bb做完體能智力評估---請幫忙

carykwok

各位有發展遲緩bb既媽咪你地好,

我bb宜家2歲,上2星期做完體能智力評做,話佢可以唔駛讀特殊幼兒中心(1歲幾時話要讀,仲排緊),可以揀讀兼收位,但兼收位就變左要去醫院做物理治療,宜家我bb返左大半年早期訓練中心,進步左好多,所以醫生又提議我可以返普通學校+eetc,因為若果真係返特殊幼兒中心,我bb會係最叻,變左驚其他小朋友影響到佢,會拉低左(對唔住,我唔係有心得罪返特殊學校既小朋友)我本人絕對唔介意我bb返特殊幼兒中心,一向我都係度等入學,因為bb可以有好全面既訓練同照顧,但醫生咁講,我又15/16,醫生叫我宜家搵學前班比我個女讀先,試下佢可唔可以應付到返普通學校,先再決定返唔返特殊幼兒中心(因為今年6-7月應該要選擇返乜學校),我好亂,有無媽咪可以幫到我,有無小朋友係咁既case?我應該揀邊條路好呢?好急好亂!   

whitehorse

照醫生提議返普通學校+eetc囉. 妳

carykwok

因為驚自己bb應付唔黎,醫生做評估時,都只係睇我囡囡行得好唔好,但例如bb自己食野同咬野,都無check到,其實我囡囡係做唔到既,驚返普通學校,老師會照顧唔到佢

小艾比

carykwok,
你係working 媽咪定係全職媽咪呢? 如果係working 媽咪就比小朋友去讀S位啦, BUT 如果係全職媽咪 可以試下E位 + NORMAL 幼稚園, 不過記緊一定要幫小朋友做多D 家居訓練.

whitehorse

bb 兩歲, 我諗妳都係比佢返幼兒園啦. 自理方面幼兒園做得比幼稚園好.

carykwok

小艾比 寫道:
carykwok,
你係working 媽咪定係全職媽咪呢? 如果係working 媽咪就比小朋友去讀S位啦, BUT 如果係全職媽咪 可以試下E位 + NORMAL 幼稚園, 不過記緊一定要幫小朋友做多D 家居訓練.

我都明白s位好,但醫生一句'若果你bb返特殊,佢會最叻果個,驚其他小朋友會拉低左佢'(sorry,希望你明白我意思),所以我先15/16,其實s位既小朋友係點樣既呢?
我係working媽咪,我bb返左大半年eetc,進步得好快,好多時都係工人同佢訓練(因為我工作好忙,要ot好夜先收工),不過我一得閒就會同佢訓練,同埋逢星期六都會同佢返eetc上個人訓練堂,bb返s位,我無問題,但只係怕醫生講既野係啱咋,請你再比意見我丫   

wilfredchan

你bb有咩問題, 點解開頭要排S位?

carykwok

wilfredchan 寫道:
你bb有咩問題, 點解開頭要排S位?

我bb一出世時,頭圍細正常5cm,宜家都係好細,得42cm,腦筍一出世就生埋左,後來驗出左腦細過右腦少少,所以影響到發展遲緩,1歲幾先識企,跟住22個月先識行,仲未識講野,只講到'爺爺',姐姐,車車,街街,奶奶,但唔係成日肯講,未叫過爸爸媽媽,唔係好控制到雙手,唔係太識咬野食.1歲幾時醫生叫我排定,直至到宜家

小艾比

carykwok,
睇黎你小朋友需要其他training (物理治療 + 職業治療)多過認知或ST TRAINING喇.

