比較陳瑞琪(喇沙)/丘佐榮/何官

echo123

請問呢3間學校既分別, 及優先次序, 謝謝!

陳瑞琪: 聽說退步了, 學生品行一般
丘佐榮: 是不是收女生較多, 課外活動比較文靜
何官: 好似好全面, 但因中中關係, 入大學時會否較辛苦

請各位高人指點指點, 唔該晒!

BillyM

何官是中中，其餘是英中，你要揀了讀中中定係讀英中先。

如果教學語言係無所謂，三間學校應以丘佐榮排先，何官次之，陳瑞祺最後。

丘佐榮排先，是因為是英中，而收生質素較高。

何官是區內中中首選（培正有小學，不計），故排第二。

陳瑞祺學生較頑皮，除非學生自覺性高及想讀男校，兼且是BAND2又好想入英中，否則暫不建議考慮。

順帶一提，要選這3間學校的應是BAND2生（假設現在是問自行收生的2間），如果係BAND1生，就可以揀些好一點的。

echo123

由 BillyM 於 2006-11-28 12:03:11

何官是中中，其餘是英中，你要揀了讀中中定係讀英中先。

如果教學語言係無所謂，三間學校應以丘佐榮排先，何官次之，陳瑞祺最後。

丘佐榮排先，是因為是英中，而收生質素較高。

何官是區內中中首選（培正有小學，不計），故排第二。

陳瑞祺學生較頑皮，除非學生自覺性高及想讀男校，兼且是BAND2又好想入英中，否則暫不建議考慮。

順帶一提，要選這3間學校的應是BAND2生（假設現在是問自行收生的2間），如果係BAND1生，就可以揀些好一點的。

唔該晒BILLYM, 我亞仔係BAND 1 尾, 佢自己無信心讀英中. 除左呢幾間, 要睇高一線既, 係九龍城有D物野選擇呢?

BillyM

「佢自己無信心讀英中」

咁你又覺得點呢？佢讀唔讀得黎？

你要想清楚，英中定中中，這3間之上的全是英中，你要佢去讀，仔仔會否接受？

個人覺得，讀到英中固然好，但如果英文真係麻麻，又對英文唔多大興趣，入到英中可能係害左個仔。不過人人case唔同，你係家長應該會最清楚小朋友的情況。

答返你的問題，再上一級，你可以揀黃笏南、迦密、銀禧、開平及華英。

echo123

再次唔該晒BILLYM, 佢英文都有90+ 以上, 但單一科英文, 同全科英文, 始終都有好大分別, 可能係我自己都對佢無信心啦.
黃笏南、迦密、銀禧、開平及華英,
開平: 自己唔係咁鍾意
其他淨係知道係BAND 1 學校, 同埋都有D名氣, BAND 1 尾自行派位時報讀, 會唔會陪太子讀書呢?

vivi_vivi

BillyM,

你好熟悉九龍城網ge中學，我想請問你，如果係女仔，但係又band 1中至尾成績，係九龍城網揀邊幾區學校會穏陣啲呢，剛剛參加完迦密的閞放日，朋友的囡囡感覺很好，想請問迦密及嘉諾撒聖家這兩間學校的校風同要求，係九龍城區邊間會易入啲。

仲想八下，唔知華德上午校ge 派入band 1 中學的比率。   

brandy

BillyM,

請問如果 band 1 尾女生第一志願迦密 or華英好? 而 2,3 志願選 Holly Family or 黃笏南會否不智.

rclamlam

brandy,

黃笏南都係一線中學來喎, 你咁讀法會唔會危險呀? 因為你女係band 1尾, 真係要好博個隨機編號好先得.

rclamlam

vivi,

我會揀迦密中學, 嘉諾撒聖家會比較嚴.

rclamlam

echo,

都唔可以話鱔太子讀書既, 係自行一定係搵高於自己程度少少既中學, 都博下入既機會, 當然啦, 機會真係好少, 但係如果唔咁樣揀, 就唔可以係統一派位時再博下籌入去心儀既中學架啦.

ngkwaiyee

BillyM,

我都唔知我小朋友係band幾喎?!
佢讀獻主會小五呈分試佢考97,但小六非呈佢就考24,
咁請問佢應該係band幾呢?
另外如果考迦密機會大唔大呢?

