點樣教一個6歲小朋友自己洗頭

健朗媽咪

我亞仔今年6歲, 已經識自己沖涼,
不過就唔識自己洗頭,
由於我家是用略為舊款煤氣的熱水爐,
每次都要自己調較水溫,
所以我多數都係流一盆水比佢自己沖涼
(因為我驚佢自己較水, 會唔小心淥親),
而家天氣都唔係好熱,
我隔日幫佢洗頭兼沖涼,
唔駛洗頭的日子, 就佢自己沖,
但係遲d天氣開始熱時, 每日都要洗頭,
點先可以教佢自己洗頭又可以洗得好乾淨呢?

Joe媽媽

我個仔7歲左右才真正自已洗頭. 因他想多一點自已決定自已之事, 從沒有教過的, 但大人們每天跟他洗頭, 洗了7年, 他有心做的話不用教他, 我相信他一早已學會了, 只是他肯不肯自已去做吧了.....

不過, 提外話 -  妳忙到10分鐘的時間都沒有嗎? 有兒童心理醫生教我, 沖涼/ 洗頭是一天內最 relax 之時間, 亦是跟子女講心事之最好時機, 他Daddy更跟他一起沖 (如果亞仔要求), 又可以性教育, 又可以跟他吹下水. 他會很開心的. 覺得父母關心他, 我個仔就好enjoy...

健朗媽咪 寫道:
我亞仔今年6歲, 已經識自己沖涼,
不過就唔識自己洗頭,
由於我家是用略為舊款煤氣的熱水爐,
每次都要自己調較水溫,
所以我多數都係流一盆水比佢自己沖涼
(因為我驚佢自己較水, 會唔小心淥親),
而家天氣都唔係好熱,
我隔日幫佢洗頭兼沖涼,
唔駛洗頭的日子, 就佢自己沖,
但係遲d天氣開始熱時, 每日都要洗頭,
點先可以教佢自己洗頭又可以洗得好乾淨呢?

健朗媽咪

其實唔係有無時間的問題, 我亦都唔係唔想同佢沖涼, 係我覺得佢可以自己做, 可以自己照顧到自己,就比佢自己做, 因為佢開始大個, 我想佢慢慢開始學習下照顧自己

而且自己沖涼是佢自己要求的, 現在我們幫他沖涼他都不太喜歡, 佢覺得自己做到, 點解唔比佢自己做

佢自己有自理能力, 佢自己都會好開心, 覺得自己大個仔, 好似佢開始自己一個人瞓一間房, 我讚佢好叻唔怕黑, 好勇敢, 佢都會好開心, 仲同d同學仔講佢點叻

要親密都唔係一定要沖涼的10分鍾, 我多數都係每日瞓覺前同佢一齊在床上, 同佢講下故事, 傾下一日入面有乜事發生, 有乜開心同唔開心,分享下d小秘密, 跟住先瞓,我多數都唔會閂房門瞓,佢有乜時都可即刻走過來,  所以都好親密架, 亞仔仲成日同我講, 佢覺得自己好幸福tim

我亦聴過有專家講, 孩子到6歲以後(我唔肯定係唔係6歲, 不過都差唔多)最好唔好由異性照者(包括父母)同佢洗澡, 所以平時除非c6開ot, 否則要洗頭的日子都係由c6同佢沖

chtl_mama

Hi 健朗媽媽：

很認同你用心培養囝囝的自理能力，現今實在太多父母及家傭製造出來的依賴小孩了！

只要父母給孩子學習的機會，他們很多事都做得來的．我囝囝５歲開始自己提出要自己沖涼（連洗頭），我初初都擔心他沖得不乾淨，所以會在則邊一步步指示他．漸漸囝囝已沖得很妥當，現在每次也拉上浴簾不要我"監視"他了．

至於洗頭的問題，我不知你囝囝是未懂有關步驟，未習慣花灑照頭淋，還是純粹你擔他洗得不乾淨呢？我囝囝學沖涼時一拚學洗頭（初初我要跟他試好水溫先），起初教他"烏低身"沖頭，習慣了才站直照頭淋，最後才學自己調較水溫．可能我囝囝每次沖涼都洗頭（男仔頭髮短很易乾），所以又不覺他沖得不乾淨．

chtl_mama

[quote]
Joe媽媽 寫道:
沖涼/ 洗頭是一天內最 relax 之時間, 亦是跟子女講心事之最好時機, ．．．又可以跟他吹下水. 他會很開心的. 覺得父母關心他, 我個仔就好enjoy...[quote]

