中學學位分配(完)

aachan2250

櫺囹桼 ,

好感激你呀!我阿囝明年升中,你的資料係及時雨!   

cell

謝謝分享!

Maggie124

007
你d資料對p6既家長好有幫助,一d之前唔知既e家知道,一d冇想過既都係道比你提醒,你唔係(醜陋無比，兇神惡煞麻甩佬)你係我地照明燈

T.K.

007,

我會一直追落去, 請繼續發表, 特別係你嘅分析比我地分享!

007萬歲!      
TK

Maggie124

007,
唔好意試 想問問根據教統局04/05資料,英中額佔p6生唔究20%,如果05/06p6生近8萬,英中額冇變,又係唔究20%,好似話全港banding係平均分配,band1生大概33%,咪有超過13%band1生入唔到英中,請問條數係唔係敢計呀 可唔可以幫忙搵下今屆有幾多p6生呀 如果今屆p6生少d,機會咪大dd

agoodfox

Thanks a lot !!   

櫺囹桼

Maggie124 寫道:
007,
唔好意試 想問問根據教統局04/05資料,英中額佔p6生唔究20%,如果05/06p6生近8萬,英中額冇變,又係唔究20%,好似話全港banding係平均分配,band1生大概33%,咪有超過13%band1生入唔到英中,請問條數係唔係敢計呀 可唔可以幫忙搵下今屆有幾多p6生呀 如果今屆p6生少d,機會咪大dd

啱一半~因為條數唔係咁計！(首先一個區域之band1生一定係佔33.3%，全港band1生又一定係佔33.3%)...但全港英中學額不等如33.3%(究竟有幾多冇資料/冇逐間計過，我估計約二萬八=140間*5班*40人)...但28,000座落地區並不平均，某啲傳統名校區幾乎3:1(幾乎band1生都可入英中)、但有啲去到23:1(等如7個band1生爭一張英中凳仔)！

櫺囹桼

續五：

行事歷
2006年10月底：
●中學學位分配辦法單張及光碟
認真睇下有冇咩唔明白，唔明就問人/學校/上BK都可以…
2006年11月底：
●小六學生證
●已預印學生資料的「中一自行分配學位申請表」(每名學生兩份)
●「申請中一自行分配學位手冊」(手冊發予學校及上戴於教統局網頁供家長查閱)
小六學生證其實只係一張印有小朋友姓名、性別、就讀小學、出生日期、學生編號…嘅電腦紙…供自行收生時用！
中一自行分配學位申請表(兩份)，前文(二)已提及，主要留意填首選(1)or次選(2)；正常情況下→難度高一點嘅中學應設為首選！
申請中一自行分配手冊，只發予學校及供網上查閱，冇得派？應該大本過工商銀行招股書？

2006年12月28日至2007年1月29日
●各中學於同一時間接受申請
留意各校實際截止時間
非參加派位學生
●內地新來港兒童、新來港非華語兒童、回流兒童及並非就讀於參加中學分配辦法的小學學生
●擬於下一學年九月入讀中一，同樣可向不多於兩所參加派位中學申請自行分配學位
●學生須㩦同身份證明文件正本，前往學位分配組領取中一自行分配學位申請表
不作補充
結果公布
●自行分配學位結果與統一派位結果在七月十日一併公布
●家長毋須向學校查詢
教統局規定，所有“派位”中學不得通知自行分配學位之小學生是否已被取錄；不過亦有江湖傳聞，有名校會出口術告訴你…貴千金/公子已被我校取錄(恭喜你，你個仔/女一定成績嬌人，各名校爭先恐後取錄…屆時你仲可以價講：中四至中六全免定半費先？ )
統一派位的學位計算
●經扣除重讀生及自行分配學位後，學校餘下的學位作以下分配：
教統局規定，重讀生不可以超出全級人數5%(故好多小學生就算係滿江紅，只要唔係最低分之5%，一樣連年升級…讀到中學先再學A~Z！)，以一間中學中一200人計，最多十人留級！假如全部升級(校長就有十個Spare位可以拎嚟叩門之用、做下順水人情咁啦！)
●10%用作不受學校網限制的學校選擇 (在任何學校網選擇三所中學)
顧名思義，今年開始可以選33間中學，第一回合先選三間，全港派位中學任君選擇，只要選校名單上列出就可以，當然各校提供之學位不盡相同，宜睇清楚心儀中學之學位數量！
●其餘約90%是受學校網限制的學校選擇(在學生所屬校網選擇不多於三十所中學)
同過往一樣，問題係“他區”中學在第一回合已經提供；這回合是否只提供區內中學予以選擇？咁某啲地區根本唔夠中學cover哂該區學生又如何→拭目以待！

各種中學學位分配情況(只作參考)：
冇直屬聯繫小學：(如迦密中學)有5班 * 每班40席=200席
留給重讀生5% * 200席=10席
自行分配學位30% * 200席=60席
餘下來200席-10席-60席=130席，分配如下：
130席 * 90% =117席(九龍城網大抽獎之用。)
130席 *10%=13席(不受校網大抽獎之用。)

有直屬小學：(如喇沙書院)有7班 * 每班40席=280席
留給重讀生5% * 280=14席
自行分配學位30% * 280席=84席(由於有直屬小學，一定好難分配...百分比一般低於30%)
餘下來280席-14席-84席=182席，分配如下：
182席 * 85%(最多) =155席(直屬小學專用。)
182席-155席=27席
27席*90% =24席(九龍城網大抽獎之用。)
27席*10%=3 席(不受校網大抽獎之用。)

有聯繫小學：(如香港培道中學)有6班 * 每班40席=240席
留給重讀生5% * 240=12席
自行分配學位30% * 240席=72席
餘下來240席-12席-72席=156席，分配如下：
156席 * 25% =39席(聯繫小學專用。)
156席-39席=117席
117席*90% =105席(九龍城網大抽獎之用。)
117席*10%=12 席(不受校網大抽獎之用。)

→ 待續…コゴゑ…To Be Continue ←

Maggie124

007
請繼續繼續繼續     

T.K.

    

TamamaMummy

007,

多謝妳的澬料.

如屯門區: 6630 →1031→ 6.43
              即1031屬BAND 1
              6.43人去掙一個BAND 1英中

你估可否致電所屬區的教育署問關於本學年的升中人數?
起碼可以知道有幾多人. (你估佢地會唔會當我 )

bluebell5395

007,

非常多謝你的資料 ~!!!       

2boysmum

007, tks very much.  very useful information to us.
      

mi_wong

好勁及好詳細!請問一條龍又點計(英華書院)，我一d都唔識計，懇請幫忙，唔該!

Silents

謝謝看來學校是否有直屬或聯系將對大抽獎數目影響巨大，請問在哪可以查到該中學有沒直屬或聯系小學呢?官方之中學概覽就沒資料。

MH008

007, thanks for your info.     

appleyuen

Thank you! 櫺囹桼
          

櫺囹桼

Silents：
當然，傳統英中爭奪之戰其實在小學已經開始；而小學之爭奪戰又在父母宗教信仰、就讀學校開始。
升中揀校、質量與數量同樣重要！
中學概覽沒有列出聯繫小學，可以去小學概覽查閱！

mi_wong：
1)一條龍中學要百分百收哂小龍學生，仲要有15%餘額供自行分配及大抽獎之用！
2)英華書院一條龍細佬係英華小學！
3)按小學概覽顯示，英華小學今年六年級得28人…咁英華書院收哂28人仲有好多好多位剩~放心！出年就中學200個位、而小學有163人…就所餘無多！

TamamaMummy：
1)        6.43人去爭一個BAND 1英中…正式係2.14個band 1生爭一席英中！(因為屯門區band 2/3生入讀英中機會好微！)
2)        數字會因跨區申請而變更，現時相信佢哋都答唔到你！
3)        就算知道甲區有4500人，每個banding有1,500人；不過未知今年區內可提供英中數量，都係作用不大！(應該水退船低…即是區內人口減少，英中學額一樣減少！所以如屬屯門區band1生可以當兩人爭一席英中…而家交通大有改善，自行分配學位時，不防打打鄰區較多英中主意！)

櫺囹桼

續六：
學校網
●按地方行政分界分為十八個學校網
無理由唔認識嘛？
●學生所屬學校網為其就讀小學座落的地區(預先申請跨網派位的學生除外)
即係統一派位係根據小朋友就讀小學地區《唔係》居住地區派位，所以如果想轉為居住地區派位…係要事先申請(小學會提供表格：第一次申請日期：2007年1月15日、最後一次申請日期：2007年3月15日)！
申請跨網派位要注意事項：
1)申請時必須提供住址證明，如水費/電費單等…(租信箱、假地址咁冒險嘅野，恕不討論！)
2)        假如成績屬於邊緣人而計劃跨區派位，banding有可能會跌！(宜事前請教就讀小學，因為弱區跨強區 +邊緣人…如離島跨灣仔，分分鐘由band1尾變成band2頭…小心！)

本區及他區中學
●為確保在中學學位分配辦法下，各校網均有足夠學位應付統一派位需求。每個學校網包括：
■本區參加派位的中、小學；及
■他區提供學位予該學校網的中學
即係要求你哋盡量填哂3+30間中學，因為唔好以為你個區得十零間中學就填十零格…放心，教統局一定提供足夠《33》間中學過你填(至於banding方面，一直以來教統局都不主張/也沒有將中學分成等級…；在教統局之字典內：“Band 1生(組別一)只在統一派位時優先選擇中學而矣！
學校網安排的原則
●主要原則：「以區為本，就近入學。」，盡量減少跨區派位
●直屬、聯繫及「一條龍」學校：中學須提供學位予其連繫小學座落的其他地區
●平衡各區供求：由學位盈餘地區提供學位予學位短缺地區
●減少學生長途跋涉往返學校：從鄰近地區或有集體運輸網絡的地區調撥學位
●增加家長選擇：例如直資學校
即係話教統局為體恤民情，盡量安排學生於本區讀書…至於點解我區咁少英中而隔離區多到瀉都唔調撥啲過嚟？(因為專家證實母語教學有助提升學生學習興趣云云…故各家長毋須刻意要求小朋友就讀英中！而且直資中學正如如荼如火興建中，一定能滿足各方所求！)

學校網資料
●基於學位供求復年之間有所改變，「他區」中學及所提供的學位數目每年或會因供求轉變而有所不同
●經大致確定各校網的供求及諮詢中學學位分配委員會的意見後(一般在三月)，會透過教統局網頁公布學校網的重大調撥改變
●確實的學校網安排應以四月下旬派發的「中學一覽表」為準
●教統局已成立工作小組就現行的學校網劃分進行檢討，有關檢討涉及較為長遠的安排，故不會影響2005/2007派位年度的安排
人哋已經白紙黑字講明在先，到時油尖旺冇得揀《對面海》啲名校…千萬千萬唔好再上街示威！
所以先集中火力睇清楚自己區內各中學之環境、校風、成績、組別、辦學理念…等！有時間再參考舊年(希望唔會相差太遠…)自己區域提供之《他區》中學！...去邊處搵資料？
一)        小學一定會有齊咁多屆一覽表(本區)
二)        圖書館會有上年一覽表(分區)
三)        網上亦有上年中學概覽→here

→ 待續…コゴゑ…To Be Continue ←