有關入n.1 o既疑問... 請幫忙...

annaanna

阿仔6月先夠2歲，上星期六搵到屋企附近間幼兒園讀n.1，主任話可以9月開學，interview果陣，我好坦白咁同佢講阿仔有發展遲緩，依家排緊政府eetc+s位，我同佢講當時做評估係o岩o岩做完手術，情況好差，1歲之後catch up好快，不過依然比正常慢左
佢當時見意我地開學前再做評估，如果可以由排s位轉i 位，就可以排佢地間學校喎~ 不過佢地9月都會照收阿仔，仲話會叫i 位o既導師留意下阿仔添
我當時有應承，但係心諗，s位全面咁多，排到s位就一定會讀啦﹗其實讀n.1，都只係想阿仔快d 番學，適應下之o麻....

知道收阿仔，好開心啦﹗即刻交註冊費，拎收據，準備9月番學... 點知，事情到左今朝有轉變 :cry:  :cry:

阿主任話，經過學校研究，覺得阿仔應該排番s位，話怕到時9月開學，太多新學生，老師兼顧唔到，比唔到適當o既照顧，叫我地去拎番d 註冊費喎~

不過，佢話雖然唔收佢讀n.1，阿仔可以7月開始去暫託，1日2粒鐘左右，如果ok先慢慢加時間，比時間學校去觀察阿仔，如果觀察2個月之後發現情況都ok，先比佢真正讀n.1喎

其實有另一間幼兒中心，因為唔駛interview，所以7月都一定有得讀，但係佢地未知阿仔o既遲緩，係咪到時有問題都係會跌出校呢？   

請教各位有經驗人士，我應該點做好呢？   

Meisuen

我之前都唔會同學校mention 亞囝發展慢, 淨係話佢講野慢, 咁學校收左佢, 之後才講比老師知, 但佢地都好肯幫佢, 又冇嚴棄佢要上eetc, 仲特別同佢個別練習講野. 我間係普通幼稚園咋 ! 其實好睇d老師有冇愛心.  不如妳另找一間吧 !

夢芝芝09

其實讀ｉ位定ｓ位很睇兒童的需要，如果小朋友能力弱，就去ｓ位，好處係訓練集中，密集的訓練，但唔好係無其他一般小朋友相處，如果語言慢，可能仲慢，小朋友學語言係在自然環境下學，唔係抽離，有可能更加標籤小朋友，有無想過小朋友將來也要融入主流，一般小朋友的互動好重要，所以依我睇要找一間有專業訓練、有愛心的老師的學校更重要！

annaanna 寫道:
阿仔6月先夠2歲，上星期六搵到屋企附近間幼兒園讀n.1，主任話可以9月開學，interview果陣，我好坦白咁同佢講阿仔有發展遲緩，依家排緊政府eetc+s位，我同佢講當時做評估係o岩o岩做完手術，情況好差，1歲之後catch up好快，不過依然比正常慢左
佢當時見意我地開學前再做評估，如果可以由排s位轉i 位，就可以排佢地間學校喎~ 不過佢地9月都會照收阿仔，仲話會叫i 位o既導師留意下阿仔添
我當時有應承，但係心諗，s位全面咁多，排到s位就一定會讀啦﹗其實讀n.1，都只係想阿仔快d 番學，適應下之o麻....

知道收阿仔，好開心啦﹗即刻交註冊費，拎收據，準備9月番學... 點知，事情到左今朝有轉變 :cry:  :cry:

阿主任話，經過學校研究，覺得阿仔應該排番s位，話怕到時9月開學，太多新學生，老師兼顧唔到，比唔到適當o既照顧，叫我地去拎番d 註冊費喎~

不過，佢話雖然唔收佢讀n.1，阿仔可以7月開始去暫託，1日2粒鐘左右，如果ok先慢慢加時間，比時間學校去觀察阿仔，如果觀察2個月之後發現情況都ok，先比佢真正讀n.1喎

其實有另一間幼兒中心，因為唔駛interview，所以7月都一定有得讀，但係佢地未知阿仔o既遲緩，係咪到時有問題都係會跌出校呢？   

請教各位有經驗人士，我應該點做好呢？   

annaanna

我知道s 位07年8月應該未排到阿仔，所以打算比佢番n.1 學下自理，接觸多d 小朋友咋