亞囝自己沖涼洗頭果時，我會在浴簾外跟他吹水，又好似係特別好玩，特別enjoy喎！

Charlotte_mom

其實你仔仔定性嗎? 6歲小朋友, 應該識得唔會無啦啦去攪熱水, 你試一次俾佢睇, 如果咁咁咁就好熱, 佢應該唔會亂黎wor
我就較定水溫開定花灑俾女女, 然後叫佢自己除衫入去沖lor! 沖涼洗頭都係自己黎架喇
初時會幫佢卒到起晒泡然後叫佢自己過水, 會有大人跟住, 提醒佢邊度未過得清, 跟住又幫佢卒soap, 又叫佢自己過水咁lor
時間耐左, 就要佢自動波架喇 不過暫時抹身著衫都未敢俾佢自己做, 尢其冬天, 佢地咁me more, 肺炎都似

半桶水

我個女學洗頭大約6-7歲到,當年佢成日話要自己學洗頭,佢頭髮又長又多(小朋友都幾難洗得乾淨,男仔易學d).學洗頭我就由夏天開始,企系浴缸面向上用花灑學呼吸,教佢唔好怕水入眼鼻,任由佢慢慢洗唔怕着涼.我就從旁指導.初期佢落完護髲素最後過水由我代勞,原因係d頭髮重有洗頭水未過清.後期就自己搞掂.其實小朋友遲早都要學洗頭,唔通洗到開始發育重幫佢!

我嗰fd話佢嗰仔11歲重要亞媽幫佢沖涼 (獨生子太呵護),哩個年代就係咁架la.

BB2WONG

健朗媽咪,

我都好明白你感受，其實阿仔都5-6歲，好應該好多事情要放手等佢地自己試下，如果唔係越大越難放手！

好似我大仔而家都9.5歲，就係細時無放手，係佢6-7歲時仍然係在屋企會得閒就叫下我：阿媽口渴 / 阿媽好熱 / 阿媽肚餓。

而且都升左小一，好多事在學校都係佢自己去handle，點解番到屋企又要時時叫住我？所以在佢7歲、細仔4歲左右，我就2個一齊放手，唔用工人（之前跟佢地講好左，無左姐姐好多野要自己做，佢地答應寧可自己做也不想要姐姐）
於是我放工接左佢地校車番屋企，我教好水溫放在花灑在牆架上，教好位置，佢地2個一齊自己沖，沖完叫我檢查一下，我幫佢地抹身穿衣服！到左冬天就一定要分開沖，我會close toilet門 & toilet 窗，在門口開住溫風機，等佢地唔好好凍（題外話：以從佢地學左swim之後，就唔怕洗頭及唔多怕凍，好似在泳池佢地學完swim都係要自己拿拿聲走入changing room 沖涼，那處肯定比屋企凍）沖完涼d 衫要自己攞入洗衣機！

到大仔8歲、細仔5歲開始，我就要佢地幫手開飯，食完自己既碗、筷要自己拿入kitchen既sink，如果佢地晚上食完snack，個plate要佢地自己洗（因為唔會太油太dirty）
sunday時我要佢地幫手吸塵抹地（當然預左要執手尾）

好自然佢地而家自己既書包、自己d 玩具、自己既書（佢地各人有個小型library，d書如何放由佢地自己決定）都係自己收拾！總之我講明，如果d野放係唔適當既位置，我就會掉左佢！

丸媽媽

BB2WONG      

健朗媽咪

Charlotte_mom 寫道:
其實你仔仔定性嗎? 6歲小朋友, 應該識得唔會無啦啦去攪熱水, 你試一次俾佢睇, 如果咁咁咁就好熱, 佢應該唔會亂黎wor
我就較定水溫開定花灑俾女女, 然後叫佢自己除衫入去沖lor! 沖涼洗頭都係自己黎架喇
初時會幫佢卒到起晒泡然後叫佢自己過水, 會有大人跟住, 提醒佢邊度未過得清, 跟住又幫佢卒soap, 又叫佢自己過水咁lor
時間耐左, 就要佢自動波架喇 不過暫時抹身著衫都未敢俾佢自己做, 尢其冬天, 佢地咁me more, 肺炎都似

其實我個仔自理都好叻, 好早都識自己執書包,自己食飯飲水,做功課,著衫著鞋,幫手做家務(抺抬,抺地,洗菜,幫手開飯,都做得好企理, 唔駛我執手尾)....全部都係自動波, 唔駛我點吹佢同勞氣

不過因為亞仔d頭髮超級,超級,超級多,又唔肯剪陸軍裝, 所以我成日都担心佢洗頭過得唔乾淨, 同埋佢又好怕用花酒照頭淋,有時天氣冬, 我同佢用風吹筒乾d頭髮, 佢都左閃右避, 所以都唔知點做好

BB2WONG

健朗媽咪,

哈哈！我細仔都叫鍵朗！我2個仔都係天天洗頭，大仔都係勁多地髮，就係因為天天洗頭，間中一次半次沖唔整，我都唔會理佢！試過一次佢早上起床話個頭好痕（係夏天）我就話應該係前一晚個頭未沖得好，咁佢以後咪沖多幾次，物野都係要試番黎，未必憑我把口講佢地就會get到！

smum

我個仔好怕用花灑洗頭, 請問要點樣令佢克服呢?   

