請問怎樣替阿仔做考試溫習

ngyy123

BB2WONG:

好多謝你的分享, 提點了很多

chungchungmummy

BB2WONG,

THANKS FOR YOURS SHARE.
你好勁呀

大眼仔mama

要考試成績好和到考試時大家都無咁辛苦, 一定要平日嚴格一點:
平日:
1) 一定要日日睇功課, 才可以了解小朋友學僅乜, 而且知道佢平日通常有乜唔小心和不理解
2) 要求小朋友做功課或做不計分數的試卷也要認真, 因為習慣了做事認真, 到考試時就無須刻意訓練
3) 中文科每教一課便叫囝囝把該課的詞語抄在筆記簿及作句
4) 在時間許可下, 多做不同類型課外題, 特別是數學, 睇慣題同計得多, 自然理解力高和計數又快又準
5) 多看課外書籍, 有助閱讀理解和作文 (但這方面我暫時未能叫到亞仔做, 所以佢作文比較差)

考試期間:
1) 在考試的兩三星期前, 加強中英數的課外好練習
2) 中文科大部份詞語及成語我也會出題, 有成70題ga, 然後再溫其他
3) 英文要囝囝利用每課的keywords & key structure去做句, preposition 由小一閞始已分類, 每年累積, 溫完再溫. Tense有keywords summary, 都係每年累積.
4) 數學多做課外已可以, 但要remind佢怎樣check 題和做題目的技巧
5) 常識/GS 我會看完所有書, 作業, exercise, test paper, etc 然後summarize一份卷佢做, 包保一滴都無漏. 常識有時事題, 所以要留意平日的時事, 中國、香港的主要官員和各大國的元首

其實, 除非小朋友好有自發性, 現在做mami的真的好忙. 佢讀乜我就讀乜, 但囝囝見我咁勤力, 佢都唔好意思唔讀. 佢都明白辛苦幾天便可以回復平日的輕鬆. 因為成績唔好, 日後便要加強溫習和做exercise. 再加上獎勵計劃, 囝囝so far d成績都ok la!

Teresa

大眼仔mama,

你話"3) 英文要囝囝利用每課的keywords & key structure去做句, preposition 由小一閞始已分類, 每年累積, 溫完再溫. Tense有keywords summary, 都係每年累積. "..

請教一下, preposition點分類?? tense既keywords summary即係點做?

melody0814

大眼仔mama /BB2WONG,
HI, 你地係做野定家庭主婦來架, 有咁多時間同你地仔女溫習既? 因我要做野, 當回來時都無咩時間同阿女溫習, 因我女每天放學後做功課, 做完功課就去補習及學課外活動, 我番到來要成7:00 , 回來就要食反, 食完反仲要同佢默下書, 有時又要查佢既功課及講解一下, 真係無咩時間, 你地係用咩時間同佢溫習架? 是否有做1個時間表, 我都唔知點分配時間同佢溫習, 可否分享下!

HEE

Dear BB2WONG,

你真係好有方法, 我成日都唔知點同阿仔溫, 係呢, 唔知可以俾d notes 我參考一吓, (如果唔得唔緊要), 因阿仔而家讀P. 4, 一日都唔合格, 特別係 General Studies 同 Maths　（佢學英文的）.我真係好唔識教, 唔知係咪我攪成佢咁

十分謝謝你的分享！！！

BB2WONG

H&L,

我大仔是在九龍城聖三一堂小學，明年會轉英小。我細仔明年也會入此校（細仔現於聖三一中心幼稚園）！雖然不是什麼名校，起碼有算可以接受的中學back up，學費又afford得起。另外佢真的很開心又沒有壓力地學習，（每天最開心是上學，最不開心是放長假）而且佢地是用普通話教中文，加上明年轉英小，對於我本人來說是不差的選擇！我自己就從來沒有想過把兒子送去喇沙、拔萃、英華這些學校，因為自己只是一般家庭（我又要番工），怕他們會不好受（只是我自己擔心而已）

KKKK

Hi bk friends,

My daughter is in St Paul Convent. Her English is good but Chinese to her is difficult. I nearly spent all the time with her is to study Chinese. I do not have time also, only give guideline to her. I did not have time to set exercise to her though I think it's good. She finds difficulty in writing Chinese Comp and sentense. Now I forced her to read Chinese books (but she always cheated me to read English ones).

melody0814

BB2WONG,

咁你每日用什麼時間去分配溫習的內容, 因我回家的時間都不夠用幫好溫習?

pl125828

Wow! Unbelievable!        

