大家可以俾d意見我嗎?

Hellomummy

我囡囡最近開始了學校小提琴班, 但私人老師(已學了半年)就有些微言, 令我進退兩難, 大家可以俾d意見我嗎? :-|

chamywong

有什麼微言?

Charlotte_mom

如果老師真係好, 值得你"忍", 咪唯有硬食lor
如果大家教學方針唔同, 真係唔夾, 而仔仔又真係想繼續學
(如果仔仔夠大個, 不妨同佢傾下......)

Hellomummy

謝謝大家的回應, 不過可能我講得唔清楚, 我意思係...跟私人老師已經學了半年以上(之前分別跟幼稚園及小學的小提琴班共學了2年), 是看廣告報紙搵的, 一個6X歲既"名師", 咁一路都不錯, 因為他經驗豐富, 又好識跟阿女(P.2)溝通, 知道阿女鐘意人讚, 係唔係都讚一餐...但我心裡嫌佢進度慢, 又沒有提及考級or比賽既事, 只著重基本功, 成日話要打好基礎...

阿女最近轉了新學校, 於是, 我便替她報名加入了學校的小提琴班, 問題來了, 呢位"名師"知道她同時學2邊, 便有些微言, 說覺得我地不切實際, 掛住考級比賽, 又說2邊學會亂, 實兼顧得不好等...又久唔久說出面既"後生"老師唔識咁咁咁教....又show俾我地睇佢幾十年前得獎學生既報紙...又叫我最好揀定一邊, 不過我話其實有很多學生都係咁, 佢才無聲出...

我知道佢覺得有壓力, 怕我比較, 我亦已好言解釋我的用意, 他似乎都明白....其實我只是想一方便跟他學好基本功, 一方面(跟學校)增加阿女表演機會, 同埋考級等, 剛經歷左大仔考中學, 知道獎項級數等是如何重要, 你點叻點叻都要有d成績俾人睇...

不過, 心裡還是有點疑惑, 大家有無經驗, 同時跟兩邊(eg, 私人+學校)學同一種樂器, 利弊在那裡呢? 我淨係知道阿女跟了學校既靚女老師2堂後, 又不再像以前咁喜歡呢位名師伯伯.... :-|

Charlotte_mom

e? 你個老師咁似我果個既?
我女女既小提琴老師(郭老師), 又係伯伯, 教既進度好慢, 好著重基本功, 當然更加唔會提比賽表演啦! 佢係我女女鋼琴老師本身既小提琴老師, 佢介紹俾我既! 而我鋼琴老師已經跟郭老師, 學小提琴學到6級喇!
我無join學校小提琴班(其實係抽唔到...), 如果有join, 我相信郭老師一樣會講相同既說話...始終佢係上一輩既人, 唔明而家小學生面對幾多奇奇怪怪既"壓力", 佢地主張循序漸進, 都無錯既!
仲有呀, 郭老師都幾傳統架, 例如佢唔鐘意工人湊小朋友去佢度啦, 學生一定要恭恭敬敬啦(如果我個女一隻手俾野佢, 一定即刻鬧呀), 過節時, 佢會appreciate家長有表示tim(唔係錢既問題, 佢老人家覺得係對長輩既禮節)
我女女暫時未見咩成就, 不過的確郭老師係有好多outstanding既學生(有d好似我鋼琴老師, 有d已經入左職業樂團), 所以, 我都好樂於俾多d時間女女去學....學老師話齋, 打好個底啦!

kaka0814

傳統教師總有他們的一套, 我喜歡他們的教法, 著重基本功, 練大量的 scales 和練習曲, 一直到你升到某個 level, 他們才會叫你們考試, 一考就已經最少是五級。

你信又好不信又好, 拉scales, 空弦, 對小提琴來說是一生受用。連這兩功基本功做不好, 甚麼也不用做。 拉 scales 是訓練音準, 空弦是弓法的最基本。 有很多人考八級時也沒有怎麼練 scales, 又有何意義? 只練三首曲去考試? 考到八級只是拉三幾十首曲? 這樣的人還算是學音樂嗎?

