認真做，他們是有能力及時間完成的。我兩個孩子每天都會在七時前做好所有功課的（因為自他們上小一以後，我是很嚴厲地要求他們必須在我下班以前做好功課！）個人認為是家長怎樣培養學生有責任感的問題，而非學校功課數量的問題。

lindapok

Dear Nymph,
謝謝你的提供，我其實覺得一間比小朋友開心，冇壓力，亦看重內在品格的學校是很難得。相信這學校應該不錯。
謝謝你寶貴的意見！
祝福你與你一家彼此相愛，幸福快樂！

婥蔚媽咪

我前2日用小小時間睇左仁立同仁紀的website~~仁立成績好大家都知,但原來佢課外活動也不錯的,choir,各種舞都有獲獎~~活動都幾多元化~~05年有60人入左林護~~其他本區英中有16人~~
仁紀個web就唔太多野睇~~05年有48人入左林護~~17人入左本區英中~~
本區有6間英中~~林護,安柱,善德,李兆基,蕭明,保祿六世~~

but有樣野幾奇,我女間kinder,大部分家長都要仁紀唔要仁立~~佢地話仁紀環境好,又冇咁大壓力~~因仁立出名多功課的~~
所以我最後既結論係都係要睇小朋友既情況而定~~(雖然我知都好難知道,好似我咁,我都唔太清楚我女適合邊間囉,佢又唔係特別叻,只係有d小聰明,平時做功課一時時好咁)唉~~真係好煩~~仲有一樣係唔知既,就係佢既程度去到邊真係唔知囉~~所以我都會去某幾間私小博下囉,佢程度唔好都唔收啦,咁就唔會選錯啦~~
你地點睇呀~~

YYJC

婥蔚媽咪 寫道:
所以我最後既結論係都係要睇小朋友既情況而定~~(雖然我知都好難知道,好似我咁,我都唔太清楚我女適合邊間囉,佢又唔係特別叻,只係有d小聰明,平時做功課一時時好咁)唉~~真係好煩~~仲有一樣係唔知既,就係佢既程度去到邊真係唔知囉~~所以我都會去某幾間私小博下囉,佢程度唔好都唔收啦,咁就唔會選錯啦~~
你地點睇呀~~

呢樣我同你都幾相似, 我驚教做功課搞到開火, 都唔敢揀壓力大

Nymph_

YYJC
因為仁立同仁紀都係呢區出咗名嘅名校,多數派去林護.而且家長心態係好嘅學校係越難入越好,第二時嘅出路會好好.
我個女雖然都係呢區,但想知其他學校嘅資料時,就睇唔到有講其他學校,成日都見到仁立同仁紀呢兩間學校.
其實呢边係知道仁立,仁紀,全小,主恩呢幾間比較多人揀之外,其他嘅麻麻(自己覺得咋),青衣果边就唔多清楚.

婥蔚媽咪

65網有13間小學~~
其中只有5間我覺得係好~~仁立, 仁紀,主恩就唔駛我講啦~~另外就仲有全完第二,同埋祖堯聽人講校風不俗咁啦~~許大同都有聽過下咁啦~~
其他就........唔知,冇聽過話好,BUT要留意有一間,高可寧,有人話好差~~

唔知仲有冇人報下料呢~~THX!!