成績表評語

Hellomummy

請問各位有無試過對成績表評語(例如有彈無讚, 負面, 沒有鼓勵性)不滿而向學校據理力爭?

Midagemum

no lar, 沒試過不正面gei, 4字成語多d, 通常係4個成語, 好公式化, 好悶。

Hellomummy

Midagemum 寫道:
no lar, 沒試過不正面gei, 4字成語多d, 通常係4個成語, 好公式化, 好悶。

沒試過唔正面, 可能係你小朋友真係好乖, 或是老師有技巧, 識避重就輕...

講真, 個個小朋友都有乖與唔乖既地方, 但我阿仔小五既成績表就俾人寫到好差, 同係我阿仔, 小四時就很正面, 但考中學要出示小五小六成績表, 我真係唔敢取小五果張去見人, 試問三唔識七, 成績又不是標青, 你會否取錄一個"....衝動...馬虎....既學生? 正常見到呢d字眼已經退避三舍了是嗎?

最慶係, 佢班主任次次見我都好虛假, 口口聲聲說他有進步, 又說他有potential, 呢d在成績表又隻字不提.....於是我今天打去問她可否改評語再出過一份, 她便以record已出了為由拒絕, 我年頭見過校長, 向他表示對評語不滿, 他也認同評語應該正面有鼓勵性, 不應字字批評....她今天聽了就說為何我當時不立即提出修改, 我就話: 如果知道你地會用此理由推我, 當然我會立即提出吧! 但想不到校長親口認同的觀點, 幾個月後又說沒印象! (今天班主任再查問校長, 她覆述他說沒有印象!)

她根本就不想幫我跟, 叫我自己找校長, 我怕遲些要找校長寫推薦信, 如果依家弄彊關係會很輸蝕....老師又企圖逃避責任, 如果你係我, 你會去找校長嗎?

小彬彬

Hellomummy 寫道:
[quote]
Midagemum 寫道:
no lar, 沒試過不正面gei, 4字成語多d, 通常係4個成語, 好公式化, 好悶。

沒試過唔正面, 可能係你小朋友真係好乖, 或是老師有技巧, 識避重就輕...

講真, 個個小朋友都有乖與唔乖既地方, 但我阿仔小五既成績表就俾人寫到好差, 同係我阿仔, 小四時就很正面, 但考中學要出示小五小六成績表, 我真係唔敢取小五果張去見人, 試問三唔識七, 成績又不是標青, 你會否取錄一個"xxx衝動, 馬虎xxx"既學生? 見到呢d字眼已經退避三舍了是嗎?

最慶係, 佢班主任次次見我都口口聲聲說他有進步, 又說他有potential, 呢d在成績表又隻字不提.....於是我今天打去問她可否改評語再出過一份, 她便以record已出了為由拒絕, 我年頭見過校長, 向他表示對評語不滿, 他也認同評語應該正面有鼓勵性, 不應字字批評....

但今天班主任再查問校長, 他又說沒有印象, 她根本就不想幫我跟, 又叫我自己找校長, 我怕遲些要找校長寫推薦信, 如果依家弄彊關係會很輸蝕....老師又企圖逃避責任, 如果你係我, 你會去找校長嗎? [/quote]
如果係五年級下學期成績表, 會有很大影響, 要力爭到底.....

Hellomummy

小彬彬:

謝謝你! 終於喺呢度feel到有點點支持, 我知道佢地點睇我, 覺得我事事為阿仔出頭, 成日話我對他照顧太好, 太保護佢, 要俾佢負番d責任, 但如果你有個讀障的孩子, 又面臨升中, 相信沒有說得咁輕鬆吧?! 坦白說我沒有奢望入什麼名校, 只希望入一間校風好的band 2中學.....

近日已經為考試調適各樣跟她(們)糾纏, 實在疲憊, 覺得我太緊張, 太在意得失, 佢地當然不想煩, 又問"就算俾佢入到皇仁又點? 都可能係打劫果2個!", 我淨係知道此刻乃關鍵, 入了一所好中學影響深遠, 不顧得他們說什麼了, 苦也得獨自承擔!

Midagemum

Hellomummy,

Sorry 令你難過, 應該係我小朋友好彩,  實際是 : 老師有技巧, 識避重就輕...

好替你唔值, 遇到甘的老師, 客氣都無用，如果是我, 會找老師力爭到底.話晒5年級的成績表好重要, 唔怕得罪講一句, 而家你小朋友的老師同校長都甘, 第一步都唔幫, 你還指望他D會幫以後嗎? 爭取幾多得幾多.

motherlau

Hi Hellomummy,

如果係我,我會立刻出信,要求校長書面回應,否則會向校董會投訴.講真唔讚都唔好咁.
睇完我都好 呀!
努力!加油!

小彬彬

Hellomummy 寫道:
小彬彬:

謝謝你! 終於喺呢度feel到有點點支持, 我知道佢地點睇我, 覺得我事事為阿仔出頭, 成日話我對他照顧太好, 太保護佢, 要俾佢負番d責任, 但如果你有個讀障的孩子, 又面臨升中, 相信沒有說得咁輕鬆吧?! 坦白說我沒有奢望入什麼名校, 只希望入一間校風好的band 2中學.....

近日已經為考試調適各樣跟她(們)糾纏, 實在疲憊, 覺得我太緊張, 太在意得失, 佢地當然不想煩, 又問"就算俾佢入到皇仁又點? 都可能係打劫果2個!", 我淨係知道此刻乃關鍵, 入了一所好中學影響深遠, 不顧得他們說什麼了, 苦也得獨自承擔!

其實所有老師都應該知道五六年級成績表對學生升學的重要性, 正常情況下都唔會寫花學生成績表, 小兒六年級見家長 5 次以上, 但老師都冇寫花小兒張成績表, 老師雖然不大滿意小兒行為, 但都比一句好行貨既評語, 我覺得除非學生犯了大錯, 如記大過之類, 老師都唔應該咁做 law.......

NancyFelix

Hellomummy

我孩子都有輕微的讀寫障礙, 你維護孩子之心, 我好明白.  

我有朋友的朋友都試過類似的情況.  佢小朋友的操行grading好低.  佢不停去哀求班主任幫佢改, 經過多次之後, 終於幫佢改高左d. (佢用嘅原因係, 小朋友想考的學校要b先可以有得見, 而佢操行只有c+).

唔好介意, 我唸你依家都好激動.  你先唔好激動住, 要冷靜d.  因為同學校/老師硬撼, 對你同小朋友都無好處. 搞到佢地玩針對就弊架啦. 你試下好似我朋友的朋友咁求下老師或校長先啦, 動之以情, 我唸佢地都唔想小朋友衰嘅.

仲有, 你有無同邊個老師熟d, 試下睇下佢地有無咩提議比你.

另外, 你布可以藉呢件事同你小朋友檢討一下五年級時的表現, 如果真係有d唔好表現, 就盡快改, 如果係誤會的就要學會下次點樣處理以避免再有咁嘅問題出現. (我小朋友4年級時, 有好多咁嘅情況出現, 又見左好多次家長, 經過一年的不停檢討同教佢同人相處的技巧, 五年級時, 有明顯的改善.)

做mammy係好辛苦架嘞.  加油啦.
good luck

fitceo

Hellomummy,

學校有無家教會,試向佢地求助,大家都是家長,一定會幫你.一試無妨.

dodo199906

你不如同學校社工傾傾，我想佢會比較理解讀障小朋友嘅難處，請佢同校長傾傾吧！努力 加油

uki

Hellomummy,

知道你而家好煩, 但想問呢句說話係邊個講呢?
如果出自班主任, 咁呢位老師真係好有問題喎!
另外會唔會仔仔做咗d令佢好唔滿意ge事,
導致佢寫d咁ge評語,

你真係要試下同另一d老師研究下(仔仔以前的班主任等)
校長一定要搵, 都要俾佢知你ge不滿
雖則仲有一年畢業, 但學校都要靠口碑
佢唔可以坐視不理, 對於佢地改成績表都唔係好大件事啫
但對小朋友就非常重要, 關係前途...

五六年級係一個關口, 如果佢咁都唔識做
你都唔好指望佢寫推薦信喇,
推薦信係密封, 點知佢會寫d咩落去架!:cry: :cry:

Hellomummy 寫道:

近日已經為考試調適各樣跟她(們)糾纏, 實在疲憊, 覺得我太緊張, 太在意得失, 佢地當然不想煩, 又問"就算俾佢入到皇仁又點? 都可能係打劫果2個!", 我淨係知道此刻乃關鍵, 入了一所好中學影響深遠, 不顧得他們說什麼了, 苦也得獨自承擔!

mi_wong

我個仔成績表無評語，只係得Grading，五年級成績表花咗好煩，据理力爭唔係唔好!最驚爭唔到仲影響六年級個張添，而且依家六年級囉，通常實話追翻以前d嘢唔得嫁，最後都得個攪字。不過本人覺得都應該俾校長知道此事，等個老師知道家長唔係流嘅。我個仔三年級個時張成績表俾班主任(教英文)寫咗個C-(上學期)，我之後幾嬲，但我無任何action，只係同班主任講嘜我個仔操行咁差咩？點解你平時唔寫手冊或聯絡我？？？跟住佢解釋拉curve(廢話)，幾不合理？跟住下學期再嚟個C，你話我點，我即刻訪問教中文同數學科嘅老師(主科)我個仔操行會唔會C，你估操行成績班主任話哂事咩，我有兩個老師話B，跟住同校長投訴，都無用，當然追唔翻。不過我就要個老師知道，唔係佢鐘意俾咩就咩，依家個老師見到我即刻低頭唔同我打招呼，無家教，都唔知點為人師表？？老師似有問題多d!

小彬彬

Hellomummy,

如果小朋友真的冇犯下大錯, 可先動之以情, 向老師和校長說明, 再唔掂惟有用各種途徑向學校施壓, 一般情況下學校都唔會想事情攪大........

其實你平日亦要多和班主任溝通, 令班主任對你有好感,小兒六年級時班主任對小兒不大滿意, 成日見家長, 但我太太和班主任關係好好, 有任何事都同佢充份合作, 成日約見班主任詢問小兒平日在校情況, 所以最後班主任都冇寫花小兒張成績表........

事巳至此, 你一定要盡力去爭取, 做父母係咁辛苦嫁喇........

mi_wong

係要成日同班主任及主科老師keep住聯絡，保持良好關係，我初期諗住費事煩住d老師，同埋佢哋好忙，諗住個仔無俾投訴就真係ok。點知唔咪，d老師知道你緊張才會幫你睇緊d﹐要同佢哋social至得，有分加。

LAILAIMA

小彬彬:

想問一下,考中學是否要看手冊.呀仔今學期比班主任寫了很多x 在手冊上       

小彬彬

LAILAIMA 寫道:
小彬彬:

想問一下,考中學是否要看手冊.呀仔今學期比班主任寫了很多x 在手冊上       

以我所知大部分都唔洗看手冊, 請放心......

October.

今年德信要睇手冊.

LAILAIMA 寫道:
小彬彬:

想問一下,考中學是否要看手冊.呀仔今學期比班主任寫了很多x 在手冊上       

今年德信要睇手冊.