以上我所講兩點我大膽咁講S位真係可以比到適當訓練.  一般呢兩樣野出面未必比到多訓練你 或 甚至你自己點努力都未必幫到小朋友.  而學術或言語訓練方便呢, 私人及家居訓練如足夠係會好快追上.

carykwok

小艾比,
係呀,你講得啱,我bb係需要物理治療 + 職業治療多d,咁若果返eetc+主流,你意見如何呢?

hinhinmummy

carykwok

我諗你依家內心, 比醫生一句說話佢可以讀主流+eetc 而左右你的決定, 呢樹無人接觸過你個囡, 無人會比你自己更加清楚你個女的弱點, 所以無人可以幫你定注意讀乜野位

但如果是我的話, 既然已經排左, 可能今年就會有位, 我點都會比佢讀左一年, 看下個情況點樣先算, 要出就易, 要入就分分鐘再等多一年

吾好看少身體吾協調呢樣野, 可以影響小朋友好多野

吾咬野, 係咀仔的張力吾夠, 要做口肌啦

hinhinmummy

你其實有無去參觀過s位, 去了解下, 入邊的環境同學生?

從你講果句, 你個囡入左s位, 會係最叻果個, 其他小朋友會拉低佢, 我就覺得你未去了解過乜野係s位

s位, 除左一般自閉症/唐氏綜合症/身體有缺陷的小朋友去讀之外, 還會有late develoment 的小朋友去讀, 我可以大膽講句, 你小朋友入到去, 可能智能同認知會係最叻果個, 但憑你所講, 大小肌同講野, 未必會係最叻果個(全校計), 入邊好多小朋友, 無人講, 外人吾會知道佢係讀緊s位

就我個仔果班, 就有好多個呢d小朋友, 同普通小朋友無乜分別, 外人緊本看吾出原來佢地讀緊s位

不過, 點都好, 你先係你囡囡的媽媽, 你自己決定點做, 無人會比到一個你想聽, 又對你個囡好的答案

小艾比

carykwok,
在我心中無話小朋友在那位置係最叻 或在那位置係最弱 (即最 o炸) 何必拿自己小朋友去比較呢, 因為每一個角度睇都會有唔同答案.  只知道阿女跟同齡目標仍未達到的話, 就要安排比最好最完善的支援/訓練佢.  我心頭大, 因為之前阿女的確同你小朋友一樣, 在某某過度期中已經進步左, 但我要的唔係呢樣, 我要係佢再有更多的進步或已達目標.

以上係我自己的觀點, 至於點幫你囡選擇正確的路, 我估作為母親的你會更清楚如何去決定

carykwok 寫道:
小艾比,
係呀,你講得啱,我bb係需要物理治療 + 職業治療多d,咁若果返eetc+主流,你意見如何呢?

carykwok

hinhinmummy,

我就係唔了解,所以上黎問下有經既媽咪,相信每個人第一次都總有無助既時候,咁你又唔駛以自己豐富既經驗而去反問人地囉,你知唔知可能你講者無意,聽者有心呢?

當然我係bb媽咪,我更係會自己去決定啦,我只係想問下大家意見,過往經驗,若你覺得我冒犯左你,咁唔好意思,但我本人都好想比bb返s位,只係老公唔想,我想比多d佢知,說服佢

anyway,多謝你意見

carykwok

[quote]
小艾比 寫道:
carykwok,
在我心中無話小朋友在那位置係最叻 或在那位置係最弱 (即最 o炸) 何必拿自己小朋友去比較呢, 因為每一個角度睇都會有唔同答案.  只知道阿女跟同齡目標仍未達到的話, 就要安排比最好最完善的支援/訓練佢.  我心頭大, 因為之前阿女的確同你小朋友一樣, 在某某過度期中已經進步左, 但我要的唔係呢樣, 我要係佢再有更多的進步或已達目標.

以上係我自己的觀點, 至於點幫你囡選擇正確的路, 我估作為母親的你會更清楚如何去決定

[quote]
多謝小艾比

hinhinmummy

carykwok

我諗, 呢d 經驗, 係無一個媽咪想要既, 如果真係吾了解s位既話, 點解吾自己親身去看下呢? 我諗, 無野比得上, 自己雙眼見到既事實黎得更真實

講者無意, 聽者有心----------------大家甘話啦

hinhinmummy

呀...........吾記得講tim, 見你頭幾個post, 都吾想出聲, 因為已經學你講果句, 講者無心, 聽者有意...............