多跟一個老師, 就好像學多一個派別。你會不會一次過學跆拳又跟另一個老師學柔道? 會不會今天學芭蕾舞, 明天上爵士舞? 有就有, 但對年少的學生來講總不是好事。專心和專注才會達致專業的成就。

在坊間實在有很多不知所謂的老師 (雖然我也不夠膽說自己很好), 但我真的遇過不少所謂教琴的老師, 有八級, 但甚麼音樂理論都沒有, 問多句都答唔到或者亂答。我也有學生跟兩邊學一件樂器, 結果我講一套, 學生番到學校學另一套, 學壞哂番來又要我重頭執過。 我最後只得和家長講, 如果你很想在學校學, 我就不教了, 太煩太辛苦。學校裏是一班人上, 老師多數都話之你, 歌是多, 又「好聽」, 成班同學係度「玩」, 亂來就算。

如果學校教很多歌, 不重視基本功, 能奏就算數。而另一個好老師重視基本功, 要求高, 他很快就不喜歡好老師, 到頭來甚麼都學不到, 一事無成。

希望可以幫到你。

Charlotte_mom

kaka0814
呵呵呵, 你講左好多我想講既話...當然, 我只係一個師拉, 唔識音樂....所以, 留返俾你講
我個鋼琴老師, 介紹小提琴老師俾我既時候, 都唸左一排架! 佢都怕, 如果我個女學一陣又無心機, 分分鐘連佢都俾人鬧, 佢試過介紹一個朋友, 已經有鋼琴8級水準, 不過正正係你講果隻--年年練3隻歌lor! 之後, 鋼琴老師真係有俾小提琴老師鬧架   
初時跟小提琴老師, 我都覺...點解咁慢架....點解咁悶架.....而家學左一年, 先叫有d似樣既"歌仔", 不過我明白, 老師唔想學生一步登天, 一定有佢既用意! 所以, 我又學識睇開lu

kaka0814

Charlotte_mom,

唔好咁講我, 我講多左就會有人話我賣廣告 (超灰), 某程度上在網上講說話我會有保留, 只是有時抱不平, 忍唔住要講兩句。

我細個分別學鋼琴, 提琴和管樂。鋼琴係最早放棄, 諗番轉頭是因為老師唔好, 好多野問佢又唔答, 話乜鬼遲d先要識。唉, 浪費金錢和時間。 提琴我跟超級名師, 比名師更有名。可惜似你地講, 因為練好多好多基本功又唔考試唔比賽唔表演, 唔知做乜咁。(久而久之我就唔想練囉) 但坦言, 就算我依家拎番起個琴, 拉番d四五級的歌, 我諗我都仲可以拉得好好, 音準, 拍子好, 運弓等等分分鐘都要比出面有d有8級的提琴老師好。老師超嚴格, 要求超高, 可能是細個捱得苦, 心口得個勇字, 乜都練得到。依家搵番一個一樣要求咁高的老師, 我唔係好頂得住。睇番有d朋友話就話考左八級小提琴, 一叫佢 sight-reading 四五級的歌都拉唔到最基本要求 (音準和拍子正確), 有d甚至比番佢當年考八級 d 歌佢拉, 都唔再拉得到。 點解? 大家心知肚明。

anyway, 學幾樣樂器我都只係放最多時間係管樂, 所以我都唔夠膽講咁多小提琴。我只能講, 學音樂的路是很漫長的, 辛苦而且成功感很低。不過, 一生一體藝, 有番d 「世藝」(唔知點寫) 我諗對咩人都係件好事, 至少有一項有興趣, 有目標。

fitceo

雖然有d離題,都想發表小小意見.
關於一生一體藝,我係好同意,小兒一直都係比較內向,唔識同人溝通,無自信又怕陌生人,早前有朋友介紹入棒球隊,小兒興趣不大,而佢本身又偏肥,成日都唔想郁,但我堅持要佢去做運動,而家只係半年既時間,睇見佢既轉變好大,唔再怕同陌生人接觸,亦由於運動量頗大,控制肥胖方面有效.由於在球隊中要與球員相處,又要參加比賽,嘗過成功同失敗既滋味,學習團隊精神,呢d係一個好好既學習機會.
其實小朋友專注於體或藝,都係一件好好既事,唔會再有時間去想同玩d無謂野.