父母「三不陪」

homingm

時事通識教材﹕父母「三不陪」
(明報) 03月 19日 星期一 05:05AM
【明報專訊】家庭基建發展總監羅乃萱和資深傳媒人陶傑指出，父母應該「三不陪」——不陪子女溫習默書、考試、測驗，讓子女知道這些是他們的責任，父母只擔當輔助角色。他們又反對由菲傭代子女書背包，認為父母不應剝奪子女履行責任的機會，亦不應在子女面前責罵菲傭，令子女有階級觀念。

討論題目

1.你是否贊成羅乃萱和陶傑的說法？

2.你認為縱容和呵護有什麼分別？

hinhinmummy

我讚成 & 由個女一年級開始已經做緊啦, 吾陪佢溫習, 家課冊吾幫佢check

但試問, 係hk, 人人驚蝕底的情況下, 有幾多個真係可以放心完全放手?

routingswitch

I believe there is NO the best way or the only way for teaching kids.


Different kids have different needs.


But I agree them in principal too

BB2WONG

我agree 唔可以在阿仔面前鬧工人（我以前都係）我要求阿仔對工人客客氣氣，要時時講tks，我自己都係，有時漏左叫工人做d野，都會say sorry

好多時如bathing 、收拾toys或床舖、幫手開飯，我都係要求阿仔要做，工人會在旁看或幫小小，由阿仔k2已經係咁樣！後來我唔用工人，阿仔答應我一樣會自己做番晒之餘，仲會幫我手做家務（sat & sun）

講到背書包，我就一直都有幫佢背，老實說：個書包實在好重好重，我自己背左都唔係好行到郁，何況係佢（我阿仔p.4只有51lb，本身好矮小）

功課就每晚都會由佢自己靜靜完成，我final幫佢check做晒未？如果有錯我都會叫佢改番（費事第二日多樣功課---改正，因為好似中文科---老師好多時作業錯少少，就要學生全題抄5次，我怕會加重功課量，因為平時要唔多時間）

而收拾書包就由佢自己負責，我唔會睇，有時真係漏左帶書，要罰抄，都無辦法！

phoebepanpan

由菲傭代子女書背包，如果年幼子女都ok.
但我見過一個年約45歲既中年爸爸, 幫個讀中學既兒子背書包,  在MTR 仲要霸位比個仔,  阿仔兩手擺擺咁坐低, 爸爸企在旁邊
我就覺得咁既做法係勁 縱容和呵護 !

BB2WONG

phoebepanpan ,

我之前見過一對夫婦，都差不多，天天見過佢地帶阿仔在樓下大堂等校車，夏天佢地會daddy站在路邊等校車，mummy在大堂背住書包，幫阿仔put 扇抹汗，佢阿仔應該有p.5，車到時先見阿媽出來放在書包上車，阿仔才斯斯然上車，我見個校車阿嬸都好似有點不滿意佢地上車太慢！冬天佢地會仍然daddy站在路邊等校車，阿媽會幫阿仔包住塊大披肩，到有車daddy會走入去拿書包上車，阿媽包住阿仔上左車先拿開條披肩！都好誇下！

仲有一次見佢地一家人乘巴士（可能趕唔到校車）個daddy一上車就飛入車廂霸個位比阿仔，阿仔慢慢行中間，阿媽就最後上車負責背書包同do3張八達通卡！點知阿仔如何，隻手輕撞左一下，到佢地都有位坐（daddy及阿仔一起坐）阿媽另外在車尾坐）個daddy好大聲同mummy講，你見到阿隻撞到隻手，都問下佢有無事？但係我見個仔坐低時已經好無野，仲拿住個包食緊！

我見到當唐吐舌，好似好誇張咁樣，我就一定唔會咁樣對個仔！我時時都話：撞下唔洗死！

Sodaman

我覺得縱容和呵護只是一線之差, 照顧多左, 又怕無形中縱左佢, 要點到即止及取得平衡, 真的不易.

瑄婷

我差不多每朝早都見到有個爸爸拿著女兒的有耳瓷水杯,在家樓下給她一路飲水一路等校車,個女大約八至十歲,正常的小女朋友.
但點解要用水杯在街飲水??????????
我個人覺得這個爸爸太呵護了,小朋友如何能成長呢?

