小朋友幾多歲開始學琴好D呢?

ivywang

我想知通常你哋會幾時比小朋友學琴呢?

我個大女由5歲開始學, 宜家7歲, 學咗2年仲係Grade 1, 佢好似冇乜心機學, 但係我又唔想佢放棄 ... 係唔係我太早要佢學, 攪到佢覺得難, 驚咗所以成日唔想學 ...

我個細女宜家4歲半, 我應該幾時比佢學好D呢?

ivywang

ming2,
多謝你嘅意見 ... 我個女初初個琴老師, 可能見我個女仲細, 所以就冇迫佢, 攪到佢唔數拍子, 認音又慢 ... 於是佢學咗18個月, 我同佢轉咗老師, 宜家學咗6個月, 都好明顯有進步(雖然仲係1級) ...
我個女每日會練30-45mins琴, 不過喺屋企練, 唔係幾專心, 而且一遇到難小小嘅歌就好唔願意彈, 我又唔敢迫得太緊 ...
而我本身係唔識彈琴嘅, 不過諗住喺屋企個女唔識都可以教吓佢, 於是自己都學埋一份, 宜家學咗1年度, 學緊Grade 2, 所以我都諗住初初自己教吓個細女, 睇吓佢有冇興趣先比佢跟老師學 ... 唔知咁樣有冇問題呢, 會唔會"學壞手"?
同埋想問吓有咩方法可以令到我大女鍾意彈琴, 帶佢去聽多D Piano Concert 有冇幫助呢?  
Thanks!

LENGMA

ming2,
我個女宜家在Tom Lee o既 Music Class 學緊音樂, 內容包括睇譜, 打拍子, 唱歌, 彈琴和跳舞, 但唔係彈鋼琴, 而係彈電子琴, 我老公話想佢學完今年就正式找老師學彈琴, 我想知其實繼續學Tom Lee音樂班(兩件制)培養興趣, 還是另外重新開始去學琴呢? 因為我很怕個女會對音樂反感(成日都要練), 咁就得不嘗失? 我個女剛剛5歲大
找老師的話, 應該用什麼準則來衡量邊個好邊個唔好? 上課又唔可以一齊上, 睇下佢教得好唔好? 咁就得佢講冇我講?
請賜教

ivywang

ming2,
唔該哂!

LENGMA,
你個女係唔係喺元朗間Tom Lee讀呀? 個課程好唔好, 佢學唔學倒數拍子, 睇譜呀, 姑果好我都想比個細女試吓, 幾多歲可以讀架 ... thanks!

muiying

Hi Ming2

很欣賞您對每一位學琴家長的疑問的細心分析與解答, 你真是一位出色的老師, 我們琴童媽咪其實在子女學琴的不同階段, 真的是充滿疑惑, 特別係雖然不懂得彈琴, 卻要去理解子女彈琴時所遇到的限制與情緒, 畢竟他們還幼少。實在太不願意把音樂那麼美好的東西, 變成幼小心靈的壓力。

我現在遇到的難題是: 如何協助女女克服表演/比賽/考試的緊張情緒。在學習的過程中不免要參與表演或比賽, 如何令她不致因緊張而影嚮表現, 或因害怕表演/比賽/考試影響學習情緒。

很希望您給我一些意見。多謝。

Lyn

Dear Ming2,

我一直都有留意你的有關鋼琴的留言, 你非常願意幫人. 我從中學了不少知識. 這裡的媽媽甚有福氣.

現我有一些問題, 希望你可以幫解疑慮:
小兒己學了一年多鋼琴, 我覺得小兒的能力應可應付更多的練習, 或說是更快的進度(因我略懂音符, 及我跟得非常帖還有小兒很喜歡鋼琴), 但老師每每都有你急她不急之感, 我曾暗示她可試讓進度行快一些, 但很快又如故. 我曾和她閑談, 原來她的想法是學生如能在會考前考完八級就perfect了, 我的天! 我兒才六歲多.

我的問題如下:
1. 我兒琴書有四本和一本樂理, 但老師一般都不能check完四本書,常常留一本下堂才check, 新歌有二至三首, 當中常有我已教了小兒而且練得可以收貨的歌; 又覆琴時, 有些歌(已練好熟了)又要再下星期返覆, 搞到我倆都好洩氣. Ming2, 這樣的進度是否正常?

