幼兒情緒行為，有無人可以幫到我呀！

fc_cookie

我囡囡返咗全日制幼兒園大約2個多月，但至今還是說不願返學，而且近來脾氣甚差，在校常與老師對抗，如不擺放玩具、經常離座、不聽老師指令、洗手時玩水、除鞋、吃飯時玩湯、撕毀牆上壁報等，多不星數。在家不願吃飯、撕毀或塗污圖書，並且經常哭鬧。
我本人原是全職媽媽，上月開始再次上班，我知這樣對她多少都有影響故希望有心人士可以提供一些資料，可令囡兒情緒平伏。

5354

cookie,
佢一次過有太多

fc_cookie

5354,

多謝回覆！囡囡現在由我送佢返學，我份工已經係返5日咋，每日放工7:15分我已經返到屋企，然後同佢沖涼食飯，每個星期六、日或假期我都會同佢出街玩，但都無計？       

PHmami

fc_cookie

妳當日全職照顧女兒，所以女兒會較依付妳，還要她一下子適應全日班真不容易。我朋友也是全職照顧女兒，她囡囡只番半日班也明顯抗拒，所以妳囡囡的反應是可以理解的！不過事到如今亦不能行回頭路了，妳可多點向她說上學的開心處，並試試同囡囡協議如她乖乖上學又聽話不破壞，放學後媽咪接放學時會有她喜歡的獎勵 / 放假帶她到某處遊玩等。其實最應該向老師/主任求助，佢哋有幼兒知識，一定有些建議家校合作的。最後著便是等日子久了讓女兒適應並自覺她再做什麼也不可能改變任何安排，當她接受現實時情況便會改善。當然無論過程 / 方法 / 結果如何，父母均以愛包容對待孩子，孩子終會適應並明白的！

heihei629

fc_cookie,

我依家差不多日日都會睇我囡囡做早操，我有時會留意到汧雅會擰轉頭眼定定望住我地Ｄ家長，唔知佢係咪想睇下你係咪度，唔知會唔會係因為你之前日日都有睇佢做早操，可能佢係唔習慣你冇在場。
或者你可以同佢講“媽媽雖然唔係你身邊，但其實媽媽知道你係學校做什麼”，之後你就憑學校send比你個份課室日誌黎想像係學校ge情況，扮到自己都係現場咁，有時如果張老師打電話比你，你又可以問多Ｄ有關囡囡係學校ge情況，我都係用咁ge方法，我囡囡起初個兩個星期唔肯返學，我就日日返到屋企扮野同佢講佢係學校咁咁咁，之後佢就肯喇。不如你都試下咁work唔work啦。

Marcus媽

我仔仔都係由半日轉全日，開頭都好好地，但最近又話唔返學，唔要老師唔要老師，我先生唔同意我俾佢返全日，但因仔仔語言能力不是太好，平時係姐姐照顧，不是太懂如何同小朋友玩，所以我一意孤行一定要仔仔返全日，病又多，又俾蚊釘，我依家都唔知點好，ｋｅｅｐ返全日ｏｒ改半日？真係煩。　

小貓媽媽

你試試同佢玩角色扮演遊戲，叫佢做老師，用毛公仔做學生，叫佢同啲公仔上堂，留意吓佢行為上有冇唔妥，同埋佢有冇打啲公仔或者罵啲公仔，同埋盡量去問佢其他同學仔了解下佢係學校發生過乜嘢事，因為開左學成個月，基本上都會適應，或者佢在學校有乜不愉快事件發生。

lovelycoco

佢可能覺得妳唔要佢, 所以搞對抗, 唔合作, 妳要多同佢傾, 同佢講點解妳要去返工, 佢就算唔明, 但起碼佢知道唔係妳唔要佢, 唔愛佢囉.
我個仔係高班時轉咗全日, 佢都兩個幾月都唔願返學, 但我一路都唔知原因, 之後升小學, 就比佢返托管, 直到2年班, 有次同佢傾計之中, 佢話覺得我唔想要佢,所以送佢去托管, 佢好唔好心, 佢想我唔好做嘢, 我三年班開始無做嘢啦, 但要慢慢邦佢建立返安全感同自信心, 真係好辛苦, 希望妳唔會好似我咁啦!