BB2WONG

由 Sodaman 於 2007-03-22 14:28:03

我覺得縱容和呵護只是一線之差, 照顧多左, 又怕無形中縱左佢, 要點到即止及取得平衡, 真的不易
-------------你就講得無錯，而且都要看父母自己本身既童年是如何？

呢樣野我同老公就有d分歧，我自己細時阿媽照顧週到，我到左12歲都仲係阿媽幫我背書包送番學，都仲幫我bathing！而我老公阿媽要番工，佢話佢6-7歲已經自己放學，番到屋企仲要自己煮lunch、做功課、照顧細佬、洗地洗衫，洗定米等阿媽番黎才煮餸！
所以佢時時都話我太過照顧，好似我d仔（大的9.5yr細的5yr）上football堂，上間break時我會拿水比佢地飲、拿毛巾幫佢抹汗（因為怕佢地著涼及佢地唔叫唔中意飲水），老公就會鬧我！另我老公又要2個仔自己落街買早晨（約10min行程、過一條有紅綠燈既小馬路）但係我就好擔心，一直在窗望住佢地2個，好似阿笨與阿占咁樣去shopping！但係而家我都學緊放手，我怕阿大仔到左中一仲要我帶番學咪瘀死！

健朗媽咪

大家有無發覺呢個年代, 多咗好多隱蔽青年, 其實咪就係父母種慣晒, 樣樣野都為d小朋友準好晒, 下下就住,錫住, 攪到佢地唯我獨尊咁, 到長大咗先發覺原來除咗屋企之外,所有人都唔會好似父母咁對自己, 出到去做錯野會比人閙, 接受唔到所以咪成日呢喺屋企, 橫掂唔做野都會有人養, 得閒上下網,打下機,瞓下覺咪仲好, 好過出去受氣

我99就係咁對佢d仔女,簡直貼身照顧,我老公同我結婚時,所有家務都唔識做, 不過我99好好彩, 咁多個仔女都無乜野, 除咗我大伯, 我大伯成30幾40歲, 唔做野, 成日喺屋企, 成日都瞓, 我99成日都想佢出去做野, 可以佢自己照顧自己(因為佢覺得自己都唔照顧得佢幾耐), 次次搵埋工比佢, 做唔夠兩日就唔做, 一係就話辛苦, 一係就好受氣,咁大個人仲要我99養

我99仲驚佢無錢,不時比錢佢, 仲會幫佢收集埋d廢紙等佢拎去買, 有時仲要叫我拎埋我屋企d報紙比佢, 試過一次我99到我家, 睇到我有一大叠報紙集誌, 佢叫我比架車仔佢, 等佢拉返屋企(但佢死都唔搭車要自己行路返去), 於是比我閙佢, 有乜理自佢唔做野, 仲要倆老執埋報紙比佢去買,要就叫佢自己過嚟拎
佢地倆老去街又唔敢去得遠驚佢無飯食,有時佢去我屋企,我留佢喺度食飯, 佢都唔敢,簡直離譜, 但係我99又會有好多籍口幫佢講說話, 所以佢就繼續做大懶蟲,做隱蔽中年, 仲要嚴佢父母對佢唔夠好

所以對d小朋友真係唔好照顧得太周到,喺佢能力範圍內的野要佢地自己做返, 唔好成日幫佢地做, 如果唔係又會培養出一個隱蔽青年

hinhinmummy

講起過份呵護

每朝我同個女等校車時, 有一個小男孩今年小一, 每朝由麻麻+工人姐姐陪等校車

呢個小男孩就好似皇帝出巡, 每次出街, 都要有兩位成人陪同之下先可以出街, 吾係麻麻, 就係大伯, 吾係大伯就係姑媽, 總之就吾可以單獨比姐姐帶出街

好少去公園, 因為去完, 第二日一定會發燒

吾食得薯條, 因為食左第二日會病

學校有outing/旅行, 一定吾參加, 原因係因為驚佢吾識去廁所(my god)

每朝上枚車時, 個書包係就係由姐姐手上去到小朋友身上, 但個工人就一直'丁'住個書包跟尾, 直至佢上校車, 還要一個陪佢上埋樓梯先走...............阻住後邊上車的小朋友, 有次我頂佢吾順, 叫佢竟然你要甘既話, 吾該你排最後, 吾好阻住後邊

有一次, 有個阿伯(另一個同學的爺爺), 吾小心撞到個小朋友定點, 個麻好大聲甘鬧個阿伯話, 你小心d呀, 你整親我個孫, 係賠吾賠得起呀.................