2. 請問出年考三級, 是否要隔一年才可考慮五級?

3. 一般智質的小童, 如果肯努力, 可以在六至七年學成八級嗎? 我兒老師給的進度, 是否粉碎我的大計?

Ming2, 在此先謝.

Regards,
Lyn 　

LENGMA

ivywang,
我個女就係o係元朗大馬路通利上音樂班, 佢地要家長陪上堂, 一班有12 pairs 家長和小朋友, 每組有一個電子琴, 會教唱歌, 跳舞, 彈琴, 樂理, 睇譜, 每星期一堂, $470/4堂, 但我聽朋友講價錢分weekday和 weekend, 我就上星期三, 可能星期六,日會貴小小, 但因為太多人想學, 要排隊等通知, 我都等o左九個月(差D唔記得自己報o左名), 你去報o左名先, 等佢通知先再考慮有冇興趣和時間啦!  佢地分年齡來分班, 最細個o個班 for 3歲, 我個女上緊4-6歲o個班, 個課程係上兩年o既, 我個女已經上o左9個月喇!

LENGMA

ming2,
很多謝你給我o既意見同提醒, 我宜家才知道原來你是一個老師, 是私人教或是在學校裡做老師?
我個女已經o係通利學o左9個月音樂班, 我見佢近期開始對彈琴有興趣, 佢自己會走埋個琴到練習, 不過有時都會亂彈一通, 我見到佢走去彈我就會聽佢彈成點, 如果冇錯或是有心機正經彈的話, 我都會讚佢, 就算亂彈我都唔會話佢, 因為我覺得都要俾時間佢同個琴/音樂培養下感情o既, 如果每次行埋去都只可以練的話, 對一個剛剛5歲o既小朋友o黎講好似太嚴肅了, 我始終覺得學琴又好學什麼都好, 都要有興趣做基礎, 冇興趣的話只會好似機械人咁唔知為乜, 係嗎?
其次就係做法和過程, 所以家長o既角色很重要, 我宜家每逢星期三上堂我一定安排時間去, 就算返工都盡量調到可以帶佢去上堂, 就係想做個榜樣俾佢睇, 等佢知道學o野係唔可以半途而廢, 就算唔想學都要有理由, 唔係可以隨隨便便缺課o既, 希望佢可以養成好o既學習態度和習慣, 但就係因為咁, 俾佢去學琴對我來講就更加大壓力, 因為一開始學就咁多年, 正所謂八年抗戰咁, 佢得我都唔知自己得唔得, 我好驚如果我捱唔住, 唔能夠堅持咁多年, 俾唔到時間上,精神上,金錢上o既鼓勵和支持佢, 我會憎我自己, 你話我係唔係有D杞人憂天呢!? 不過點都好我唔想將音樂變成壓力, 為o左練習/考試/表演而學習, 甚至影響親子關係, 會變得冇意思, 音樂在我們每個人一生當中都好重要, 音樂對我們o既影響實在太大喇, 試問一個憎恨音樂o既人生活係幾咁可憐呢? 學懂欣賞音樂才是我最想她做到o既事, 這才是她一輩子o既福氣!
可能悶親大家或離o左 題, sorry!

LENGMA

好彩冇悶親人!

ming2,
多謝你明白我的想法.  
從文中所知, 你即是話如果我能夠支持到過o左佢最難過o既時期, 就大家都會好過D, 而佢亦會知道自己做緊乜!? 係嗎? 咁我都唔駛擔心成咁, 我真係壓力好大!
多謝你o既提點, 始終你o既經驗比我多

ivywang

LENGMA,
唔該哂 ... 我會去元朗間Tom Lee, 幫我個細女同個仔報定名先 ...

ring2,
你真係肯幫人, 我睇完你嘅回應, 真係學倒好多嘢, 相信你一定係一個好老師!    

Umi

ming2,

好耐冇同你講下我個女既狀況喇! 唔知你仲記唔記得我呢??

