『讀書材料』

navigator

經常都聽到 『你不是一個讀書材料！』或 『我不是一個讀書材料！』或類似的這些話。然而我最初卻不甚認同甚麽叫『讀書材料』，總是認為每個小朋友的讀書資質都是大同小異的，只要通過努力及用對了方法，每個小朋友都是個『讀書材料』；相反卻歸咎於不是個『讀書材料』只是找個借口代替而已....然而如今我卻猛然發現現我錯了，小朋友是不是一個『讀書材料』是在客觀上的確存在的。女兒有個同學，大家的家庭背景及課外付出的努力及温習工作都差不多，年齡也只差一個月，但其同學的成績卻能保持名列前茅：英文默書只需要讀2次就能拿到高分；相反女兒卻需讀N次才行。曾經弄錯過的字，改正後，她不會再弄錯；相反女兒卻做不到。數學她又能冷靜計算或精細思考，經常都能做到快而準；相反女兒卻不太行，經常粗心大意或張冠李戴。很明顯，她就是所謂的『讀書材料』了！

Pansy21

我朋友個仔都好犀利, 中,英默書, 測驗, exam 只需睇一次就識, 仲要係次次100分。
如果我個仔咁叻就好lu
唉! 係吾係『讀書材料』, 真係天生既，我唯有叫個仔將勤補拙la :-|  :-|  :-|

Sindy

係讀書材料,都要努力讀書先得,唔係讀書材料,比心機也可以好好,我細女就係讀書材料,早係未上小一前,英文補習老師一見佢就係咁講.....我不以為然......後來有比較之下,就發現係啦....但佢而家讀書只係中規中矩....所以係咪讀書材料都好,都唔好放棄,我覺得努力最重要

麟媽媽

「讀書材料」咁真係有既，「將勤補拙」亦有喎。
我兩個妹為例，家庭環境一樣罷！父母亦一樣咁啫。
3妹自幼勤力，但可能資質就…….佢成績都幾好既，
但我地幾姊妹玩時，佢係上格床溫書，付出努力不少。
4妹自幼聰明，係嗰D 由幼稚園已經考第一/二既人，
係學校係風頭人物，咩function 都攪，但成績又好喎！
去外國留學，20歲便大學畢業，但唔多使溫書咁既。
每當派成績表，老媽子只鬧我地，唯獨不鬧3妹，
因為佢已盡力，考得好唔好都唔會話佢喇，係咪？！

讀書成績又唔可以代表將來一定事業有成喎！
4妹讀書叻，父母對佢寄望最大，
點知佢畢業無耐便嫁比大學同學，
30歲前已生左3個仔，佢既成就明顯放在家庭上。
3妹大學畢業之後留係美國做野，好鬼成功，
回港係間國際公司做C.O.O.，佢有事業但無愛情，
唉….. 女人叻又心頭高，而家仲係同父母住。

所以細路仔係唔係「讀書材料」，
對佢地將來既路影響係唔係最大？真係好難講。

mapikee

navigator

不要氣餒,最緊要唔好成日同人地比,正所謂人比人,比死人.多鼓勵小朋友.

讀書叻唔叻,亦唔代表咩,我老公會考科科U,依家又咪係經理.

努力!!!

lamsuetwai

麟媽媽,

你妹妹的故事真是一般香港女孩的寫照, 女孩可以選家庭, 但男孩的出路會不會不同呢.

Mrssslui

我都承認有『讀書材料』呢回事.
咁又點,唔到你揀.
叻既,如果做到唔驕傲,可以繼續叻落去,相反,就會自滿而退下來.
就算唔係『讀書材料』,都可以將勤補拙,我相信都一定成功.

Mrssslui

麟媽媽

似乎你最成功!
家庭事業兩得意!     

鳳梨

lamsuetwai 寫道:
麟媽媽,

你妹妹的故事真是一般香港女孩的寫照, 女孩可以選家庭, 但男孩的出路會不會不同呢.

其實讀書考第一唔等於出黎做嘢都一樣掂
男女都一樣
做嘢除左有專業既才能
係要好全面,有交際能力,有創造力,有大將風範

麟媽媽

Mrssslui,

哈哈！你講笑嘛！
自問都唔係話好鐘意讀書的人，
但書總要讀喇，對父母都要有交代罷！
加上我姊妹多，個個坐定定讀你唔讀咩？！
我只是有點小聰明，其實是隻懶鬼！
最叻Tip 吓題，有D 必出讀熟D，
有D 讀黎都知佢唔點出，都唔使晒時間囉！！
我3 妹自己係讀accounting，早兩年仲讀埋 law，
我真係啋佢都傻，睇亞仔我都死左一半啦！

Mrssslui 寫道:
麟媽媽

似乎你最成功!
家庭事業兩得意!     

明若龍

讀書材料只是我們大人一種慣常的講話，我拿自己為例，我從小學到中學再到大學，讀書成績只徘徊在中游，家人對我期望不高，也從來沒有逼我讀書，反而我身邊的同學有不少讀書叻，進入香港大學，中文大學及英國一些名大學，而我只入到一間次級大學，反而沒有壓力，我只知道出來社會要努力，因為讀書不夠別人好，自信自已的腦不會差過人。
經過10多年的努力后，我們一班同學出來，我是他們當中讀書最差的一個，但事業是最成功的一個，在一間上市傳媒公司做新聞總監。

dory13b

我姐夫都吾係『讀書材料』, 我姐夫話佢除左Maths攞C, 其他都攞U, 雖然佢讀書吾叻，但做野就好惦, 移家已做左一間上市公司既director，所以讀書叻吾代表一切。

lamsuetwai

唔, 我覺得除了天資外, 家庭的陪育/支援/, 自小打好根基都同樣重要.

w@@henry

我都想與大家分享下：
       其實香港這片地方實在太多人向錢和虛榮看，每人每日都忙於讀書、工作，希望取好成績，成為專業人士、商人，賺很多錢，住大屋，揸Benz；其實有理想本來不是壞事，但追求理想過程中，往往失去理智，攻擊別人，令自己迷失方向，妒忌、自卑充滿在內心，令自己活在痛苦中。

      不想離題太遠，我想表達的，是將來活得「開心」，「有意義」不是取決於你是不是「讀書材料」，而是取決於你的思想是否正面/負面、積極/消極，心靈是否富足/空虛。我居住的屋苑半年前有人從廿多樓一跳而下，結束生命，聽說他是個中年工程師，因與前綫的工程人員合作不來，被上層調往不須面對咁多人的夜班工作，但又要面對太太和兒女的壓力，結果終於.......    同一屋苑，卻又有兩個不平凡的小孩，教我們要活得更精采。其中一個叫「馬歷生」，「黏多醣症」患者，疾病令他像4、5歲小孩(他是中學生)，行動不便，医生說他只有廿歲生命，我與我的5歲女兒經常見到他堅持自行上學，晚上又見他爸爸用BB車推着累了的「馬歷生」，他更說笑叫他爸爸在他死後不需大費周章，用報紙包好便可以了，實在是聞者心酸    。   另一個沒有人不識了，「陳易希」，一個不平凡而又平易近人的少年，每次在樓下見到他，他都會報以微笑。儘管人們都議論他學術成績不足以入讀科大，但他最近又發明盲人飲水杯，又不申請專利，小小年紀有這個造福人群的心，我們是否應該給予更多的空間給他呢！

       我每次和我5歲的女兒分享這些人和事，她也似乎明白了！各位BK父母，您們也和您的寶寶分享吧，希望他們也有得着呢！

        祝各位的兒女都是一塊「讀書」和「做人」的好材料！！   

meyonw

我覺得各位好有道理, 但不可以讓子女覺得他們不是讀書才料, 他們會覺得父母對自己沒有信心, 有籍口不用功讀書, 天賦不是我們可決定, 只有努力讀書才是做子女責任, 他們將來成就當然就要看有沒有良好人際關係及其他潛能, 做好現在才是最重要, 共勉之!
我現在正在看周弘的"賞識你的孩子", 一位學歷不高父親把智商105的啞女教成神童, 之前有網友介紹過, 主要是用讚賞激勵小朋友, 令佢地有信心, 發揮自己能力,  各位可在圖書館借,值得推薦.

twokidsmum

我想培養孩子良好的學習態度更重要吧!

Chole

w@@henry ,

多謝分享!

我都好鍾意陳易希呢個小朋友.       

Chole

Hellomummy

w@henry:

很發人深省的分享!

最認同一句: 是讀書材料固然好, 但也不及是"做人材料"重要! 我讀書比我老公, 弟弟都叻, 學歷亦比他們高, 但他們做人做事的積極態度與成就, 賺錢能力都在我之上, 最近頻為兒子的升中問題煩憂, 看了你們的分享猶如荒漠甘泉! 沒錯, 能培養出做人正面堅強, 不屈不撓的積極態度, 比是否天生"讀書材料"來得更有價值!

願大家共勉!

    

w@@henry 寫道:
我都想與大家分享下：
       其實香港這片地方實在太多人向錢和虛榮看，每人每日都忙於讀書、工作，希望取好成績，成為專業人士、商人，賺很多錢，住大屋，揸Benz；其實有理想本來不是壞事，但追求理想過程中，往往失去理智，攻擊別人，令自己迷失方向，妒忌、自卑充滿在內心，令自己活在痛苦中。

      不想離題太遠，我想表達的，是將來活得「開心」，「有意義」不是取決於你是不是「讀書材料」，而是取決於你的思想是否正面/負面、積極/消極，心靈是否富足/空虛。我居住的屋苑半年前有人從廿多樓一跳而下，結束生命，聽說他是個中年工程師，因與前綫的工程人員合作不來，被上層調往不須面對咁多人的夜班工作，但又要面對太太和兒女的壓力，結果終於.......    同一屋苑，卻又有兩個不平凡的小孩，教我們要活得更精采。其中一個叫「馬歷生」，「黏多醣症」患者，疾病令他像4、5歲小孩(他是中學生)，行動不便，医生說他只有廿歲生命，我與我的5歲女兒經常見到他堅持自行上學，晚上又見他爸爸用BB車推着累了的「馬歷生」，他更說笑叫他爸爸在他死後不需大費周章，用報紙包好便可以了，實在是聞者心酸    。   另一個沒有人不識了，「陳易希」，一個不平凡而又平易近人的少年，每次在樓下見到他，他都會報以微笑。儘管人們都議論他學術成績不足以入讀科大，但他最近又發明盲人飲水杯，又不申請專利，小小年紀有這個造福人群的心，我們是否應該給予更多的空間給他呢！

       我每次和我5歲的女兒分享這些人和事，她也似乎明白了！各位BK父母，您們也和您的寶寶分享吧，希望他們也有得着呢！

        祝各位的兒女都是一塊「讀書」和「做人」的好材料！！   

G-Ma

其實如果小朋友係『讀書材料』作為父母咪可以開心十幾年, 唔駛咁大壓力lor.  但始終讀書同做事,做人處世係兩回事, 讀得幾叻都要講際遇同運氣, 讀得成書唔一定成功, 讀唔成又未必會失敗, 最緊要知足常樂.

老狐狸

提高學生學習能力的「光輝行動」

理念：
無國界教育發起慈善教育計劃「光輝行動」是因應現今香港教育的情況，及貧困學童的處境，為家境清貧的學童的學習重燃希望，為香港扶貧運動及優質教育作出貢獻，讓貧困學童可以學會學習的方法，於學業成績方面有所突破，解決學習疑難，讀書得心應手，愉快投入。

本計劃主要運用無國界教育的學習理念：動機、動力及方法。針對現時學校教育沒有系統化地教導學習方法、溫習方法、記憶能力等，亦因此很多同學讀不得其法、學不得其法，用了很大的力氣及精神去讀書，卻學得不好，亦同時導致同學們沒有成功感，漸漸失去讀書的興趣及信心。

本課程以中、英、數等學科為本，用無國界教育的理念：動力、動機及方法，運用輕鬆的手法如加入藝術思考、有趣的身體動作智能及歷奇活動等等，系統化教授記憶法、提升智商的方法及溫習方法，讓學生掌握讀書成功的竅門，增強思考及讀書能力，提升考試成績，真正愉快學習，最終建立讀書興趣及自信，讓學生在學習上發光發熱，發出應有的「學習上的光輝」。

費用全免：
凡低收入或領取綜緩的家庭的小五及小六學生可以免費參加「光輝行動」，第一階段舉行日期由五月至六月，第二階段為2006年暑假。現階段服務對象是小學五年級及六年級的同學，由於他們需要預備升讀中學，考試的分數需要呈報教育統籌局，因此，他們學會學習是迫在眉睫。第一階段服務較貧困的九龍深水土步區，2006年暑假擴展至服務黃大仙區、油尖旺區及深水土步區，逐漸擴展至全港其他區域及其他程度的學生。

光輝行動第三階段上課日期、時間及地點：
（1） 2006年11月4日開始逢星期六下午 3時15分至 4時15分 於旺角社區中心上課 (共10堂)。                       或
（2） 2006年11月3日逢星期五下午5時30分至 7時於深水土步香港社會服務網絡會址上課 (共10堂)。

報名資格：
凡低收入或領取綜援家庭的就讀小學四、五、六年級及中一的學生，皆可免費報名參加。

報名方法：

請按此列印參加表格，填妥後傳真回30072071，或郵寄香港九龍中央郵政局郵政信箱70002號，或把以上資料電郵至本會 [email protected] ，或逢星期日下午三時至六時親身到九龍公園「藝趣坊」（尖沙咀栢麗大道入口）十四號無國界教育義務攤位遞交表格；你亦可以按此在網頁直接輸入學生申請資料。

電話報名或查詢：

請致電香港電話36949502；您亦可以電郵本會 [email protected] ；我們隨時聽取您的意見。