tuen mun邊間小學好？係咪揀九龍/荃灣d學校好d？

蘋果

蘋果

半桶水

屯門都有好多好小學,吾一定要出九龍讀書.

不過,如果對傳統名校情有所鍾,非入不可.就一定要出去先揾到.

其實你揾吓小學討論區(全年),都睇到d媽咪係屯門選校嘅意見,

再睇中學討論區d媽咪長途跋涉要讀名校嘅意願,咁就衡量吓

自己嘅情況,才決定係邊區讀書最適合.

bigbigboy

我同意九龍區有好多好學校, 但一出一入, 亦花去小朋友不少時間, 即相對地減少了小朋友讀書溫習的時間, 真是有得有失. 要取得平衡, 我建議可考慮荃灣區的學校. 事實上, 荃灣區的確有不少好學校, 包括歷史名校和後起之秀:
1. 浸聯會小學 - 各科均有水準之上的發展, 屬歷史名校
2. 荃官小學 - 各科均有水準之上的發展, 屬歷史名校
3. 石鐘山小學 - 各科均有均衡的發展, 屬歷史名校
4. 石圍角小學(道教聯合會) - 英文教學出色, 低年級用普通話教中文話, 剛獲教協主辦全港小學閱讀比賽(活現書中人)全港第一名, 屬區內後起之秀
5. 基灣小學(馬灣) - 屬歷史名校, 但較遠車程
6. 伍秀明小學 - 屬歷史名校, 但只是半日制
.
.
.
.

半桶水

我諗大部份人心中嘅名校都吾係上述個類.

曾經有媽咪話「會考攞a多,吾代表係名校,名校個名吾係咁

易得來.」

我同意攞a多不等於係名校的說法.所以係新界區好學校係有,

名校係冇.有時報章上稱呼哩類為「地區」名校.

katelam

Oh! You are so clear for the school?
Do you know about Mei Foo?
My daught is the second one, Is there any good school for her?
Thank you so much!!

kate

健朗媽咪

有d家長覺得名校淨係個校名都可以對子女將來的前途有幫助,淨係講個校名出嚟,就算成績麻麻都會覺得高人一等,  如果你都係咁諗就一定要出九龍讀, 屯門同荃灣都無呢d學校

否則, 其實各區都有好學校, 任君選擇, 不過名氣當然無傳統名校咁响

其實選校都有好多因數應影響, 好似教學方法,成績, 校風, 課外活動, 中學網, 地區....學校的名氣亦都係其中之一的因數,亦好多人都幾睇重, 睇下你係傾向邊種因數多d, 其實學校無話邊間一定係最好,入到去就一定會前途光明, 只有適合同唔適合你的小朋友, 因為個個小朋友的性格都唔同, 唔同的小朋友有唔同教法, 所以你都要考慮埋個小朋友的性格, 不境返學的是他

katelam

I'm agreed about your talk also, but we need to prepare a good area good friend good culture for the child. Do you think so?

kate

半桶水

吾好意思,其實小學我認識吾多,除左出曬名嘅名校.

美孚吾清楚,幫你吾到,或者你上中學討論區,你揾007問(我覺

得佢識好多嘢,而且重好樂意答d媽咪問題,或者佢會幫到

你.

健朗媽咪

katelam 寫道:
I'm agreed about your talk also, but we need to prepare a good area good friend good culture for the child. Do you think so?

kate

古時有孟母三遷, 其實而家做家長都係咁, 如果唔係點會有"母親在名校門外等足7個月""為入名校一擲金千買豪宅"等等的新聞
我最近都聴個fd講為咗個小朋友入到出面九龍的名校, 由小朋友好細個開始, 每逢間學校有乜對外開放的活動, 幾唔得閒都抽時間要參加, 仲要次次都要捉到校長, 同校長傾訴下對貴校的誠意, 等校長對佢印象深刻, 攪足幾年, 先比佢入到心目中的名校
我就真係無佢咁好氣, 咁多時間不如留返嚟同亞仔玩下或者學下其他野充實自己同亞仔好過, 我只係要求亞仔開心健康, 唔好學壞就得, 不過我個fd就覺我咁諗好唔啱, 其實都係各人價值觀唔同啫

半桶水

認同健朗媽咪講:「各人價值觀吾同」。

讀吾讀名校係無話「錯」定「對」。

ada29

屯門咁多好學校,係咪一定要揀九龍/荃灣嘅學校,
個小朋友朝朝咁早起身會好辛苦,要想清楚!

