請問有無媽咪小朋友讀緊k2架?(我有好大既煩惱)

vitasoy910

我小朋友9月尾先足4歲,而家佢學緊寫大楷B A 細楷a
係咪所以k2小朋友都識寫架???老師話佢有問題= =
佢都係係暑假先識寫d中文字,而家可以寫到中文字我巳經好開心,今日老師話佢英文又寫唔到,,中文又寫唔直,一d都唔識寫字,,聽到火都黎埋
所以而家想問下各位媽咪既小朋友有無這問題

召藥師

我個仔k3(9月尾生日)，k2時同妳個小朋友一樣，因為我之前係屋企教佢，去年先插讀k2，所以一開始多寫字好唔慣(佢之前有畫畫同連線)，寫字極慢同醜(佢天生用左手，但要佢用右手)，我初初仲因為佢寫唔好而又鬧又打，佢唔開心時我亦心痛。但後來我每次問佢係學校做咩野時，佢次次都係話寫字、寫字、寫字......，仲要一開學就寫朋友、秋天、男女等字，對一個得4歲ge小朋友未免太苛刻，但學校主任竟然話咁先好，第時升小學會叻過其他小朋友。我心諗，小朋友讀幼稚園無非都係想佢開開心心，同其他小朋友有多d社交生活，同時發掘佢多方面ge才能。日日都淨係寫字，老師連火柴人都唔教小朋友畫，咁落去點掂呀，下學期立即走人。

k2多數都一定已開始寫大楷，細楷有d會上學期中先教，都係要俾d耐性教佢，多d讚佢，等佢覺得有成功感先得。大家努力!!

addy

我囡囡一入K1幼稚園無幾耐已經開始晝線條,
下學期就要寫簡單中數字.
而家K2寫緊"大.林.水.男...ABCD..2345678..."
每天各一版中英 OR 中數

VITASOY: 你試下買D線條簿來比小朋友練習下, 可能好D

vitasoy910

addy 寫道:
我囡囡一入K1幼稚園無幾耐已經開始晝線條,
下學期就要寫簡單中數字.
而家K2寫緊"大.林.水.男...ABCD..2345678..."
每天各一版中英 OR 中數

VITASOY: 你試下買D線條簿來比小朋友練習下, 可能好D

addy:
我買過比佢寫架喇,,但都係敢,,我都唔知點教,,我覺得佢巳經好叻仔架喇,我唔想在逼佢,,見到佢寫唔到,我又打又鬧,我都好心痛,,唔知係咪佢係細仔,我特別心軟,唉..... :cry:

vitasoy910

召藥師:
我想問你仔讀緊k2個陣下學期轉左校,,敢轉左寫字就好左好多???

addy

vitasoy910 :
有無同miss 傾過是否小朋友能力問題, 或是小朋友懶吾寫.
如果前者的, 逼亦吾係方法, 只可以幼稚園另作配合.
後者既, 你可以試下用獎勵方法去推動佢寫字.
以上只是我個人意見, 有咩吾對請見諒

nattyma

vitasoy910 寫道:
我小朋友9月尾先足4歲,而家佢學緊寫大楷B A 細楷a
係咪所以k2小朋友都識寫架???老師話佢有問題= =
佢都係係暑假先識寫d中文字,而家可以寫到中文字我巳經好開心,今日老師話佢英文又寫唔到,,中文又寫唔直,一d都唔識寫字,,聽到火都黎埋
所以而家想問下各位媽咪既小朋友有無這問題

I don't see any problem with your kid, the teacher is the one has problem. She is impatient and subjective. How could she compare your kid with other elder one? Every kid is different and has talent in different aspect. Their development will be vary too. My daughter is a 'small girl' (Dec) too. Her teacher never complaint during her kinder time. All they used was encouragment. And she picked up everthing eventually.
Take it easy, it is not you kid's fault, no point to switch to other school  because of a bad mouth teacher. The kids could not write properly at 4 doesn't mean they have problem. Observe for a few more months, talk to the teacher frequently to obtain her point of view. If the situation persist, then come back and lets share again. cheers

joely

我地學校低班先開始寫字(中及大楷字母).....數都未寫(因為多曲線)
對佢地黎話好難架......佢地冇空格既概念....又要對線
寫...好要命架

唔識寫咪扶着手仔一邊讀筆順一邊寫(係扶唔係捉佢手寫,因為有D小朋友對字冇信心....唔夠胆寫)
一係就起D點比佢学寫(一兩個好la,唔好全部wor)
  
唔怕佢寫得差.....最緊要佢肯寫.....讚下佢多D  la

vitasoy910

joely 寫道:
我地學校低班先開始寫字(中及大楷字母).....數都未寫(因為多曲線)
對佢地黎話好難架......佢地冇空格既概念....又要對線
寫...好要命架

唔識寫咪扶着手仔一邊讀筆順一邊寫(係扶唔係捉佢手寫,因為有D小朋友對字冇信心....唔夠胆寫)
一係就起D點比佢学寫(一兩個好la,唔好全部wor)
  
唔怕佢寫得差.....最緊要佢肯寫.....讚下佢多D  la

joely :
我而家都係讀d筆順而佢自己寫,,但老師話敢教係唔岩,話無可能佢自己寫唔到,,我真係唔明,,佢有幾大個人,,做功課唔係應該父母係身邊架咩?唔教佢點做,佢又會識做咩?
佢敢講到,我真係好辛苦,好大壓力,夠竟係我小朋友有問題,定係咩?我真係........

  

vitasoy910

我k1個陣都同校長傾過到而家,,但都係敢d老師,,d老師正係話左手好難教,叫佢用返右手係方便佢地教= =
我聽完都好無奈又嬲...但而家k2佢真係有進步,但點解你地依d老師仲話佢寫唔到,我真係...
    

召藥師

佢寫字係有改善左，因為淺左好多，如禾田、白米、月光等，依d字佢係之前個間係幼兒班學期尾或幼班學期初已教，轉校前日日都要寫32個詞語，轉校後每日都係寫8個左右，你地話分別大唔大?佢當堂成功感多左，亦冇咁怕寫字，當然佢d字都仲係唔係咁直，但一定好過之前。

joely

joely :
我而家都係讀d筆順而佢自己寫,,但老師話敢教係唔岩,話無可能佢自己寫唔到,,我真係唔明,,佢有幾大個人,,做功課唔係應該父母係身邊架咩?唔教佢點做,佢又會識做咩?
佢敢講到,我真係好辛苦,好大壓力,夠竟係我小朋友有問題,定係咩?我真係........

   [/quote]


同小朋友一齊做功課係就係唔好.....但要慢慢去改
至於讀寫順你叫小朋友和你一齊讀....然後叫佢自己边讀邊,
你望佢一陣間.....睇下佢寫唔寫到
至於用左手係完全冇問題架ka wor

.....佢用左手寫我地咪左手教lor
可能佢用唔慣右手寫呀.....冇力呀
我地亦不會要求小朋友特登改返由右手
除非家長要求

召藥師

joely 寫道:
joely :
我而家都係讀d筆順而佢自己寫,,但老師話敢教係唔岩,話無可能佢自己寫唔到,,我真係唔明,,佢有幾大個人,,做功課唔係應該父母係身邊架咩?唔教佢點做,佢又會識做咩?
佢敢講到,我真係好辛苦,好大壓力,夠竟係我小朋友有問題,定係咩?我真係........

  

同小朋友一齊做功課係就係唔好.....但要慢慢去改
至於讀寫順你叫小朋友和你一齊讀....然後叫佢自己边讀邊,
你望佢一陣間.....睇下佢寫唔寫到
至於用左手係完全冇問題架ka wor

.....佢用左手寫我地咪左手教lor
可能佢用唔慣右手寫呀.....冇力呀
我地亦不會要求小朋友特登改返由右手
除非家長要求
[/quote]

哈哈......最弊阿仔之前個間幼稚園係都要佢用右手，搞到佢唔湯唔水咁，最後就唯有俾佢用右手寫字，左手用黎填色同揸筷子。

我覺得家長揀幼稚園都好重要，學校太過催谷小朋友寫字唔一定係好，最緊要能迎合番小朋友ge能力。

vitasoy910

召藥師:
我而家覺得簡錯學校比我個仔, 因為佢學野比人慢,,
唉,,我唸我而家都係唔理老師講咩,,,等仔自己慢慢黎,敢我就唔使咁辛苦,,我真係好大壓力,,     

召藥師

vitasoy910 寫道:
召藥師:
我而家覺得簡錯學校比我個仔, 因為佢學野比人慢,,
唉,,我唸我而家都係唔理老師講咩,,,等仔自己慢慢黎,敢我就唔使咁辛苦,,我真係好大壓力,,     

講真，如果學校d程度對妳小朋友係過深ge話，同學校反映好多時只會得罪校長同老師(要個別就妳個小朋友唔係個個老師都肯做)，所以妳小朋友讀得唔開心，不防下學期同佢轉校，老師問到咪話自己個小朋友跟唔上，好吃力，唯有轉d程度較低ge學校。
妳可以上網search下d幼稚園ge視學報告，從中可以睇到間學校程度如何，師資如何。(我就係之前唔識咁做，而家睇番個仔之前個間幼稚園ge視學報告，真係幾差下。)

HKQQbaby

我bb現4歲2個月 讀K2
去年bb讀K1時已Trace  26個英文字母
及1至20 Nos.及一些簡單中文
bb可應付有餘
因bb喜歡畫畫 他trace 字當畫畫
但今年升上K2 一開學就要每天
用格子簿寫16個簡單中文字 及順序在英文條字簿上寫26個英文字母 (Capital letter and small letter)
寫英文字母對於剛滿4歲多些的小孩 真不容易
我維有 每晚 看少1個小時電視 幫他練習

connieching

vitasoy910,
我個仔都係剛滿4歲，舊年k1下學期尾，老師已經問我不如俾佢讀多年k1，原因就係話佢手指小肌肉發展得唔好，根本畫直線都好難，無可能在k2學寫字，後來我問佢我個仔在其他學習方面有無問題，佢話係above average，我最後都係俾佢升k2，佢學校後來建議我轉下午校，因為下午校人數小，老師可以俾多D時間幫佢，現在我阿仔寫D字，都好醜怪，我都有捉住佢隻手，讓佢增加信心，而他學校的老師都無話佢，仲叫我讚佢多D，佢會不斷有進步。
而我上星期去母嬰健康院做4歲的綜合測試，姑娘都話阿仔的手指小肌肉發展得唔好，約了在下星期六見醫生，讓醫生給些意見，希望醫生可以有些好建議。   

vitasoy910

connieching 寫道:
vitasoy910,
我個仔都係剛滿4歲，舊年k1下學期尾，老師已經問我不如俾佢讀多年k1，原因就係話佢手指小肌肉發展得唔好，根本畫直線都好難，無可能在k2學寫字，後來我問佢我個仔在其他學習方面有無問題，佢話係above average，我最後都係俾佢升k2，佢學校後來建議我轉下午校，因為下午校人數小，老師可以俾多D時間幫佢，現在我阿仔寫D字，都好醜怪，我都有捉住佢隻手，讓佢增加信心，而他學校的老師都無話佢，仲叫我讚佢多D，佢會不斷有進步。
而我上星期去母嬰健康院做4歲的綜合測試，姑娘都話阿仔的手指小肌肉發展得唔好，約了在下星期六見醫生，讓醫生給些意見，希望醫生可以有些好建議。   

connieching :
我其實你一樣,,但到而家(以前K1班主任)都話我仔寫唔到一個字,我真係好嬲,我仔唔係寫唔到,只係新寫既字唔係好識寫啫,,佢都敢話佢咩都唔識,係有問題,我先嬲 :tongue:
我係暑假真係好比心機教架,你而家成日敢講,是問任何一個人會點 :evil:  :evil:  :evil:
我仔都係約左10月18號做智能測驗

TimBB

vitasoy910 ：
本人係一位幼稚園教師，今年亦係教緊K.2，其實我間學校K.1已開始給小朋友寫字(頭兩行係字型的虛線)。
開始的時候，小朋友都唔識寫，我會先教好佢哋執筆姿勢並扶助佢哋嘅手仔寫(都要佢哋一齊講出筆順，咁佢哋會有寫字方向嘅概念)，等小朋友能掌握執筆嘅技巧；我便用鉛筆(小朋友自己寫，佢一枝鉛筆我又一枝鉛筆，我在小朋友對面)在簿上的格仔引導(指住)佢哋寫字嘅方向，佢哋會識跟住我的鉛筆方向寫。
我從來唔俾壓力小朋友，每個小朋友嘅發展都唔同，關鍵不在年齡，只要佢能掌握明白方法及技巧，總有一天能做到！！ 當中妳需要給予耐性同鼓勵        
妳亦都唔好怪責字體唔靚，負面說話令小朋友有錯敗感，久而久之唔鍾意寫字添 。 可以有空時練習(注意：時間不能太長！)三、四歲人仔識寫字都已經好叻！！！
如果小肌肉發展不足，可玩多些泥膠、畫圖畫及塗顏色......去幫助。
加油呀！