Joe媽媽

好似學游水般, 用盤水照頭淋, 淋他三兩次, 他就不怕的了! 但你做得出嗎? 我個游泳教練就係這樣教出幾條魚仔出來.

smum 寫道:
我個仔好怕用花灑洗頭, 請問要點樣令佢克服呢?   

lillymarie

smum 寫道:
我個仔好怕用花灑洗頭, 請問要點樣令佢克服呢?   

我俾條毛巾佢篕住眼睛, 教佢稍為仰頭, 盡量避免淋到佢的眼. 慢慢就習慣啦.

smum

lillymarie 寫道:
[quote]
smum 寫道:
我個仔好怕用花灑洗頭, 請問要點樣令佢克服呢?   

我俾條毛巾佢篕住眼睛, 教佢稍為仰頭, 盡量避免淋到佢的眼. 慢慢就習慣啦.[/quote]

好多謝你提供嘅意見, 我會試下. 今年夏天我會同佢報游泳班, 希望到時佢會唔怕水啦.

felix.lee

各位:

我又試下分享小小心得丫!我個女今年四歲幾快五歲喇!我係佢仲係兩三歲時就同佢一齊沖涼，有時媽咪同個佢一齊冲。因浴室係企缸花灑既，佢無可避免要照頭淋。起初佢都好吾慣，鬼殺咁嘈四圍避，又怕d水淋濕對眼同個頭。初初試下同佢戴帽戴潛水鏡，之後等佢試下自己揸住支花灑自己淋，再後期就買個細d既花灑架掛低d，等佢可以自己控制角度、方向，水既大細、冷熱。同時多d同佢去游水，玩下潛水，要佢自己沉個頭落水，等佢吾怕水。題外話:呢樣對佢將來學游水好有幫助架，因第一堂佢已經夠膽沉個頭落水吹波波，同潛落水底執鴨仔，未夠一年就學識自游式，衣加學緊背泳喇。
就係咁佢未夠四歲已經識自己沖涼兼洗頭，係仲未識點著返啱哂d衫咋，我就坐係隔離屎坑度睇住，因吾睇起碼淋(歎)半個鐘熱水吾出尼。
所以大膽d比佢接觸多d水，玩吓玩吓就吾怕架!

cameo

我女而家8歲,不過女仔頭髮長所以比男仔難教洗頭一D,hehe.!我好同意係小朋友喺適當時候學習照顧自己,佢識洗頭唔代表你唔想同佢洗頭嘛.....
我女以前細個都好怕d水沾到面,不過未開始教洗頭時,我會每日叫佢me埋眼,閉氣,我用花洒淋佢面,我數一二三,just每日淋面三秒,好快佢知道唔係一件咁可怕o既事吧,,,haha~
and我未教佢洗頭前,我自己同佢洗頭時,每一日都會提佢洗頭時要me眼,用口呼吸,因為咁無咁易鼻入水,烏低頭洗又易控制一d.....
我女上年開始自己洗頭(7歲),當然間中都會過唔清洗頭水,但又唔會太緊張,其實間中過唔清又唔會話有乜大問題,問題咪d頭髮會立,會生頭瘡,佢自己做得唔好自己受番,自然又會上心d吧....haha
其實雖然有時覺得唔需要日日洗頭,但為左要佢多d去學,可以嘗試都叫佢每日洗,小朋友唔會太多頭油(若認為可以隔日洗都ok,我估唔會太dirty吧),我覺得唔一定要落洗頭水,總之就日日叫佢自己洗,今日可以唔落洗頭水咪淨係叫佢用水沖囉,佢日日都習慣左,其實學得快d啊!
我女而家唔止識洗頭,重間中自己用澳寶一分鐘焗油添啊,佢話間中用吓treatment頭髮滑d呀,,,,hahahaha

jk67jk

但係我個仔淋左兩個夏季都依然好怕喎！ 上次差d搞到有游水恐懼症添 ~

Joe媽媽 寫道:
好似學游水般, 用盤水照頭淋, 淋他三兩次, 他就不怕的了! 但你做得出嗎? 我個游泳教練就係這樣教出幾條魚仔出來.

[quote]
smum 寫道:
我個仔好怕用花灑洗頭, 請問要點樣令佢克服呢?   

[/quote]