現在的學生 ( 包括家長 ) 都很自私

chuiiris

小兒學校測驗, 問同學會買什麼校外練習做, 有些會答: 沒有 (實質有, 只是吾講比你知), 有些答: 有, 但不會告訢你知, 因保障自已知的比別人多.

平時有些同學仔會打電話問小兒功課, 有一次小兒因請病假沒有上學, 致電同學問學校教了什麼, 居然問了幾個同學, 都吾想講.

如果在電話裹傾閒計, 事非等, 隨時傾 半小時以上, 但一傾到關於功課上的問題, 立刻吾得閒.

更試過一次, 有位家長大大聲在電話旁邊說, 以後吾準教同學功課.

現在的小學生同家長都很自私 + 厲害.  這是什麼社會風氣

navigator

是呀！真太不像話了！"too simple and naive". 看來前江總對一些香港人的看法是對的。慚愧！

mouserabbit

我都遇過呢D自私既家長，唉           

KITTY.WONG

我都覺得是，我也試過類似經歷，到高班更甚，尤其選中學時，以為會可以大家商量，其實只有你將收到資料說出來，他們是守口如瓶。

chuiiris

小小年紀己學會教識徒弟無師父的道理, 將來的社會, 香港人只有更自私自利.

小兒每朝早搭校巴, 見到一個很怪的現象, 有很多家長或非傭就負責拿書包, 小朋友什麼也不用理, 學生上車後, 家長或非傭就理所當然, 將書包交給跟車保母, 吾該都吾識講.
當保母派錯或派得遲個書包時, 個學生居然話保母做得吾好, 話交車費就奉旨得到服務, 這是什麼家教

有時見到中學生一樣要非傭拿書包

請各位家長做個好榜樣, 對人有禮貌些, 尊重別人多些, 你們的孩子也會得益.

有感而發.

882

點止自私,仲賴貓同屈人TIM.下面就係我個囡既真人真事,話說有一日唔記得咩事,佢隔離個同學上堂時比老師話,咁佢唔憤氣,話係我個囡攪佢,佢先至曳曳.我個囡當時好驚,仲喊左出黎,因佢平時係好怕事,一定唔咁曳,老師都係咁講,好彩老師都知唔係我個囡曳.亞囡返到屋企都有少少唔開心,仲話隔離同學好衰,自己曳就賴人地整曳佢.
我話如果再有下次,我就請老師安排個囡唔同佢坐.

norakyng

應該只有一部份家長及學生有此行為，身教真的很重要！

Marco-ma

我就好好彩，我識得好多好媽咪！

佢地攞到上年學校嘅past paper，
一定影印埋比我！

我要返工，但係佢地係學校假期有街去，
都會預埋我個女，管接管送架！

係學校仲會照顧埋我d仔女，
有次我個仔唔記得攞視藝功課哭，
有個媽咪即刻開車到我樓下，叫工人姐姐
攞比佢，再趕返學校交比阿仔，真係好好人架！

我諗其實都仲有好多唔但只唔自私，
仲好有愛心嘅家長      

cell

好有同感。話說我想幫亞女揾補習, 問佢個同學係邊到補習,
佢亞媽即時掉頭走人, 第二日我個女再問佢同學, 佢同學竟然話吾知自己係那裏補習喎!五年級都吾知吾係下話, 啲同學家長都令人好心寒呀!問另外一個佢補私人既, 問佢可否介紹, 佢話佢補習老師吾補其他學生喎! 自問我個女有好多同學打黎問功課, 都有問必答仲好詳細添, 我女係那裏學英文都介紹左好多家長去呀!點解換黎係咁既對待    

rr

總有好人及衰人, 但我常遇到d衰人.....   

mouserabbit

你真係好好彩，能認識到咁好既家長。

講開past paper, 令我諗起一個家長。每逢測驗後，都會問我同埋其他家長有無past paper, 佢話佢有，下次copy比我地，但次次測驗後，佢先係咁講。
講真，我吾係貪佢D past paper,

cameo

又唔可以話"現在的學生"都自私o既....我自己個女學校及我認識身邊o既家長都暫時無呢個情況,,,,
學生請病假,學校亦主動先預備好手冊功課頁影印紙,等隔離位同學可以代為抄寫功課,然後校車送功課,而我亦留意到不論係個女問功課or同學仔問功課,佢地都識得以引導方式去教,而唔係直接講答案!
不過有時幫還幫,我自己都會有限度咁幫,例如工作紙我會留俾相識的低一年級學生用作溫習,但test paper就唔會,因為我自己覺得學校有機會以差唔多形式去出卷,如果留左俾某一兩個同學去溫習呢d test paper,反而對其他同學唔公平!
我覺得學生品德真係好靠家長及學校!若家長自私,都好難教得小朋友唔自私,,,,自食其果呢!

gracechung

早兩日同個舊同學茶聚，佢就係講呢d野。佢個仔讀緊HK數一數二的名男校，d亞媽就係咁，而且仲亞媽之間勾心鬥角。
我仲同我個fd講，我自己一世人從冇為左自己升職/前途去同人勾心鬥角，咁將來萬一個仔讀左呢d學校點算？
我個fd話，唔洗擔心，到時為左自己個仔，就一定做得到，仲要係我去主動勾人鬥人先wor

chuiiris 寫道:
小兒學校測驗, 問同學會買什麼校外練習做, 有些會答: 沒有 (實質有, 只是吾講比你知), 有些答: 有, 但不會告訢你知, 因保障自已知的比別人多.

平時有些同學仔會打電話問小兒功課, 有一次小兒因請病假沒有上學, 致電同學問學校教了什麼, 居然問了幾個同學, 都吾想講.

如果在電話裹傾閒計, 事非等, 隨時傾 半小時以上, 但一傾到關於功課上的問題, 立刻吾得閒.

更試過一次, 有位家長大大聲在電話旁邊說, 以後吾準教同學功課.

現在的小學生同家長都很自私 + 厲害.  這是什麼社會風氣

cell寫道:
好有同感。話說我想幫亞女揾補習, 問佢個同學係邊到補習,
佢亞媽即時掉頭走人, 第二日我個女再問佢同學, 佢同學竟然話吾知自己係那裏補習喎!五年級都吾知吾係下話, 啲同學家長都令人好心寒呀!問另外一個佢補私人既, 問佢可否介紹, 佢話佢補習老師吾補其他學生喎! 自問我個女有好多同學打黎問功課, 都有問必答仲好詳細添, 我女係那裏學英文都介紹左好多家長去呀!點解換黎係咁既對待  

[quote]

gracechung

咁呢個世界，總有文明人ge，你遇到呢d同學仔及家長，真係值得恭喜

Marco-ma 寫道:
我就好好彩，我識得好多好媽咪！

佢地攞到上年學校嘅past paper，
一定影印埋比我！

我要返工，但係佢地係學校假期有街去，
都會預埋我個女，管接管送架！

係學校仲會照顧埋我d仔女，
有次我個仔唔記得攞視藝功課哭，
有個媽咪即刻開車到我樓下，叫工人姐姐
攞比佢，再趕返學校交比阿仔，真係好好人架！

我諗其實都仲有好多唔但只唔自私，
仲好有愛心嘅家長      

sudoku

非常同意現在的學生同家長都很自私 + 厲害. 這是什麼社會風氣 !!就算身邊同性親戚都非常自私!!
有家人在外國升學，HK學生在外國人的憾事是非常自私!!

      

Marco-ma

gracechung 寫道:
咁呢個世界，總有文明人ge，你遇到呢d同學仔及家長，真係值得恭喜 [quote]

[/quote]


我認識呢班家長我都覺得好幸運！

大家講嘅家長同小朋友我都有遇過，
不過我信香港仲有好多好人！

我地係阿媽，小朋友大咗都會似我地，
真係未遇到嘅就由自己開始做先啦，
一齊努力，大家都會想自己老咗嘅時候，
香港仲有班可靠同唔自私嘅"社會棟樑"架

baekdoosan

我都有同感. 但無可否認, 同學們之間存在利益沖突. 香港社會競爭激烈, 無時無刻必須和對手競爭, 適者生存. 學生們在小學階段已開始互相競爭, 比較分數和名次.

同學是自己的競爭對手, 他們懂得的知識, 不一定會告訢你. 在不清楚對方的態度前提下, 將自己的知識跟競爭對手分享, 是聰明還是愚蠢實在很難說... 萬一自己考試失手不能升讀原校, 到時又有誰可憐呢?

gracechung

講真，我唔係扮清高，而係我真係覺得呢d咁自私的人好膚淺。呢種人，唔好講e+，就算想當年自己讀書時都遇過呢種同學啦。

當時我諗，你當我係假想敵，即係睇得起我，但問題係，你的對手唔會只係我，打敗我一個有咩用？你的敵人係全港一齊爭入大學的人，既然大家係同學，唔明點解唔一齊研讀，令自己實力倍增？

或者呢種就係中國人根深蒂固各家自掃門前雪的心態，眼前呢刻，可能係佔優，但人生尤如長途賽，如果唔學識與別人同劃一個利益圈，爭取所謂雙贏局面，個人所得的利益只係好細好偏面，如何有籌碼爭取更大的成就？

順便借個位講返我果個自私的中學同學，當年全港只有兩間大學，最後，該年我地中學有7個同學入左大學，慶幸係我係其中一個，但抱歉係佢冇份囉！唔單止該年冇份，打後幾年重考都冇份。

cell

gracechung 寫道:
講真，我唔係扮清高，而係我真係覺得呢d咁自私的人好膚淺。呢種人，唔好講e+，就算想當年自己讀書時都遇過呢種同學啦。

當時我諗，你當我係假想敵，即係睇得起我，但問題係，你的對手唔會只係我，打敗我一個有咩用？你的敵人係全港一齊爭入大學的人，既然大家係同學，唔明點解唔一齊研讀，令自己實力倍增？

或者呢種就係中國人根深蒂固各家自掃門前雪的心態，眼前呢刻，可能係佔優，但人生尤如長途賽，如果唔學識與別人同劃一個利益圈，爭取所謂雙贏局面，個人所得的利益只係好細好偏面，如何有籌碼爭取更大的成就？

順便借個位講返我果個自私的中學同學，當年全港只有兩間大學，最後，該年我地中學有7個同學入左大學，慶幸係我係其中一個，但抱歉係佢冇份囉！唔單止該年冇份，打後幾年重考都冇份。

       這裏有吾同既人講出自己的觀點想法, 好好呀, 大家都有得著呢!

我同我個女都覺可以教人、幫人都係一件好快樂的事黎既,吾會因為啲自私既人而改變。

自私自利既人心裏滿載妒忌和痛苦的,係吾快樂的。

教人功課梗係吾可以講答案啦, 打親黎問都係問下啲格式咁!