個小朋友, 會鬧麻麻, 打姐姐, 但打姐姐呢, 個姐姐吾可以出聲鬧/反抗, 因為麻麻會鬧姐姐, 係整親我個孫, 係賠吾賠得起呀..............

父母...........好似都吾係hk.............我諗佢地返黎接返個仔時侯, 會接返一個破璃球

BB2WONG

健朗媽咪,

所以對d小朋友真係唔好照顧得太周到,喺佢能力範圍內的野要佢地自己做返, 唔好成日幫佢地做, 如果唔係又會培養出一個隱蔽青年

--------------你講得都無錯！不過好好笑既係：以前我比阿媽照顧週到，（就算而家我返阿媽屋企，佢仍然會一樣）我老公就好細個要做家務，但係而家結左婚之後，我老公無鬼都話唔知做、（唔知定唔理）我就家中大小事務都一腳踢，又要上班、又要帶返學、放工接左阿仔又要去買菜、去煮飯、邊煮飯邊聲控佢地BATHING（有時都要走入TOILET幫下手）又要催佢食飯，之後又係聲控佢地做功課，我就一邊洗碗、開洗衣機、收衫或者掛 衫！仲要弄好明天佢地要說既校服、杯、水樽、毛巾盒....，最後同佢地食完生果溫好書講完故事，先有得睡，第二朝仲要6:15起身整飯壺及早餐！

我老公話以前我物野都唔洗做，而家比多D機會我去PRACTICE，佢就以前做得太多，而家要嘆下（連我99都係咁樣講，佢阿仔放假當然要休息下）咁我呢？
呢樣野就唔關呵護事，而係做阿媽同做阿爸既分別？

健朗媽咪

BB2WONG

其實我咪又係同你一樣屋企乜都係我做晒,c6就印印腳, 不過我好你少少, 因為我細個時同你老公一樣, 好細個就要做晒屋企入面d野, 所以都慣晒, 同埋而家亞仔都開始幫下我手抺地,抺枱,執拾返佢自己d野, 所以都輕鬆唔少

仲有我覺得唔係關亞爸定亞媽的分別, 呢個係家庭分工的問題, 我家就所有家務都係我做,c6係家中大老爺,乜都唔做,仲要整亂d野驚死你無野做, 但係我有個fd, 唔駛返工淨係湊兩個小朋友(兩個都要返學, 全日嗰隻)但係大部份家務都係佢老公放工返屋企先做, 連買餸煮飯都係佢老公, 叫佢煮飯就真係淨係煮飯, 唔會煮餸, 佢唔係唔識, 係唔做喎,平時都係行下街打下麻雀又一日, 佢老公又頂得佢順, 所以邊個做都無所謂, 大家開心又協調到咪ok

其實我的意思係, 小朋友太過照顧佢, 只會令佢基本顧照自己的能都無埋, 早幾日, 有線新聞訪問咗香港第一位男家政教師, 佢有一句講得好好, 佢話生活上的野, 好多都係通識, 但係就算係通識都要學先至識, 如果唔係都係會唔識, 好似我姑仔, 佢同你一樣, 未結緍時水都未煲過, 所以結婚後有一段時間成日都聴到佢比火燒親, 比刀切親,煮飯生米,炒菜炒燶, 屋企打仗咁....,成日都呀晒救命, 都要一段時間先適應到, 我另外一個姑仔, 佢考到一份要入營受訓的工, 但係入咗去唔夠兩個星期就頂唔順出返嚟(不過佢份工唔駛體力勞動), 佢話要佢自己一個生活真攪唔掂同頂唔順返到宿舍樣樣野要自己做,佢份工好有前途, 好多人爭住入, 但係因為咁就放棄, 所以過份照顧, 真係幣多過利, 因為我地唔可以照顧到佢一世

phoebepanpan

yanyanbee 寫道:
同意極了…
其實現在的父母實在比以前大壓力…
唔可以縱容但又要呵護…
小朋友升學比自己見工更艱辛…
金錢要比以前用得更多…
真係一大難題…

其實父母對子女學業上成績, 比以前大壓力, 原因係咩 ?
我地不如又研究下......

