如何矯正小朋友字體？

holee

我個女（小一）做功課問題不大，但字體方面控制不好，同一行字有大有小有上有落，是否需要矯正還是讓她自行改善呢？我經常要她擦去不好的字再寫或多寫十個八個練習後才寫上功課簿．現發覺她開始不敢自己做功課，要等８點我放工回家才開始做．這樣該怎辦？又如何矯正呢？

晴B媽

可能有人會不同意我的論點.....咁你聽左就算,唔好罵我。

我個人認為現在已進入電腦時代, 工作書信往來都全用電腦打字, 仲有幾何用筆寫?  我讀大學時都係用電腦打字來交功課, 從來無人用手寫....現在中學小學都逐漸用電腦形式交功課做project了。
基於以上原因, 我認為字體寫得靚唔靚已經不再重要, 最緊要是識寫,清晰及沒有寫錯就ok了。所以,我從來不會要求女兒寫得"靚", 沒有寫錯的話,我是不會"擦"的。老實講,讀書是求知,字體又不影響成績,我自己的字都好肉酸, 但我一樣大學畢業.....與其花時間在寫字, 我情願留番d時間同小朋友睇多d課外知識好過啦,時間寶貴呀!

不過, 如果你覺得很必要寫靚字的話, 你可以俾小朋友參加"書法班"的,好多機構青少年中心都有搞,一個月2-3百元, 會教怎樣去"裝字",令字體看來靚d。

eviepa

晴B媽：

完全同意。

eviepa

鳳梨

不過出黎做嘢,
你去apply份工,都要填form啦
d字整齊d同埋靚d, 會較impressed

ymama

晴B媽:

早幾日明報有報導:會考作答字醜是會失分.
所以我覺得字不能寫得太醜但也不用"鬼火"咁靚, 但一定要端正, 起碼見得人.

ymama

shun282

同意鳳梨說法
有一人見了很多次工都不成功也不知甚麼原因，直至有人用不敢恭為來形容她的字體她才知道
小女現讀Ｋ３，在她剛學寫字時我只要求她的筆順正確（我不會擦她的字）當她寫得不好時我會提議她怎樣寫會好看些問她想不想擦
當她寫得好時我會讚她，還有她有時會覺得很難寫我會對她說”剛剛寫會很難慢慢寫就可以掌握到”，到現在我只須看她寫頭一行沒有問題就go ahead
現在你可嘗試不擦她的字令她慢慢恢復信心、加油！

holee

完全明白,謝謝!
我覺得要求寫字認真,是給小朋友明白做任何事都需要認真,無論寫或讀書.是做人態度的問題. 只是我過份急進,要放寬些要多鼓勵她.

holee

相當同意,寫字端正是起碼的要求,只要relax, 記著她只是小朋友.不要迫得太緊.

leschelems

我也想來分享我的經驗.

幼稚園和小一時我把功課準確無誤和字體美觀的要求分開.學校功課繁多,小朋友兩項要求不能同時達標,所以學校功課我在一年級時只要求無誤及整潔.空閒時我會和小朋友一同做鋼筆字臨摹.到二級時,小朋友漸漸把兩項要求融為一體.現在,字體經常受老師讚許.

希望可以對你有所幫助.

ohnono

我覺得寫得快緊要個寫得靚，答問題又唔怕唔夠時間做，做野又快的。而家寫得靚已唔係咁多人惜得欣賞。寫字寫得靚可寫書法，應有改善。亦可作為陶冶性情的方法。

Verveine

我女兒小一時寫字都寫得很差，不過我會體諒她年紀小，手指小肌肉控制得不好，不會太苛責。但我會要求她每天練習寫自己的名字，因為我們一生中實在太多機會寫自己姓名，所以自己姓名絕不能寫得馬虎。因此，即使女兒大部分字體寫得不好，至少簿面、作業面及試卷卷首等的名字寫得整齊。

bk2005

我覺得要求寫字認真,是給小朋友明白做任何事都需要認真,無論寫或讀書.是做人態度的問題.

  

ohnono

我個仔讀書和做野都好鬼認真，唯獨寫字就唔靚，整齊就尚可，真係吹乒乓！

eviepa

ohnono 寫道:
我個仔讀書和做野都好鬼認真，唯獨寫字就唔靚，整齊就尚可，真係吹乒乓！

每樣都那麼好，只是字體不佳，真是又羨慕又妒忌。要是我女兒是這樣，我就不會吹乒乓，而是笑逐顏開了。

Matthew_媽咪

我個仔 d 字都係寫得唔靚, 仲要係 d 筆順全部錯晒, 寫中文字好似畫公仔甘, 老師, 補習老師都同我反映過, 一般筆順由左至右開始寫, 佢就右至左, 寫部手 ~ tick 手邊, 應該係橫直 tick , 佢就 tick 直橫, 全部筆順錯晒, 真係唔知點算     

KooKoo

click here

ha8mo 寫道:
我老婆兩個姪女的筆劃亂晒龍
有冇咩視聽教材可以幫到佢架？
THX