你哋有冇小朋友學學下鋼琴轉去學小提琴呀

midcochow

我個小朋友現在學緊鋼琴, 但一路學一路話唔係好鐘意, 直至近排, 我想買個鋼琴比佢, 佢可能知自己唔係太鐘意, 怕我浪費錢, 所以終於提出話想唔學, o甘我問佢點解, 佢話想學小提琴, 我問佢, 小提琴一樣要練習, 但佢話想試下, 我都唔知點好, 如果比佢試, 我怕佢試完又好唔鐘意.各位家長, 你哋有冇小朋友又係o甘, 可否分享下你哋嘅經驗呀? thx.

Charlotte_mom

其實學小提琴比學琴更難! 初時既基本功更加唔少得, 無耐性既, 真係好快會quit
因為彈琴, 就算點唔識, 只要按果粒key, 就一定係出果個音, 所以要彈隻簡單兒歌, 亂彈都彈到
而小提琴, 手指按條弦, 個位置決定個音, 上落半隻手指位已經唔同, 所以要基本識彈(唔擺錯手指位, 唔拉到隔離條線), 已經要練一段時間, 所以, 成日叫小朋友重覆又重覆咁練, 可能佢都無咁既耐性去做
不過咁講, 小朋友係咪鐘意一種課外活動, 有好多因素既, 個老師夾唔夾, 上堂開唔開心, 都有一定影響, 如果你覺得想試小提琴, 無妨丫! 買個學生琴, 5,6百蚊有交易, 試下lor! 到時試完再睇下鐘意邊樣再決定lor, 或者佢係小提琴小天才都唔定呢

deniset

我當年讓小孩自己選擇她想學的小提琴，所以從頭到尾她都習得不錯。如果當年我逼她學鋼琴的話，她可能會抗拒，到今天甚至可能已經放棄。小孩很奇怪，好多時自己選擇的，都會學得比較投入。如果不喜歡的話，怎麽逼也逼不到。剛好在這相反，去年她才開始學鋼琴（也是她自己要求），我亦留意到她練習的時候很投入，只可惜每天花在鋼琴上的時間有限，兩者之間只好選前者爲重點樂器培訓目標。

midcochow

Charlotte_mom, deniset

好多謝你哋嘅意見呀, 其實我都知小提琴比學琴更難, 亦知道應該比小朋友選擇佢喜歡嘅音樂黎學, 但我只係有少少可惜, 因為之前學鋼琴加樂理都學左年半有多, 現在放棄好像很可惜, 而且如果學小提琴, 所有嘢要由頭學起. 再加上我怕他只係因為有同學仔學緊, 所以佢先話想學而擔心, 不過我都想比佢試下先, 如果佢真係鐘意, 先由佢決定佢自己想學邊樣.
不過我想問下你哋小朋友一開始學小提琴係咪已經係單對單學, o甘一星期你哋要練習幾耐呀, 同埋開頭學條頸係咪真係會好辛苦o架. 唔好意思, 問o甘好問題. thx.

Sindy

佢學過琴,小提琴既琴譜對佢黎講應該係好易的,咁可能會令到佢有心機係小提琴方面,其實佢話無興趣,仲好過我女唔比我停但唔練琴丫....試下小提琴都無防呀.....

deniset

我覺得如果您不反對的話，可以讓她試一試。既然她已經有鋼琴底子，對樂器有一點認識，同時年紀也大了一點，領悟能力也應比以前好， 您也不防讓她試試單對單。 好處是老師真的可以讓她感受到學習的樂趣。
起初不要對她要求太高，由她想練就練。她自己話要學的，應不會令您失望吧！

midcochow 寫道:
Charlotte_mom, deniset

好多謝你哋嘅意見呀, 其實我都知小提琴比學琴更難, 亦知道應該比小朋友選擇佢喜歡嘅音樂黎學, 但我只係有少少可惜, 因為之前學鋼琴加樂理都學左年半有多, 現在放棄好像很可惜, 而且如果學小提琴, 所有嘢要由頭學起. 再加上我怕他只係因為有同學仔學緊, 所以佢先話想學而擔心, 不過我都想比佢試下先, 如果佢真係鐘意, 先由佢決定佢自己想學邊樣.
不過我想問下你哋小朋友一開始學小提琴係咪已經係單對單學, o甘一星期你哋要練習幾耐呀, 同埋開頭學條頸係咪真係會好辛苦o架. 唔好意思, 問o甘好問題. thx.