校際音樂節

chunchunmama

大家的小朋友都好叻, 好多都攞到獎, 真係公喜哂 !!

我大仔今年小一, 第一次參加校際grade 1 (study in F), 比賽當日亞仔朝早唔知係咪緊張, 臨出門口話個肚有d 痛, 差點去唔到比賽, 最後佢話無咩事先照出去比賽咋...睇見佢上台連自己都緊張埋一份,   佢個場第一名有94分, 第二名88分 ; 第三名87分,  亞仔攞到 82分, 評語都算幾好. 大細聲方面要做好d.....我同佢都好開心及滿意今次的成積.  臨走時亞仔同我講想出年報名參加三級比賽tim.
拎咗分紙返學校, 亞仔放學返黎即刻同我講, 老師話講今次成積都算唔錯, 希望明年再努力d攞更好的成積喎...

ryancat

Hi daisysyc

恭喜妳囝囝取得好成績！

我囝囝明天也會參加小提琴Grade1 比賽，好擔心他會臨場失準！希望他能有好表現啦！

可否分享一下評判對所有參賽者的comment及要注意的地方呀？thank you!

ryancat

daisysyc 寫道:
我囝囝終於小提琴比賽完畢, 他是第一次比賽(小二生), 他的表現雖然失準, 但都拿到證書, 已經給他好好鼓勵, 他說比賽時驚到腿不停震, 當比賽完見他樣子十分不開心, 所以我都給他鼓勵和讚賞.

但十分驚奇的為什麼那麼多大姐姐和大哥哥都一起比賽(大概Grade1 to 2組別)的小提琴 , 所以取得獎的是兩位大哥哥(小五或小六)和一位小二. 但分數只是(86分, 85分和84分).

今次希望他吸取經驗, 年尾考二級試取得好成績!

洛婷

Heidi媽, all mum,


你好! 恭喜晒呀!
你地的小朋友個個都好叻  !
我想請問是否頒獎後可以與評判影相留念,我見我囡囡果埸冇人這樣做,
因為我囡囡好好運得了第3名,我都好想幫囡囡影相留念,但我見冇人這樣做,就連第1名都冇影,所以我都唔敢影,
其實我之前問過比賽門口的員工,佢地說成個比賽都唔可以影相和錄音,
其實如果小朋友係比賽中取得獎項,頒獎後可唔可以同評判影相留念,請各位 mum賜教,
又或者有邊位mum頒獎後有同評判影相留念,可否上來分享,
唔好意思,有咁多問題
                  

洛婷

Heidi媽,

好羨慕你呀,可以同評判影相留念,
好奇怪,唔知點解我囡囡果埸比賽完咗之後,真係冇一個人有影相,
可能個個見冇人影,所以個個唔郁啦,
可能一個影,就會個個都影,羊群心理掛,
我囡囡今次係第一次參加比賽,我同囡囡咩都唔知,咩都唔識,所以連可以影相都錯過咗,真係好可惜 ,

洛婷

ngyanting2000,

你好!
Re:你囝囝都係今日比賽, 我囝囝都係, 佢係上午比賽, study in f, 可能係第一次比賽, 我心情都好緊張, 囝囝就好似無咩嘢咁, 好在囝囝都可以順利彈好全首歌  , 今次我對囝囝都無咩期望, 因為係比賽前老師話囝囝彈琴時無感情, 好似機械人咁, 囝囝係無壓力下, 出奇地可以攞到八十五分, 我真係開心到暈 , 係我哋個組攞頭三名都係88分,87分同86分, 本來諗住攞到七十五分都已經好開心，所以囝囝可以攞都咁高分, 真係要好好慶祝一下 ,


我的囡囡是否和你的囝囝同埸呢?因為我囡囡果埸比賽結果同你所講的一樣,
我囡囡係香港藝術中心上午比賽,study in f,第33個出場,攞到86分果個,你囝囝係幾多號呢?
你的囝囝都好叻呀!攞到85分,希望大家出年再接再厲,加油努力

ngyanting2000

洛婷 ,

我諗我哋應該係同一組, 但係就唔係同場, 我囝囝係上午九時比賽, 你係唔係十點個場, 你囡囡好叻 , 可以攞到第三名, 雖然囝囝就三甲不入, 但係對我嚟講都好滿意, 下年大家繼續努力, 加油

洛婷

ngyanting2000,

係呀十點個場,因為囡囡係第33個出場,
其實你囝囝都好叻,同我囡囡只差1分,
我唔敢講我囡囡一定係最好,但就好睇評判個感覺,
或許是我囡囡較好運吧

yywhk

洛婷:

我囡囡有影相呀...個負責人可能講得唔夠清楚,整個比賽程序完成後,即完頒奬之後係可以任影架.....就算冇奬都冇問題.

不過唔緊要啦,第年都有機會再影過.

KwanBaby

Hi yywhk,

       我都很認同一位有心機教小朋友的鋼琴老師很重要,
我囝囝4歲半, 現想搵好的鋼琴老師, 可否email ([email protected]) 你的老師
資料給我呢        

洛婷

yywhk,


可能真係負責人講得唔夠清楚,又或者係自己聽唔清楚啦,
雖然第年都有機會再影過,不過始終今次係第一次參加,而且仲有咁好成績,心裡總係覺得有D可惜.





  

yywhk

洛婷:

你o既心情我好理解 ............ ,不如你諗定遲d收到囡囡張cert嗰陣,點樣鑲靚佢啦.   

洛婷

yywhk,

我想問下張cert要唔要比番學校keep. thanks!

kaka0814

通常不用，但學校通常會做一個COPY

洛婷

kaka0814

是否我自己keep正本,學校就keep 彩色copy ?                    

                           

yywhk

洛婷:

嘻嘻! 我囡囡都係第一次參加咋........不過好彩我囝囝參加過同一機構辦o既朗誦節三年,又僥倖都攞過奬,所以我估計應該係差唔多啩.又試吓答你,如果有錯,請其他家長千祈要俾面指正呀,唔係搞錯咗累你唔開心唔好意思!!

我囝小學係要番張分紙正本,但你可以影副本留底俾自己同最緊要o既琴老師參考,但張cert就好似要等到學期尾先至有. 而我囝間學校都好似唔係上台接cert,係班主任派咋  :evil: 但朗讀節係早成三個月開始(同完),唔知音樂節會唔會遲d先派cert呢? 張cert 係囡囡個人奬項就應該係俾番佢keep格嘞. 記得提囡囡收到要小心唔好整"巢"張cert呀!   

maomaochan

Venus,
你知唔知演藝學院喺邊呀,YMCA就在它的隔離

洛婷

yywhk

唔該晒!
不過我囡囡間學校就冇叫佢攞張正本分紙返去,但我自己就copy咗張分紙叫囡囡攞返去俾音樂老師.