戒奶咀

Mattb

Hi Hi  

又就快新年喇... 大家辦完年貨未丫 , 我自己就未喇  

我而家預到個難題丫 ~ 就係唔知有乜辦法幫我個少爺仔戒奶咀丫 , 佢而家當個奶咀係寶咁 , 冇咗佢又瞓唔到 , 因為就嚟要返學喇 , 所以都想快 D 幫佢戒掉呢個習慣 。
請問各位媽咪有冇 D 咩好辦法 , 唔該教下我丫 , 我而家都好頭痛呀 !!!!   
:cry:

lamtsuiyee

我都有呢個難題... 有個Friend教我...話比佢聽..佢大個啦..唔駛用啦..仲要係佢面前,掉左個奶咀...由佢喊...一個星期左右就OK..我就會試下...再Update你.

rainy0429

Hello,
你可以先戒日頭,夜晚就慢慢來!
由聽朝開始,佢一起身你就提佢,大個仔喇,訓醒唔食奶咀架咁,類似咁嘅說話,試多幾次佢一朝早就會lur個奶咀俾返你!
跟住就如下面兩個媽媽講,收埋唔好俾佢見到,直至你真係需要氹佢訓先俾佢食一陣,訓著就拎走!
之後響佢面前丟左佢,(呢招真係有用架)狠心D佢喊幾喊就會習慣!
希望幫到你,我個女就係咁攪掂!

天藍

Dear all,

我仔仔一向都係訓教先食奶嘴,
平時唔食, 我想連佢訓教都唔
俾佢食, 會唔會太早戒, 我仔仔
下個月2歲, 我怕佢訓教無奶嘴
食會好扭計唔肯訓, 點算??? :cry:

Desmond520

係我個仔一歲度就戒奶咀, 其實bb食奶咀原因有時牙痕, 甘我開頭就比條沙巾(手巾)佢, 佢就玩下手巾, 跟住食手巾, 幾日後, 比慣左玩手巾同食, 甘我開始吾比奶咀, 佢初時都吾慣, 甘我就抓下佢背脊, 等佢睡, 可能有時心理想食, 跟住佢以後都係玩手巾同食, 我覺得小朋友要有'寄託', 即你突然間吾比奶咀, 等佢無'世藝', 好難頂! 甘我就用手巾作轉移!

rwong1123

Desmond520,

You are very clever!! Instead of using a dummy, my BB girl has to put沙巾 into her mouth while sleeping.  Do you think we have to stop them very soon?? She is now 15 months old. What is your opinion!

Desmond520 寫道:
係我個仔一歲度就戒奶咀, 其實bb食奶咀原因有時牙痕, 甘我開頭就比條沙巾(手巾)佢, 佢就玩下手巾, 跟住食手巾, 幾日後, 比慣左玩手巾同食, 甘我開始吾比奶咀, 佢初時都吾慣, 甘我就抓下佢背脊, 等佢睡, 可能有時心理想食, 跟住佢以後都係玩手巾同食, 我覺得小朋友要有'寄託', 即你突然間吾比奶咀, 等佢無'世藝', 好難頂! 甘我就用手巾作轉移!

sweetymom

其實越早戒越好,有次見到個小朋友都有成4yrs old,而且仲係個肥仔,係街度咬住個奶咀,我老公話係咪奶咀糖呀,當時諗或者係啦! 點知第二次見到佢,又係咬住個奶咀   ,真係好核突,大家比心機呀!  

QQOutlet

My baby is 16 months now and I just help her to quit the pacifier a week ago.  一向都係訓教先食奶嘴, I stopped on one night and don't let her eat.  I sing the song for her and get her sleep when she is very tired.  She will ask for a while but when I sing a song, she just feel very happy and sleep.  Almost 10 days now, and she sucess to get rid of it. Hurray.

Desmond520

我想問一下, 係咪食住條沙巾訓覺, 如果拿開沙巾囡囡就喊呀?

rwong1123

Yes yes.  She just 食住條沙巾訓覺.  It is similar to the way that others take pacifier.  She sometimes want to get that tasty 沙巾 and put into her mouth during the day. When she is having no comforter e.g. 沙巾, do you think she is able to sleep well through the night?  Will you help your son quit 沙巾 very soon.

Desmond520 寫道:
我想問一下, 係咪食住條沙巾訓覺, 如果拿開沙巾囡囡就喊呀?

Desmond520

我個囝囝未必晚晚要拿沙巾訓覺, 訓著覺都吾食沙巾, 只係有時會玩下食下, 不如你嘗試下係佢訓覺時吾比佢吃沙巾, 抓下背脊, 我個囝囝就好鍾意, 我記得個時在戒奶咀初期個幾日, 佢會係訓覺時無得食奶咀喊, 我就比條沙巾佢喳, 一路抓佢背脊, 甘佢就訓著覺, 如果你驚囡囡掛住食沙巾, 試下就甘抓下背脊, 試下得吾得!! 而家阿仔佢多數玩下沙巾, 咬下就得啦, 絕大部份時間都吾駛食, 出街都吾會搵沙巾, 吾好講奶咀, "要成功, 要堅持" , 奶咀有時係bb慰藉及安全感, 幫佢抓下背脊, 等佢有番d安慰啦!

sin-sin

我個囡都食奶咀,但係如果我唔比奶咀佢食佢就食自己隻大拇指,我抽反佢隻手指佢又好快咁食反隻手指   
我都唔知點同佢戒奶咀和食手指的惡習   

Desmond520

請問你囡囡幾多歲, 我個仔而定已經21個月, 所以大部份牙都出齊, 會吾會你女女仲好細, 吾係好多牙!

sin-sin

我個囡囡現在15個月大,只有八隻牙  
多牙戒奶咀會快D

Mattb

好消息      
我個少爺仔已成功戒咗奶咀喇      
我都係好狠心咁唔俾佢食 , 我就同佢講你個 panada 咀咀俾 lion 食咗落個 tummy 度喇 , 所以而家冇咗 panada 咀咀架喇 , 佢聽到都好唔開心架 , 咁我咪安慰佢同埋同佢玩夜 D 先瞓囉 , 等佢玩到攰就會容易瞓 D 架喇 , 不過都要預番有 3 - 4 晚都會冇覺好瞓架 , 不過咁都係直得既  

rwong1123

Desmond520,

Thanks for your advice!!!! Good idea!! I will try !!

Desmond520 寫道:
我個囝囝未必晚晚要拿沙巾訓覺, 訓著覺都吾食沙巾, 只係有時會玩下食下, 不如你嘗試下係佢訓覺時吾比佢吃沙巾, 抓下背脊, 我個囝囝就好鍾意, 我記得個時在戒奶咀初期個幾日, 佢會係訓覺時無得食奶咀喊, 我就比條沙巾佢喳, 一路抓佢背脊, 甘佢就訓著覺, 如果你驚囡囡掛住食沙巾, 試下就甘抓下背脊, 試下得吾得!! 而家阿仔佢多數玩下沙巾, 咬下就得啦, 絕大部份時間都吾駛食, 出街都吾會搵沙巾, 吾好講奶咀, "要成功, 要堅持" , 奶咀有時係bb慰藉及安全感, 幫佢抓下背脊, 等佢有番d安慰啦!

cheungmuichu

i am deciding to do it now, your method is good and i will try it accordingly.

hope we will do it successful too!

anyway, congratulations~

Desmond520

如果d牙出得七七八八, 甘就無甘形痕, 食奶咀既意卻少d, 戒得快d同易d!!

Desmond520

sorry, 快手得制打錯字，係無甘牙痕至真！！