半桶水

ada29 寫道:
屯門咁多好學校,係咪一定要揀九龍/荃灣嘅學校,
個小朋友朝朝咁早起身會好辛苦,要想清楚!

同意説法

我有兩個小朋友,大果個讀僅預科,細果個讀僅小六.
兩個除左讀書外,還要參與學校活動.
早前大女話要參選學生會,放左學還要喺學校做嘢.
聖誕節假期大女話要返學校幫手做Eng camp (helper).
細女早前都好忙,佢係朗誦隊,歌詠隊,手搖玲隊,風紀隊長,救傷隊長,係學校都好多職責.我自己相信地區學校有能力培養到好學生.與其花更多時間上學,不如用多d時間係學校道.小朋友多d返學校幫手,要佢知道自己係學校一份子就要幫學校出一分力....

蘋果

甘邊幾間好呢？亞仔出年要揀學校lar！

半桶水

其實都好難講邊間話絶對好定吾好,睇吓你想要d吔?

我小朋友當年升小一時,有幼稚園同學揀學校第一條件係要
「吾好咁多功課」.

我自己覺得隨着小朋友成長,對揀學校思想都有改變.我小朋
友當年係九龍讀過私校,英文課程係讀高一級,有中數及英數,
小一科學已經用英文作答,默書讀完從未取過滿分,原因係除
左默課本還要默課外英文(無範圍比你讀).同學成績其中有科
攞b都好吾高興,小一同學媽咪已經一套又一套百科全書買比
小朋友睇,對住本書時間重多過返學,競爭一定比普通小學大.
小朋友做功課曾經試過做到深夜,自己同小朋友都要承受壓
力.有人認為壓力就係推動力,令讀書成績更高人一等.

所以,我還是覺得你睇吓自己情況,睇吓小朋友適合邊種教學模式,
再上泥問吓d家長心得.

健朗媽咪

其實你小朋友係唔係讀緊 k2?
如果係, 其實k2下學期開始都會有d參觀小學的活動, 你如果唔係咁熟本區的小學, 就要抽時間去下, 了解下邊間啱你心水d, 又可以問下你的幼稚園老師/主任.....佢地都可以比到d意見你

仲有成大半年先輪到你選校, 可以慢慢諗, 慢慢揀, 唔駛咁急

不過有一點可以提提你, 屯門有d小學會有收生不足的問題, 有d都係每級得返一兩班, 所以選校時一定要優先考慮收生問題, 如果唔係入到都有可能因為殺校而要轉校

bigbigboy

今時今日的教育， 不可只是盲目追求「名校」效應。 替子女選學校最緊要是合適。 我的侄仔也是入讀九龍塘區名牌小學， 但那裡的教師上課時根本不用教書，只需要每天上課測驗 默書便可以了。 因為學生家庭背景好， 如果唔「谷」得的學生都遭淘汰及轉校或是缺乏自信，影響學習情緒。本人對選校有以下的意見：

*不一定要選 “最受歡迎” 的學校，最緊要是 “合適”，除了解仔女性格和學習情況外，還要了解:

²        學校的校本課程(例如: 用普通話教中文、能力訓練等)
²        教師的教學態度/要有愛心
²        校長的領導/衝勁/態度
²        學校要有基本學習設施
²        校工/書記的態度
²        多元化活動/課外活動

你認同嗎？