水荳針….

Baoma

請問6歲小朋友打吾打得?
我見話一歲開始可以打, 我兩個小朋友(2.5 歲& 6歲) 都冇打過, 吾知依加打遲吾遲? 前幾日同親咸飲茶, 佢帶咗兩個小朋友出嚟, 個BB啱啱出完水荳,佢話己經吾傳染, 點知我匆略咗個B嘅阿哥,今日聽到話個阿哥開始出, 即係話我嗰兩個極有可能係嗰曰巳被個阿哥傳染咗, 依冢好驚. 如果令次好彩冇事,就想同兩隻小魔怪打番支預防針.

emiluihk

Baoma ,

     你好呀, 其實你唔駛咁擔心既, 聽講咁大打已經
功效唔係咁顯著,moreover 打左一樣會感染到,只
不過係打左出少d咁解啫 ... 所以 順其自然 吧
最緊要處理得好, otherwise 出得唔好日後會有機
會潛伏係體內, 仲會引起俗稱"生蛇" 既過濾性病毒
添 ...

alkyng

Baoma:

我個女間幼稚園上兩個星期都有幾個小朋友出水痘, 所以我都有d擔心, 因我仲有個細女, 我怕家姐已傳染返來再傳給細妹, 學校比左張通告話水痘會響出痘前2-5日至結蕉個段時間有傳染性, 依家唯有keep住check下佢地頭髮邊緣位置有無異常, 因多數由個d位置開始, 有個中醫教過我, 佢話雖然依家仲未知有無被傳染, 但可以keep住煲d竹蔗水飲, 咁樣如果真係出都無咁辛苦wor, 所以我依家大概四日煲一次, 每次每人飲一杯.

doristsang

我有聽過寧願出水豆都好過打針, 因為出了就以後都唔駛怕, 反而打左針現在唔出, 大時也可能會出, 情況會嚴重過小朋友出, 所以以前有名校d阿媽等學校放長假時就搞d水豆party, 與出緊水豆的小朋友一起玩, 讓未出的小朋友感染, 一出了就一了百了, 唔使常常怕會出

leschelems

雖然我的小朋友很早已打了水荳針,但一年級的時候還有出水荳,不過那次出水荳,除了發現身體有水荳,她沒有其他不適,還幸面上一粒也沒有.醫生認為,雖然水荳針不能完全預防水荳,但減輕了身體的不良反應及加快痊愈的過程.

totoro

alkyng ,
係唔係就咁用 竹蔗水 來煲(唔知點解細仔唔喜飲   )? thanks

alkyng 寫道:
Baoma:

我個女間幼稚園上兩個星期都有幾個小朋友出水痘, 所以我都有d擔心, 因我仲有個細女, 我怕家姐已傳染返來再傳給細妹, 學校比左張通告話水痘會響出痘前2-5日至結蕉個段時間有傳染性, 依家唯有keep住check下佢地頭髮邊緣位置有無異常, 因多數由個d位置開始, 有個中醫教過我, 佢話雖然依家仲未知有無被傳染, 但可以keep住煲d竹蔗水飲, 咁樣如果真係出都無咁辛苦wor, 所以我依家大概四日煲一次, 每次每人飲一杯.

alkyng

totoro:

正確係 竹蔗 / 矛根 / 一條紅蘿蔔 / 馬蹄 再加少少糖東瓜, 其實這款湯水久不久煲給小朋友飲都好好的, 不一定出水痘時才飲.

AuntieCat

唔打 - 可能會出, 出時辛苦
打了 - 可能會出, 出時冇咁辛苦

要打兩次才可.

以上是醫生話的...

我的囡囡BB時已打了.

Baoma

多謝各位回應，我都知道打咗針都可能會出, 不過可能出得冇禁犀利同冇禁辛苦，所以睇吓同唔同兩隻怪獸打. 但係依家佢兩個咁大個, 一來吾知有冇用, ニ來佢哋識驚同埋知痛, 無端端要打針又好似有D慘..不過都係睇吓今次佢哋有冇"野"到先啦, 可能"野"咗出埋咁就吾駛"lum"打定吾打, 不過到時佢哋就辛苦D啦 :cry:
多謝alkyng的竹蔗水tips, 己經la la 聲去買同煲俾佢哋飲!

emiluihk

係呀 竹蔗矛根 我媽都成日提我 , 話出緊嗰陣一定要煲比佢飲,因可幫助"谷" 晒出嚟喎 ... 呢D 都係老一輩既做法

醫生的話
水痘

●    是一種常見的傳染病

●    患者多為小孩

●    潛伏期大約為兩星期：如果和水痘患者接觸，預期非免疫者在兩至三星期內會出現水痘病徵

●    理論上，皮疹出現前兩天及水疱出現的一星期內，傳染性是最高的；患者應在水疱出現的一星期內避免接觸其他小朋友

●    傳染途徑：與患者直接接觸或經飛沫、鼻喉分泌物……等傳播

●    患者通常康復後會終身免疫

病徵包括：

■    輕微發燒、疲倦、軟弱無力

■    頭皮、腋窩、身軀都會出現刺癢的皮疹，皮疹也可會出現於眼皮及口部

■    皮疹會在數天內變成水疱

■    水疱大約會在一星期內乾枯，然後結痂

■    在一般情況下，症狀都是輕微的

■    成人患者的病情會較嚴重，而出現併發症的比率會較小孩為高

治療及預防水痘的方法

●    在水疱未結痂之前，患者應留在家中休息；

小孩亦不應在此期間上學

●    多喝水、進食有營養和容易消化的食物

●    皮疹痕癢時，可塗一些經醫生處方的止

痕藥膏於患處或服食止痕藥，而不應用

手抓癢或弄破水疱；因為水疱弄破後會

較容易受細菌感染，並會留下疤痕

●    如果小孩發高燒、拒絕進食、嘔吐及神

情呆滯，家長便應立即帶患者看醫生

●    老師如發覺小孩身上出現皮疹或水疱，

應立即通知家長

●    如需要接受水痘防疫注射，可向家庭醫生查詢

　

林溥仁醫生

晴B媽

打左好d, 打完係有機會出, 但出的機會率只係 3% 。 而且, 病情會好輕添。

打完唔出水豆係有97%, 所以, 我覺得值得打。

Meipo

我的小朋友就係 3%之一.  當時他的病情都唔輕嫁. 佢已經食了特效藥. 都發燒咗2-3天. 醫生話如他無打水荳針. 重大件事. 所以我都覺得值得打.

loy211

我小朋友都有打針,我始終認為佢就算出水痘,都冇甘辛苦.

Elsamouse

我囝囝2歲返playgroup時打左,前排老公"生蛇",touchwood,囝囝都...   

yoursoulfriend

我小朋友都有打

carmen.tam

我小朋友在5歲幾時打, 但健康院沒有免費水荳針打, 要在私家醫院或診所打, 醫生話可能有反應, 但好彩, 沒有反應.

Baoma

我兩隻小魔怪暫時都未有見到荳荳, 我都問過醫生, 原來係有特效藥可以食, 佢話如果個小朋友一出就帶佢去睇佢, 佢可以俾D特效藥, 食咗就會出得mild D, 冇咁辛苦。吾知原理係咪同打預防針差吾多呢? 聽到我就覺得定D. 不過醫生話若果今次冇”野”到, 就快D帶兩隻去打預防針, 咁我估呢隻針就算大個Ｄ嘅小朋友都有作用, 吾係淨係 for12-18月嘅BB。