戒尿片未成功, 面試時應否穿尿片?

DEFFY

我個仔已經兩歲半了, 用左成個暑期都未成功戒片, 在家周圍賴she she,不肯去toilet. 十一月六日就要去幼稚園面試了, 朋友說不要幫他穿尿片去, 但我怕到時出醜, 點算好?   

cway

如果唔幫佢著片, 到時賴喺學校咪仲衰. 同埋如果學校係因為小朋友未戒片而唔收佢既話, 呢d 學校我都唔會比阿仔讀囉.

zoechan2005

著學習褲,唔覺卦!

lkyma

賴

DEFFY

我朋友解釋因為如果穿尿片去, 老師見到會覺得這個小朋友已經兩歲半了還不懂去toilet, 自理能力差d喎, 會扣印像分, 如果到時不幸賴 she she, 就同老師講他已戒片, 只是太緊張間唔中失手. 離正式上學仲有成年, 一定成功戒片 !

但我覺得穿片去會安全d, 不用到時要擔心他識唔識答問題, 右要擔心仔會不會賴she, 你地點諗 ?

另 :  我應該點幫呀仔戒片 ? 我就快俾佢激死 !

靜精媽咪

DEFFY ,

hello, 果時我囡囡去面試都有穿尿片的(都是2歲左右),不用擔心的~ 如果到時瀨可能令你仲尷尬,手忙腳亂~11月到時應該秋涼.都不會太覺.果時我去到學校第一時間帶囡囡去左學校果洗手間先.^^~果學校嬸嬸仲同我囡囡講要快d戒片啦.叻叻呀~
距離番學仲有成年時間,慢慢來~我自己幫囡囡戒片既方法是係屋企當眼處放個尿兜(比佢見到),屋企唔同佢穿尿片.只穿底褲仔.佢瀨瀨下覺得唔舒服自自然會自己除褲仔去尿兜,當然要比少少獎勵.同他說或你示範比他看係尿兜小便.我果時扮在我囡囡個尿兜小便.但都是隨著他們慢慢大個會自己識去的.不用擔心 ^^~我囡囡都係2歲多先戒到片
努力!加油呀!

vhunghk

我聽人講面試時先生拍拍她小朋友pat pat睇下有無片,相信係count在自理力方面.

alisoncheung

Hi DEFFY

見到你個標題就想起去年我都問過呢個問題, 答案係你真係要幫佢著片架,如果唔係in in 吓賴vv你fail定啦.

如果因為你bb著片而唔收,就算將來佢收你,你都要稔過會唔會比你bb 入去讀,兩歲幾人仔未介到片有乜出奇唧.  仲有呀,interview 咁趕有邊個會咁無寮去睇吓個bb有冇著片喎.

仲有呀,interview除咗係學校in 小朋友外, 仲係父母in學校的時候,即是你都要去assess吓間學校有冇資格去教你小朋友架嗎,幼兒教育好重要架! 所謂三歲定八十呀!

至於老師會touch小朋友 pet pet呢個問題,我冇遇過,去年我都in唔少學校, 有Kentville, St. Catherine, York, Keen Mind, Tack Ching. 冇一間會咁做, 只有KV問過我囝囝識唔識自己除褲去厠所, 我當然答”識”啦,有成年時間比佢學,唔駛驚喎,定d嚟.  今年9月入學我囝囝都可以自己去厠所啦.  更高難度你都未見過, KV男仔校服褲及衫有4粒鈕相連,學校要train佢哋自己去vv之如,仲要唔準除褲, 响褲浪及底底裏面自己找bird bird 出嚟vv.  最初都十分擔心,對個兩歲幾三歲嘅細路嚟講咁高難度點得架,不過結論係得架, 只係兩至三星期,個個KV囝囝都做得到.

至於兩歲幾嘅介片方法, 靜精媽咪嘅方法一定work，我囝囝讀幼兒園時老師都係任佢哋濕架,濕濕吓唔舒服就識叫去vv架啦, 不過你真係要預備好多好多褲仔响屋企囉.  這時必經階段.

DEFFY 寫道:
我個仔已經兩歲半了, 用左成個暑期都未成功戒片, 在家周圍賴she she,不肯去toilet. 十一月六日就要去幼稚園面試了, 朋友說不要幫他穿尿片去, 但我怕到時出醜, 點算好?   

talie

上年我女雖然戒左片, 但偶有失手. 所以 interview 時, 我都有幫佢著學習褲. in kv 時, 我答老師: 我女會提出要去vv, 但唔識自己黎. 我相信著片唔會影響面試結果.