父母「三不陪」

siufaizi

I agree the following very much!

時事通識教材﹕父母「三不陪」
(明報) 03月 19日 星期一 05:05AM
【明報專訊】家庭基建發展總監羅乃萱和資深傳媒人陶傑指出，父母應該「三不陪」——不陪子女溫習默書、考試、測驗，讓子女知道這些是他們的責任，父母只擔當輔助角色。他們又反對由菲傭代子女
廣 告

navigator

我不完全認同他們的意見。就拿小學來講，可分為初小(1-3年級)和高小(4-6年級)，所面對的問題也不一樣。不能一概而論。特別是對讀初小的小朋友來講，他們大部份都不懂事，到底有幾個能自動自覺地讀書？！假如家長在此階段不在前線去督促(陪)他們的話，差勁的成績只能令到他們越來越自悲，到頭來還可能怕了讀書。但對於高小的小朋友，他們比較明白事理，家長可以退居在後方擔當輔助角色。替拿書包一事，初小的小朋友大部分都長得矮細，骨骼發育尚沒完善，而香港的書包又那麼笨重，為了所謂的責任問題而堅持他們在所有的時間都自行去承受超荷的重量，這對他們的身體弊多於利，其實他們在學校範圍內都要自已拿書包了。所以應該這麼說：較合理重量的書包家長不必幫初小的小朋友去拿；然而不論是甚麼重量的書包，高小的小朋友都應該自已去拿。至於不在兒女面前責罵工人一事，這是似是而非的說法。因為我們中國人是特別講究倫理輩份，故階級觀念一定搞得清楚，這是現實的情況。此外，公私要分明，獎罸也要分明，態度一定要對事不對人。假如工人做的好，我們也可在兒女面前稱贊工人。只要家長處事做得正確，小朋友會看在眼裏，也會明白在心裏。

健朗媽咪

不陪溫習, 又點知佢有邊d唔識或唔清楚, 好多時小朋友都會以為自己清楚明白, 但係實質上又係另一回事, 如果唔陪溫習, 除非有補習啦, 但係補完習, 都要同佢再溫下先得ge, 不陪做功課,執書包,執拾房間....會易d實行
不幫佢孭書包, 呢點我可以做到, 因為我亞仔的幼稚園老師都係咁講, 就算書包好重要媽咪幫手孭,但杯袋都要自己拎, 唔可以靠晒媽咪, 咁會養成依賴的習慣, 所以我覺亞仔由k1開始都係佢自己孭書包,我幫佢拎杯袋, 如果到小學, 佢的書包好重, 我會幫佢拎部份的物品(水壺,小食盒,飯盒或者部份書本), 但係都會要佢拎返個書包, 因為返學的係佢唔係我, 無理由我幫佢拎晒所有野, 佢就兩手fing fing 成個大爺咁,(呢個情況係街都成日見, 點小朋友好大個, d家長或者家傭都幫佢地拎晒所有野)
其實我哋細個時, 好多野都係好細個就自己做, 有時仲要照顧比自己小的弟妹, 而家d小朋友比我哋小時候的更醒目, 能力更強, 不過而家的父母都太過愛護小朋友, 令到佢地好大個都無自我顧的能力, 其實唔係佢地做唔到, 係我地做父母唔放心佢地比自己做啫

至於工人做錯野係要指正返佢, 就算仔女面前都係一樣, 咁小朋友先會分到對錯, 其實如果屋企有工人, 要教小朋友, 工人是負責照顧佢, 唔係佢奴隸, 唔可以奉旨樣樣野都要工人做晒, 例如玩完玩具要自己執,起身要自己摺被, 著完d衫要自己擺去污衣藍, 唔可以等工人幫你收拾....., 因為未必會一世都有工人用, 所以小朋友盡可能都要做返自己能力範圍內的事

Cathyneo

我個菲傭會帶個環保袋幫囝囝(小一)拎起幾本重既書，書包仍然囝囝自己揹，返到學校先於入囝囝書中，放學都係咁做，呢個方法係菲傭自己諗，我覺得好好。因為囝囝返放學都要行一段斜路和樓梯，都幾辛苦。