但後尾見到你講返你個囡的情況, 先忍吾住好心提一提你, 但既然忠言抑耳的話, 我say sorry & 你自己決定條路點行啦

carykwok

我諗你真係誤會左我既意思,我無話過唔聽你意見,你太敏感喇,我完全無話批評過你既忠言,唔覺得會逆耳,你亦提醒左我去s位度睇下,that's why 我上黎問大家媽媽意見,好似whitehorse咁,都話既然醫生都叫我讀eetc + 主流,我仲要諗乜?因為我係驚我小朋友會應付唔到,所以問下返緊S位小朋友既情況會係點,若果頭幾個POST令你有乜唔舒服,真係唔好意思喇,或者你可以選擇唔好再睇,大家小朋友都係要問題,唔通我特登只係話你咩,你會唔會情緒有問題呢?因為我見呢度唔少媽咪都比你鬧過,要唔要睇心理醫生或問下社工呢? 你唔駛事事都咁敏感架mmm...我好大機會會比個女返s位,你放心,最後多謝你提醒我

hinhinmummy

我諗你先係誤會左, 你如果有留意到我既post 既話, 我只係會對d 對s位有誤解, 而又多多藉口話自己小朋友無事既人先會用d 比較串的說話去答佢地

多謝你關心, 我心理同生理都好好, 而你叫問駛吾駛看心理醫生或者去搵社工呢d 說話呢, 我就覺得好過份啦, 係人身攻擊

或者我應該收埋我的經驗, 吾會再同好似你呢d 甘既媽咪去分享, 對於用心理有問題去回應分享經驗比你既人, 希望你下次再問野既時侯, 會有人再答你啦

對一個接受吾到意見的人, 我真係再無興趣同佢再糾纏落去

你最後決定比你個女讀i位又好, eetc or s位都好, 都吾關我事

小艾比

carykwok,
容許我叫你一聲後輩嗎?  我講講我經驗比你知吧.

我小朋友係由我要求評估人員中途幫佢轉位的 (原先佢係讀兼修位), 自己真係發現小朋友仍慢的時候, 就唔可以再浪費時間.  記得我同你講你跟我一樣嗎?  當時臨派位之前阿女真係進步好多, 但有一樣你唔似我就係我問是問專業人士或與我女相處過的人意見, 並不是問跟本與女兒不熟悉的人, 她/他們真的只見女兒幾分鐘時間或我只講幾句女兒問題能提意到我的決定嗎?  就算連醫生所睇的都是好表面上的野.  我問的就是兼修位的3T (言語治療, 物理治療及職業治療師, 心理學家) 及每天照顧囡囡的兼修老師.  當時他/她們在學期尾做評估後都認為囡囡不需要轉去S位讀, 同一番說話就是他/她們都說你囡囡去到S位會係最叻果個.  但我再問囡囡的私人言語治療師, 她對我講: 囡囡係算擇界可入可不入的, 但當我再講番3T及心理學家的說話 “你囡囡去到S位會係最叻果個”, 她聽到後就全全完完不同意了, 她說S位有好多小朋友比囡囡更叻 (因她正正就是在S位當言語治療師比起出面任何人更了解S位的小朋友).  當我一聽到呢番說話後, 我就知道我點安排女兒去行她的路.   (原來囡囡企響呢個位置係可以叫做ok , 但係原來阿女企第二度又唔係wor)

上學期完後見老師聽番目標時, 很開心老師提意囡囡出年出返去普通幼稚園讀, 我對佢講仍想女兒留低, 但老師就回應我: 既然有能力出去就要出返去嫁喇.  當日我搭車回公司時滿臉都是淚水, 我終於感受什麼是喜極而泣, 我真的要多謝囡囡的私人言語治療師給我的坦白及意見.

在S位每個小朋友的目標是不同的, 一定唔會有這些"什麼拖慢你小朋友"的事情發生.  就我囡囡, 她已經開始剪圓形而且寫字亦開始寫S字TIM (因我知一般K1幼稚園未去到寫S字).  老師見小朋友能力得, 一定會幫小朋友推上去的.

每個人說話的TONE都唔同, 真係有D人大聲講野但並不是無禮貌的, 希望你明白.