我三兄妹,  我媽係家庭主婦, 但由細到大做功課溫習都唔使阿媽陪(一來佢唔太識字) 唔識咪問下鄰居同學仔囉.  
完全唔使好似而家我咁, 測驗考試要放假做書童, 陪太子讀書;   
點解我會放假陪佢溫習 ? 咪就係若唔同佢溫, 佢就"求求其其" 溫一陣,  成績唔好老師咪又係搵家長傾計,  叫家長幫子女溫習

你話點會冇壓力 ?  我夠唔想陪佢溫習, 做功課啦,  激到細胞都唔知死左幾多呀 !

健朗媽咪

phoebepanpan 寫道:

其實父母對子女學業上成績, 比以前大壓力, 原因係咩 ?
我地不如又研究下......

而家學校同家長的要求高咗, 但係令小朋友分心的誘惑多咗, 而家周街都係大學生, 如果你小朋友讀唔到大學都好難同人競爭, 為咗小朋友可以入到大學, 所以大家咪咁大壓力

而家讀書深過以前好多, 以前唔識都係問亞哥家姐, 而家十個九個有補習, 十個有九個人有三樣或以上的興趣班, 除咗顧住學業之外, 仲要多才多藝 , 以前考咗學能測驗之後就等派位, 都唔會咁緊張d英中學位啦, 而家英中個個都要頂尖先入到, 仲要用英文面試, 收到面試信又要操煉面試技巧

大家為咗入好小學, 之後又要為咗入好的英中, 個個都爭住要入名校, 入到去又要爭第一,爭入精英班唔入垃圾班, 跟住又要爭入大學, 為咗入好學校出盡法寶, 有乜理唔會攪到人都癫

我淨係幫亞仔報小一都攪到頭都大, 而家十個家長十個都係咁

睡覺

就背書包ge問題，
唔知第二個國家的小朋友，上學時要否背負如香港小學生個書包一般重量的書包。

但香港學生的書包，實在重得離晒譜。

講真，我一定會幫阿仔背書包，直至阿仔長得夠強壯，夠和那個超c重的書包的重量成正比例時。絕對唔會理會別人怎麼說。

反而，我見到d細細粒或瘦骨嶙峋ge細路，背著個連大人都會覺辛苦和重的書包時，父母唔幫佢地背，我覺得佢地好無良﹗﹗腰骨有問題，唔係即時可以睇到架。

我而加係街度背超重背包時，也會想老公幫我背一下啦﹗

健朗媽咪

其實書包我都會比佢自己孭返, 如果太重, 就會幫佢拎部份較重的書或物件, 上校車前或入學校門口前先比返佢

我而家都係咁, 亞仔返幼稚園, 但係星期一同星期五個書包都幾重, 星期四又要拎埋返興趣班的袋(入面有兩本書同用具,都幾重), 佢自己拎d, 我又幫佢拎d, 返到學校都係佢自己拎返晒

如果成日都例行幫佢攞, 佢會連自己攞少咗野都唔知, 因為佢旨意我幫佢攞(我亞仔就係咁衰)

我亞仔成日都係我幫佢攞杯袋, 之前如果嗰日係c6湊返學, 佢就會唔記得攞杯袋,因為平時都係我幫佢攞埋出門口, 所以而家出門口前要佢自己負責點齊同拎晒所有野, 出到門口先交返部份野比我拎
仲要佢唔該媽咪我先幫佢拎, 因為我試過幫接個fd接女放學, 佢個女一出校門就成個書包窒比我, 奉旨咁唔該都無聲, 仲要成個大爺咁行喺我前面, 當時真想星佢兩巴   

routingswitch

健朗媽咪 寫道:
因為我試過幫接個fd接女放學, 佢個女一出校門就成個書包窒比我, 奉旨咁唔該都無聲, 仲要成個大爺咁行喺我前面, 當時真想星佢兩巴   

Wakakaka  
I might 星佢兩巴 too   


In fact, I would make her hold it and tell her why she has to, unless she has health problem or something...

奉旨咁唔該都無聲 is UNACCEPTABLE unless she is 啞巴  :tongue: