不知羞恥的家長!!!!!!!!!!!!!

barry_mama

呢件事係o係我今朝返工o既時候見到……
時間：早上七時四十分左右
人物：二至三年級穿著運動服o既女童、其母親、一個年約六十o既婆婆
地點：過海巴士上
背景：
女童上車後，經過下層的走廊時，一邊抓住扶手一邊行，拍打到婆婆(坐o係走廊旁，隻手放o左o係扶手上)手。
經過：
婆婆：你打到我隻手呀，唔使道歉呀，整到人o地都唔識道歉(語氣一般，唔係惡先)
女童(好惡，又大聲兼指住個婆婆)：邊個叫你擺隻手o係度o者?
婆婆：你整到人唔講對唔住，仲鬧人，你讀咩書o架?
呢個時候我周圍望，終於望到女童訪o既母親，佢不聞不問。
如是者，婆婆同女童過o左幾招，然後母親加入。
母(對住阿婆講)：夠喇!好小事o者
婆婆：你點教小朋友o架!整到人……(內容同前面差唔多)
讀咩書，你讀屎片o架?side晒納稅人d錢!
母(開始火起來)：宜家咩咁大不了o者，使唔使講到咁呀!又食屎，又讀屎片?
婆婆(我覺得呢句好正!)：我呢家鬧緊你呀，梗係用d最衰o既詞語啦!
兩者繼續爭執……
最後，母親出絕招。
母：XZYWQ
婆婆：你講粗口?我都識講呀，不過我唔會講，你有失斯文呀!講多D啦，教壞晒你個女!
母女無聲出……
我點解要o係呢度將個故意講出o黎?
因為我都係老師，好心痛點解d小朋友會咁大膽、咁無禮貌!
老師苦心經營o既校風，比佢一手敗壞晒!!!!!!!!!
o係呢度，我好想有人話到比我知，究竟呢間係咩學校?
運動服款式：白色底，領位同手袖邊有藍色邊(呢隻藍好似石油氣罐咁)，下身o既運動褲同上身藍色邊位係一模一樣的!
佢o地兩母女o係維多利亞公園(過海巴士過了海第一個站)下車。
我真係好難相信，咁o既家長會教出一個點o既細路!?!
如果你知道佢係讀邊間，唔該話比我知!

Marcus媽

     barry_mama,

好同意! 其實依家有好多小朋友都真係咁，其實個女童我相信絕對不是有心拍打到婆婆隻手，只要道歉就冇事，但女童用好惡語氣，又大聲兼指住個婆婆話邊個叫你擺隻手o係度o者?  我覺得佢絕對係從大人那裡學返黎，冇家教， 老實講有好多香港人都係咁，大人唔做好本份，只會害左下一代。

MrsBunBun

有一次我見到有個人帶住個好似讀小學o既妹,用粗口鬧人,之後個妹仲幫口話:"咩呀!而家小學生都識講粗口啦!"好似好得戚咁!!!
呢兩兄妹個樣好似仲好斯斯文文o既!

MrsBunBun

最好有人錄起佢o既惡行,放上youtube,叫做"巴士阿媽",將佢兩母女o既行為公諸於世!

Daisy媽咪

barry mama,
好明顯, 係家教問題啦 ! 我唔識香港區學校, 不過我選學校的第一原則係校風, 學校校風好, 成績唔會太差, 而學生既家長都理論上會比較有修養, 對嗎 ?

monkey妹

Daisy媽咪 寫道:
好明顯, 係家教問題啦 !

Agreed!!!