你地認為呢件事點處理好？抑或只係我多心得滯…

tracymama03

我個仔今年讀中一，間學校之前出左通告，話就黎要舉行陸運會，咁有好多野而家都要準備緊。
由於學校今年改左例，話所有同學都一定要至少參加一項，但如果參加其他公職或者啦啦隊都可以豁免。
咁個仔唔鐘意運動，佢咪參加左啦啦隊囉，而家個仔放學後就要同同學老師去排練。
咁有次係學校附近撞到佢ｄ同學仔，咪打個招呼囉。
咁講開佢陸運會攪成點，原來佢地都係啦啦隊的。點知講到話”鄧”我個仔慘。我話”吓？咩事啊”

原來佢地話老師編左啦啦隊個隻舞，有一ｄ同學仔要做類似”疊羅漢”既動作，即係兩個人一左一右，之後有個同學仔企高，踏住佢地膊頭咁叉開雙腿（咁個一個當然係要輕磅ｄ），咁形成一條通道，之後……就要我個仔係佢地中間跑過！！

我聽到都好愕然，點解要咁編呢。
我問佢地個仔有冇咁做，佢地話有，不過佢就好唔開心（個仔返黎又唔同我講），佢話老師叫就冇法啦。
佢地又話如果我個仔真係衰成世就慘喇，因為話要有排練添！

唔知點解，呢ｄ雖然都算係課外活動，但唔知係咪我多心，但個仔要咁捐法，仲要捐咁多人，又真係……

咁個仔學校ｄ野平時其實我都少理架，佢更加少講我知道，但從呢件事，你地覺得我好唔好同個仔傾下？定還是佢自己解決呢？

其實又係咪我大驚小怪？換轉係你地，你地又覺得點呀……

ccspy

順其自然，干預會弄巧反拙!

哈里波特

算啦, 呢個位置總要有人做, 你個仔5做, 自然叫其他人做。等如每班都有人考第尾, 不過當然5想係自己的孩子, 家長的心理係可以理解, 但你也未必可以改變事實•

你可以做的, 係多與孩子溝通, 協助佢overcome所有困難, 去面對, 去學習而5係逃避.

呀女每年有班際dancing competition, if you are not the dancer, you need to do banner。我個女話全班同學都5想做dancer, 結果用投票方式, 一人點幾個出黎, 最後係班中最少friend的都要去跳舞, 其實都5公平, 但係現實世界就係咁。

tracymama03

哈里波特 寫道:
算啦, 呢個位置總要有人做, 你個仔5做, 自然叫其他人做。等如每班都有人考第尾, 不過當然5想係自己的孩子, 家長的心理係可以理解, 但你也未必可以改變事實•

你可以做的, 係多與孩子溝通, 協助佢overcome所有困難, 去面對, 去學習而5係逃避.


呀女每年有班際dancing competition, if you are not the dancer, you need to do banner。我個女話全班同學都5想做dancer, 結果用投票方式, 一人點幾個出黎, 最後係班中最少friend的都要去跳舞, 其實都5公平, 但係現實世界就係咁。

其實我都明白，只不過覺得唔知點咁囉。

話晒佢都係男仔，雖然我知呢個係啦啦隊一個動作，但係要佢捐過晒咁多個人既胯下（有ｄ仲要係女仔係上面），始終都有ｄ唔係咁好。

唔知你地覺得係咪咁認為呢。

virgokaren

tracymama03 寫道:
話晒佢都係男仔，雖然我知呢個係啦啦隊一個動作，但係要佢捐過晒咁多個人既胯下（有ｄ仲要係女仔係上面），始終都有ｄ唔係咁好。
唔知你地覺得係咪咁認為呢。

呢d都係古老迷信野，唔好咁介懷啦！
有無睇無線台慶呀？
以前我記得唔知劉德華，定係梁朝偉，都玩過羅漢，都俾人騎過，佢地咪一樣出人頭地！
劉德華仲紅足20年，梁朝偉更揚威海外，黃日華、苗僑偉、湯鎮業幾個都唔差丫！

pp6113

Hi tracymama:

我個人的看法是不用太介意，因為如果你都唔開心，咁囝仔未重唔高興。囝仔現在才F.1，以後還有很多活動，如話劇等，咁下次你係話劇度做壞人又点算呢？應該解釋這只是一項活動或遊戲，任何人都有機會做，只要自己盡力就已是成功的一半。從另一角度去看，這動作可能會贏得掌聲呢！如果遭到別人的嘲笑，只是他人未成熟唶！其實F.1只有12歲，有很多事情他們都未識用正面的態度去面對，做家長的應該從旁協助。

Nymph_

Hi tracymama
睇完你講嘅野,希望你唔好介意,我覺得最介意果個係你,唔係你個仔.
可能你個仔唔開心,或者佢係覺得唔好意思,因為企上面有Ｄ係女仔.
如果你同阿仔傾之前,首先你要過到自己果關,先可以用正面嘅態度同阿仔傾.

ssspwong

I myself am quite conservative on this. If I feel uncomfortable and I know my son does not like it, I won't deny our feeling and I would discuss politely with the teacher in charge.

櫺囹桼

    

momomimi

會唔會係個同學仔形容得唔好而令你不安呢?  
呢d動作好多時表演都會見到, 以平常心去同個仔傾吓.

tkkmama

tracymama:

我都係覺係閒事一件咯, 在老師角度睇下, 佢地只會諗: 小朋友既動作難度高唔高, 個構圖好唔好, 咁岩...可能你仔仔既體型岩哂, 咁先搵你仔仔既者....唔好太多心, 俾我就唔會介懷咯, 又如果係小朋友提出話有問題咁,都可以同佢講: 以前都有韓信受胯下之辱啦, 如今已經二千年咯, 我地思想都應與時並進啦, 唔好受尼d迷信野影響.

梗係:最緊要你覺得點咯......
  

tracymama03

其實我都知我可能係緊張左既，為人父母都唔想個仔唔開心嘛。

我昨日其實都有同我個仔講，問佢陸運會個啦啦隊點樣。
個仔初頭都唔想講，我以為佢自己攪得掂。之但係佢又有ｄ吞吞吐吐，咪問佢係咪好辛苦，話我可以同你分擔下。

之後佢就成件事講左出黎啦，話有ｄ唔開心，話有ｄ同學仔笑佢捐過女仔胯下，感覺唔係咁好。
我之後安慰佢，係ｄ同學仔唔識野者，唔駛理佢，其他人都會識得欣賞你，唔駛咁介意，咪當捐山窿咁囉，係佢地未成熟者。

不過個老師又係既，個仔話佢地個馬步未夠穩，咁唯有分開去練，而家因為要全組練個隊形同合作性先，所以而家老師安排要企高既同學，用住張高椅放在左右兩邊先，然後俾個十個同學企高，俾我個仔捐住先，排得好之後，佢地先練馬步。所以個仔覺得唔知點咁囉。

講完一輪，個仔始終都驚，因為老師次次都想佢捐好多次，我話呢ｄ都係學習既一種，唔駛咁唔開心。

各位家長，你地覺得我應該點幫我個仔好…佢好似仲未克服到…

3kidsma

tracymama03 寫道:
其實我都知我可能係緊張左既，為人父母都唔想個仔唔開心嘛。

我昨日其實都有同我個仔講，問佢陸運會個啦啦隊點樣。
個仔初頭都唔想講，我以為佢自己攪得掂。之但係佢又有ｄ吞吞吐吐，咪問佢係咪好辛苦，話我可以同你分擔下。

之後佢就成件事講左出黎啦，話有ｄ唔開心，話有ｄ同學仔笑佢捐過女仔胯下，感覺唔係咁好。
我之後安慰佢，係ｄ同學仔唔識野者，唔駛理佢，其他人都會識得欣賞你，唔駛咁介意，咪當捐山窿咁囉，係佢地未成熟者。

不過個老師又係既，個仔話佢地個馬步未夠穩，咁唯有分開去練，而家因為要全組練個隊形同合作性先，所以而家老師安排要企高既同學，用住張高椅放在左右兩邊先，然後俾個十個同學企高，俾我個仔捐住先，排得好之後，佢地先練馬步。所以個仔覺得唔知點咁囉。

講完一輪，個仔始終都驚，因為老師次次都想佢捐好多次，我話呢ｄ都係學習既一種，唔駛咁唔開心。

各位家長，你地覺得我應該點幫我個仔好…佢好似仲未克服到…

我覺得家長一方面要補導小朋友, 但也應回應他的情緒. 朋友的影響好大的, 他們的嘲笑比你的道理更能進入他的心深處.不要小看. 若他性格是內向的人, 更可能影響他校園的生活

可否私下與老師好言說出阿仔的不安,請老師體諒, 看能否稍為修改呢? 但切記要誠懇, 更不要太勉強老師. 為勉老師對日後對阿仔有不好的看法. 希望你囝囝開心返了.

