讀男校係唔係特別曳?

Flyer

我覺得自小兒入讀男校後,discipline差左,而且係學校學埋好多幾俗既說話,又時時同我講有d學生好百厭,時時有人被bully,我都有問過一d朋友,佢地都有同感...仲講我地係九龍區名校都無分別, 間間都一樣喎   

iwantababy

讀男校係唔係特別曳??

我晌教過, 係好.....鬼.....曳.....  

Irene_BB

小兒都讀男校﹐但唔覺有這問題(每一班都可能有一､二個比較曳)

Teresa

我個仔都係男校, 我又唔多覺佢地特別naughty, 只係好好好好動!  

justinnma

if active=曳,the answer will be "yes".
boys are boys,active is nothing wrong.

fid

Yes,係唔係特別曳
My son too.  I will change next year

glorymum

我小朋友都是讀男校的，沒有曳呀，我都經常留意和向他了解他的學校朋友，最近派成績表的時候，他的班主任都告訴我知我個仔D close friends都好乖和肯讀書的，所以我更加放心。

如果仔仔讀男女校的話，反而我會擔心他會談情說愛，況且，有女仔的地方自然有是非，煩惱自然多。

所以只要妳多些keep 住同個仔頃學校事情，我覺得讀男校是比讀男女校好得多。

ohnono

時代唔同左，而家男校d男生可能重乖添呀，因為冇左異性的比較。小學時代男女同學會互相競逐，中學時代就互相愛慕。有陣時男女同學玩起上黎重癲，尤其是而家早熟，十三，四歲就話拖手拍拖，咁先至潮。

mayc

我個仔都是讀男校p.4,當然會有特別曳的學生,但大部份的學生都是ok的,同我個仔玩的同學都算是乖的,低年級可能集中力比較差,但高小的情況會有所改善,學校怎樣看也是很重要的,我仔學校了解男孩子的特徵,設計活動的教學,唔洗佢地由朝坐到放學,而且曳的話就無得去玩(飯後自由行),所以d仔都ok喎! :
我反而覺得在男女校可能更加突顯男孩子的活躍和坐不定!
致於俗的說話和在街聽到人講粗口,都是不可避免的,我們做家長只好解釋給他們知道這些是不好和不應該講,多了解他身邊的同學,如果同他玩的多是曳的同學,便要小心和教他選擇朋友,同班主任了解一下,轉校未必是唯一解決的方法的!

麟媽媽

我個仔都係讀男校，又唔係好曳喎，
活躍好動D 一定架喇，
成班女仔吱吱喳，咪一樣嘈到震！
有時要睇你評定「曳」係活躍定是壞，
好似亞仔同學開生日會打乒乓波，
玩既時候真係好嘈，個個跳跳扎，
但佢地真係自動自覺排住隊等打波的，
係多多口嘈嘈閉，但好有紀律，
有個member 經過問佢地讀邊間學校？
我話佢地好曳太嘈？唔好意思…..
但位先生話唔係，男仔係咁架喇，
佢見成班仔好守規則，話佢地好乖呢！

goodenough

男仔同男仔曳極都有個譜，男仔同女仔曳曳，你重頭痛！