BB2WONG

咁你每日用什麼時間去分配溫習的內容, 因我回家的時間都不夠用幫好溫習?-------------
我唔係每日都會做d物，而係sun一有空就make 本notebook，或者找到一些有用的資料就先save在flash disk內，到有時間就把資料加插在本notebook上，到考試前2-3weeks才真正print出來，貼在靚靚簿上，每unit都預留一頁空的，以備可以加插資料或者佢自己覺得有邊d地方想再remark！

我晚上回家一丁點時間都沒有，唯有check功課時會記d，咁日頭在公司又有時間又有印象時，就得閒打d！或者例如我想呢幾日出eng題目，我就一邊check功課，一邊mark低d佢時時錯，或者真係難既題目，第二日回到公司打入flash disk。到sun就print出來比佢做好，所以家裡有printer及scanner會好d！好似佢學校就幾配合，盡量係friday派番d工作紙、作業番屋企，咁我多數sat有時間就scan定，或者sat特登回公司copy番一下，比佢多d practice，我會先把佢既作業及工作紙 make幾個copy，比佢做得好熟，然後在那些題目上略為轉一下，再比番佢做睇佢識唔識轉彎？

所以我一般都係在公司做，番到屋企邊有時間？

大眼仔mama

Teresa

囝囝學校是用Longman Express, P.5上學期讀5B, 下學期用6A, 所以囝囝都問我咁六年級下學期讀乜? 我諗到P.6下半年主要用來review la?! 反回正題, Longman Express 每課課文之後都會有keywords & key structure. Key structure 只有幾個舉例, 所以要小朋友充分理解同運用新學的生字和句式, 最佳方法就是用所學的keywords去做句, 自問自答, 類似guided writing咁.

至於preposition, 分類的意思是把date & time, festival, location, etc 去分, 還有不同的Phrasal verb, 市面上有些exercise都有類似的分類.

Tense keywords summary係指把Present tense, Past tense, Continuous tense, Prefect tense的重要字眼總結, 如 Present tense: every day/year, always, usually, often, etc; Past tense: yesterday, last, ago, etc 如此類, 再加上一些例句和特別例子等

Teresa 寫道:
大眼仔mama,

你話"3) 英文要囝囝利用每課的keywords & key structure去做句, preposition 由小一閞始已分類, 每年累積, 溫完再溫. Tense有keywords summary, 都係每年累積. "..

請教一下, preposition點分類?? tense既keywords summary即係點做?

Teresa

好詳細呀!!! 唔該哂.  我仔而家小二, 用My Pals are Here, 我諗我要開始好似你咁做notes比佢喇.

大眼仔mama 寫道:
Teresa

囝囝學校是用Longman Express, P.5上學期讀5B, 下學期用6A, 所以囝囝都問我咁六年級下學期讀乜? 我諗到P.6下半年主要用來review la?! 反回正題, Longman Express 每課課文之後都會有keywords & key structure. Key structure 只有幾個舉例, 所以要小朋友充分理解同運用新學的生字和句式, 最佳方法就是用所學的keywords去做句, 自問自答, 類似guided writing咁.

至於preposition, 分類的意思是把date & time, festival, location, etc 去分, 還有不同的Phrasal verb, 市面上有些exercise都有類似的分類.

Tense keywords summary係指把Present tense, Past tense, Continuous tense, Prefect tense的重要字眼總結, 如 Present tense: every day/year, always, usually, often, etc; Past tense: yesterday, last, ago, etc 如此類, 再加上一些例句和特別例子等

[quote]
Teresa 寫道:
大眼仔mama,

你話"3) 英文要囝囝利用每課的keywords & key structure去做句, preposition 由小一閞始已分類, 每年累積, 溫完再溫. Tense有keywords summary, 都係每年累積. "..

請教一下, preposition點分類?? tense既keywords summary即係點做?

[/quote]

大眼仔mama

melody0814

我同BB2WONG既情況都好似. 我都係working mother, 仲係有時忙到嘔, 要成八、九、十點先番到屋企, 所以平日主要就是睇功課, 要默書就默書, 有測驗就溫測驗, 平日放工回家跟本無多餘時間做其他野, 因為讀書之餘, 我會盡量每天安排時間同囝囝傾談或看電視. 我希望溶入佢既世界, 了解佢內心, 給他意見之餘要多點聆聽, 我會問下佢最近那套卡通片最好睇 (囝囝每天可以選擇兩套共一小時之電視節目), 有無有關玩具推出, 傾下學校既事, 最近同邊個同學仔最friend等, 所以囝囝讀書無壓力, 我地仲好friend ga. 由於平日回家無時間, 所以通常都是利用lunch hour出定卷和exercise, 如果在公司都無時間, 就會在囝囝瞓覺後才出題, 好幾次星期六出到零晨三點, 一來為了囝囝可以在星期日做, 二來可以爭取時間同仔囝囝在星期日出外玩下, 我好著重家庭生活, 希望囝囝有快樂的童年. 囝囝除了一星期有一次兩小時的寫作補習外, 無其他補習. 因為佢最唔鍾意寫野, 佢什麼exercise都肯做除了寫作, 所以才在今個年度請了位姐姐回來, 囝囝又無抗拒, 仲幾happy, 所以有時有d野都要找外人幫助. 但所有功課, 測驗, 考試都是由的一手包辦. 有時我都覺得自己是Superwoman, hehe

melody0814 寫道:
大眼仔mama /BB2WONG,
HI, 你地係做野定家庭主婦來架, 有咁多時間同你地仔女溫習既? 因我要做野, 當回來時都無咩時間同阿女溫習, 因我女每天放學後做功課, 做完功課就去補習及學課外活動, 我番到來要成7:00 , 回來就要食反, 食完反仲要同佢默下書, 有時又要查佢既功課及講解一下, 真係無咩時間, 你地係用咩時間同佢溫習架? 是否有做1個時間表, 我都唔知點分配時間同佢溫習, 可否分享下!