我３歲半細仔日日爬上鋼琴說要練習，怎辦？

twokidsmum

他似乎很有興趣，但他年紀這麼少，讓他學琴似乎太早，我應怎樣做較好呢？

BBCheryl

twokidsmum

３歲半學琴不會太早,歲 4-6歲是開始學琴的黃金時期, 你可以先比他上親子音樂班學一些基礎音樂知識同培養興趣, 這些音樂班通常上半年, 然後才正式個別教授學琴.
我女兒３歲開始上親子音樂班, 由啟蒙班到深造班共學了2年,她對基本樂理有一定的認識,手指控制和睇譜都冇問題, 現在剛開始上個別教授.
如果你個仔真係有興趣,就快d比佢學啦.

BBCheryl

cycchor

小朋友對家人做的事都會有興趣試,因為人有他要有嘛...
我估你家中有人學琴的吧?
我係你會觀察久一點,每天給他一些時間坐在琴前"扮練習".看他是否真的有耐性有興趣去學.才為他找導師吧,勝過日後不喜歡中途放棄.

兩年多前我囝囝亦曾經因為見姐姐及表兄表姐學游泳好開心, 三歲開始便時常要求我老婆俾佢學游泳, 又同個教練講好鍾意游泳(其實佢只係去嬉水池玩過水), 我老婆經他多月請求後,終於就範..俾他三歲半學游泳(我個二女同大仔都要足四歲及五歲才學)
結果呢 ? 一上堂就喊到全世界都知道..仲要嘔添..之後死都不願去上堂,好彩個教練有耐性又經驗,加上我唔俾老婆陪佢上課,由我帶去, 最後上到第三堂才唔喊,上到第八堂可以自己浮到兩三米,而家6歲仲入泳隊添.

有時侯小朋友想學野好多時都係三分鐘熱度, 以他們心中的幻想,看到別人學得好開心,就以為自己好鐘意果種活動,不知道真正到自己學時根本會好悶, 覺得貨不對辦..到時才後悔唔學..

所以我是你的話便會觀察耐點, 讓他知道真正的練琴是什麼一回事, 及讓他清楚明白一開始學便不可中途放棄, 我覺得讓他知道做事要懂得堅持比他是不是學好一種技能或活動重要...

最後, 希望你的囝囝真係對彈琴有興趣,成為第二個李雲迪吧!

twokidsmum

多謝大家建議，我想我要開始留意一下音樂班了．

我家中有鋼琴，他早在一歲多時，已經常扮家姐彈鋼．大女學了很短時間就不想學，我沒有勉強，但細仔就一直把鋼琴當玩具．

前天見他玩得興起，我於順口教他"middle C"的位置, 然後順便講一次"D""E""F""G"的位置，他第二天已可告訴我了，還自行"練習"．我想他是有興趣的．

講起游水，他都很喜歡，次次自己跳落池，現在可以拿著浮板游半個泳吧．泳班的老師很喜歡他，因他很喜歡笑．

mable1124

Agree...   
小朋友有興趣, 可以給他嘗試, 慢慢學大把時間, 但一定要打好基礎。

BBCheryl 寫道:
twokidsmum

３歲半學琴不會太早,歲 4-6歲是開始學琴的黃金時期, 你可以先比他上親子音樂班學一些基礎音樂知識同培養興趣, 這些音樂班通常上半年, 然後才正式個別教授學琴.
我女兒３歲開始上親子音樂班, 由啟蒙班到深造班共學了2年,她對基本樂理有一定的認識,手指控制和睇譜都冇問題, 現在剛開始上個別教授.
如果你個仔真係有興趣,就快d比佢學啦.

BBCheryl