我個女跟琴行老師學左3個幾月, 都ok, 老師話佢咁細仲未知有冇潛質, 只係話我個女唔抗拒學琴, 都好定, 但老師對我個女既手勢唔係好執著, 因為我見佢練琴時既手勢好似唔係咁正確, 我都有同老師講過, 佢解釋話呢個時候最緊要唔好令小朋友抗拒學琴先, 因為試過有小朋友跟一個執得好正既老師學左成年琴, 都仲執近手勢, 進度好慢, 所以小朋友都冇咁有心機, 所以後來都轉左比佢教.
而每星期有三次去琴行練琴, 但我最近發現係咪我迫得佢緊呢?  有時我都覺得唔知點好, 試過有一次練琴唔正經, 我好嬲, 因為佢係應該知道呢個係咩音, 但好似發近夢咁, 後來返到屋企就問佢係咪唔鐘意學琴, 如果係我就比第二個小朋友學, 仲同佢話唔係個個都有得學既, 係乖既小朋友先有得學, 咁佢就喊住同我講佢學,  咁佢下次去練琴既時候, 又好似好D喇, 但始終唔係太穩定, 係咪我個女既資質唔高但我既要求太高呢?  因為練琴得半個鐘, 有時練到20分鐘左右已經問我可以走咪, 真係比佢激死, 現在我都有少少改變策略, 就係佢揀完一首歌練時, 下一首到我練比佢練, 咁佢就好似好D, 但佢一遇到一些佢認為難d既歌就會跳左佢, 咁我應該點做呢? 係咪隨佢喜歡呢?

muiying

Hi Ming2

多謝您的解答。我女女係琴行學, 跟一個姐姐學左一年多, 感覺是進度良好, 老師常說她"可以的"或"很好"或 "好有心機學", 依我們的感覺, 她真的很有興趣, 對音樂亦充滿"好感", 我與她閒談都不時問她:學得開心嗎？好玩嗎？她經常給予很正面積極的回應, 令我"老懷安慰"

無可否認, 是性格使然, 她比較膽小, 試過有一次彈琴比賽得了個優異獎, 她竟不敢上台領獎, 原來她怕黑, 令我們哭笑不得, 由個日開始, 我決定要再給她多些上台表演的機會, 加多些鼓勵, 希望緞練她的勇氣及膽量。在鼓勵與游說的過程中, 可謂戰戰兢兢, 既要令他建立信心上台, 又擔心太沉重的壓力反影嚮她學琴的興趣......我希望她真的可以從過程中學會自信地面對上台的壓力, 這比任何獎項都珍貴。

Lyn

Dear Ming2,

非常感謝你的回音, 我受益非淺.

- 我是學過別的樂器, 但對鋼琴卻是自仔仔學鋼琴始. 我跟隨他的進度學, 家中有電子鋼琴, 我就慢慢學, 先分手再合手, 學好了新歌再教仔仔, 拍子, 歌符及指法都不是問題, 當然, 我一直對仔仔強調以老師教的為準.

- 小兒老師不是要中五才考五級, 而是八級.

- “係咪指老師未能每次都四本書教齊,定係未能係上課時間佈聽晒上堂所要求番覆同新學0既歌....” 兩者有之, 這樣的事常有發生. 該老師的要求頗高, 對指法尤甚. 我跟其他媽媽談起, 她們都同感. 當然, 老師要求高是好的, 只是我覺得好像進度不應如此慢. 其實我都有跟老師談過這個問題, 只是她常說, 你仔仔已學得很好了, 有些歌差一點, 要下星期再彈一次. 當然, 我想她不會隨便讓我教的歌過關, 否則她成了多餘了.

- 想知道你要仔仔咁趕完成個八級有咩用呢?   
這個問題是我第一次面對的, 可能你身為老師和家長在觀點和角度上有一些不同的見解. 原因: 其一, 我原在職媽媽, 因裁員才成為全職媽媽, 我在家的日子不是永遠的, 我希望在我能力範圍內, 幫仔仔推快進度.  再者, 我深知, 有天我是跟不上仔仔的進度的; 其二, 仔仔在低小的功課相對較少, 能spare多些時間來練琴: 其三, 是金錢, 時間短了, 金錢和時間就省回了.

我家三代都愛音樂, 我不是只要沙紙不理其他的人, 只是聽聞其他小孩都有在小學就考取八級, 而突聞仔仔老師說要中五才能完成, 頓感徬徨!

又,因該老師是我第一次接觸的老師, 她的所言我無從比較, 我一直想找機會要你幫我解疑慮, 因我以前對你的留言有很深的印象.
Ming2, 謝謝你, 你確實為我解了大半年的疑慮.

Regards,
Lyn