Verveine

我認為家長可以鼓勵孩子向老師表達自己感受，但不宜替孩子出頭，因為他已經是中學生，應該學習處理自己的問題。如果父母出面向老師提出請求而讓其他同學知道，可能孩子會更覺無地自容。
十餘歲的年輕人會很介意同輩對自己的看法，我們作為家長，應該教導他肯定自我，不要因為同學的看法而懷疑自己的角色和價值。
其他同學其實並非存心恥笑，但即使如此，既然他們說了一些令當事人不開心的說話，當事人毋須在他們面前刻意隱藏自己的感受，他應該勇敢地說出心底話：「我是否做得不好?」或說「請你們不要取笑我吧。」相信同學們知道他的感受後，都會為自己的言行感到慚愧。
對於孩子來說，拿出勇氣表達自己可能仍然是難事，但畢竟這是成長必然面對的，我們在社會做事，面對更難堪的事情實在多的是，十餘歲的孩子應該開始學習解決自己的問題。
當然，父母的背後的支持是最重要的，這是孩子積極面對因難的動力。

大男人

Nymph_ 寫道:
Hi tracymama
睇完你講嘅野,希望你唔好介意,我覺得最介意果個係你,唔係你個仔.
可能你個仔唔開心,或者佢係覺得唔好意思,因為企上面有Ｄ係女仔.
如果你同阿仔傾之前,首先你要過到自己果關,先可以用正面嘅態度同阿仔傾.

   同意

世上本無事，庸人自[攪之]      

微狐

孩子太受保護了, 對她/他沒有好處的,  

小事一件 !!!!!!!!

tracymama03

wunma 寫道:
會出聲, 不過要搞清楚:

- 係咪得你個仔一個人做呢個動作呢? 如果有幾個同學都係咁做, 就冇問題. 如果唔係, 有冇特別原因; 點解唔用女孩子做? 如果老師解釋到為何, 那好辦了, 照樣解釋比個仔聽, 同時要佢知道團結的重要;

- 如老師冇原因, 解釋唔到以上問題, 我會向老師反映, 建議改用女同學, 一來冇咁尷尬, 二來女仔會輕盈點, 大條道理.

係得我個仔一個人要做呢個動作咋，因為其他同學要整一條通道俾我個仔捐。
其實，我後來都有同我個仔講，話如果真係覺得唔想，就要同老師傾下。

結果今日個仔都有同老師傾過，老師同佢講，呢個動作其實唔難做，話加上我個仔生得細粒ｄ，咁可以容易ｄ捐過佢地胯下囉。

結果呢個ｍｉｓｓ為左鼓勵我個仔，同認為咁做都唔係咁大不了既事，個仔話佢示範左次俾我個仔睇，好似練習時咁，叫ｄ同學用張椅放在左右兩邊，然後俾幾個同學企高，然後，由個ｍｉｓｓ親自去捐過，個仔話，由於ｍｉｓｓ比較高，張椅又唔係真係算高（大約到膝蓋咁高），個老師到最後直情係趴過去咁捐過佢地胯下。

做完之後，個ｍｉｓｓ同我個仔講，咁即係要證明，係細粒ｄ既先可以捐得咁輕鬆咋，同埋話我爬過去都可以，你只係好輕鬆捐過就可以，做男仔要大方一ｄ。

聽完個仔咁講，都好佩服個ｍｉｓｓ咁做，個仔而家都冇咁唔開心，我都放心ｄ。
相信呢位老師真係好有心想佢地做好呢一ｐａｒｔ喇。

Verveine

    
懂情理的家長、懂事的孩子、加上一位好老師，圓滿解決了問題！

tintin2606

算啦