BillyM

echo123 寫道:
再次唔該晒BILLYM, 佢英文都有90+ 以上, 但單一科英文, 同全科英文, 始終都有好大分別, 可能係我自己都對佢無信心啦.
黃笏南、迦密、銀禧、開平及華英,
開平: 自己唔係咁鍾意
其他淨係知道係BAND 1 學校, 同埋都有D名氣, BAND 1 尾自行派位時報讀, 會唔會陪太子讀書呢?

如果英文有90+都無信心讀英中，邊個有能力呢？現實是，最好的學校都是英中，有能力，當然要揀最好的。

不過都係個句，你最清楚仔仔，而仔仔的意願亦不可不顧，你考慮清楚啦。

自行派位，梗係揀間高半班的，BAND1尾去揀1尾2頭的學校，機會實大，但是否最好的選擇？如果仔仔保持BAND1成績，就選自行面試失敗，到統一派位時都有極大機會派入我提及的英中，何必為易入而揀低一點的學校來面試？

BillyM

vivi_vivi 寫道:
BillyM,

你好熟悉九龍城網ge中學，我想請問你，如果係女仔，但係又band 1中至尾成績，係九龍城網揀邊幾區學校會穏陣啲呢，剛剛參加完迦密的閞放日，朋友的囡囡感覺很好，想請問迦密及嘉諾撒聖家這兩間學校的校風同要求，係九龍城區邊間會易入啲。

仲想八下，唔知華德上午校ge 派入band 1 中學的比率。   

聖家和迦密都無乜好特別的要求，兩間都好，二選一我揀迦密。我唔肯定邊間易D，好學校又邊有話易入，在自行收生階段，揀兩間自己喜歡的，面試時盡力表現自己啦。如果唔得咪等派位。

至於華德的數據，問學校好D，我所知的不太update。

BillyM

brandy 寫道:
BillyM,

請問如果 band 1 尾女生第一志願迦密 or華英好? 而 2,3 志願選 Holly Family or 黃笏南會否不智.

迦密定華英好，純粹個人喜好，論成績華英勁D，迦密都OK，如果BAND1尾，相信迦密會讀得舒服一點，讀華英可能要辛苦些才能追上。

第二就唔好揀聖家，自己有小學，無乜位派出黎，放黃笏南、迦密、丘佐榮都得。

你現在考慮選擇自行面試的兩間中學先啦，統一派位填格仔仲有幾個月，唔駛咁快頭痛住。

BillyM

ngkwaiyee 寫道:
BillyM,

我都唔知我小朋友係band幾喎?!
佢讀獻主會小五呈分試佢考97,但小六非呈佢就考24,
咁請問佢應該係band幾呢?
另外如果考迦密機會大唔大呢?

小朋友BAND幾就一定要問學校，只有學校最清楚，我答你都無用。

機會實有，但都係個句，好學校又邊有話易入的？自行面試，除睇成績，表現亦十分緊要，很難講大機或細機。我只可以講，迦密並非傳統名校如喇沙Maryknoll要十八般武藝三頭六臂先有機，一般BAND1學生都有機會入迦密。

BillyM

rclamlam 寫道:
echo,

都唔可以話鱔太子讀書既, 係自行一定係搵高於自己程度少少既中學, 都博下入既機會, 當然啦, 機會真係好少, 但係如果唔咁樣揀, 就唔可以係統一派位時再博下籌入去心儀既中學架啦.

完全同意

brandy

BillyM

Thank you !!

不過點都要睇呀女的今次成績, 因為佢好唔想讀 BAND 2.
我話幫佢揾 BAND 2 SCHOOL, So she don’t  like that
要用激脹法, 咁要佢自己會努力增取!

echo123

多謝 BillyM 同埋 rclamlam 既意見.

vivi_vivi

BillyM,

謝謝您的意見，我會轉告我朋友。

rclamlam

brandy,

你係九龍城區, 有無諗過道呀? 雖然係中中, 但係會考成績各方面都好好, 你自行可以揀band 1尾既英中, 但係統一派位個陣唔可以好博架, 最多都係博第一志願, 唔係就連好既band 1中中都入唔到.